Levítico 18:21 - Tayta Diospa Wilakuynin

²¹ <<

Levítico 18:21 Referans Kwoze

Deuteronomio 12:31

Say runakunaqa diosninkunata adorarmi Tayta Diosta rabyanäsiyan. Diosninkunata adorayashpanmi olqu surinkunata y warmi surinkunatapis sacrificiupaq altarcho rupasiyan. Saynöqa Tayta Diosta ama adorayankisu.

Levítico 19:12

<<

Deuteronomio 18:10

Mayqaykipis ama olqu surikita ni warmi surikitapis sacrificiupaq rupasiyankisu. Ama adivinapakuq ni brüju ni rikakuqpis kayankisu.

Levítico 22:32

Santu kashqäta musyaykar lutankunata rurar ama penqayman churayämankisu. Saynöpami qamkunacho pïmaypis tantiyanqa santu kashqäta. Noqa Tayta Diosmi qamkunata akrashkä santu kayänaykipaq.

Hechos 7:43

Saypa trukanqa Moloc diosnikipaq rurayashqayki toldunta purisiyarqayki. Refán diospa qoyllarnin niraqtami adorayarqayki. Saykunataqa kikikikunami rurayarqayki diosnikikuna kayänanpaq. Sayno rurayashqaykipitami Babiloniapita mas karuman qarquyäshayki>.

Malaquías 1:12

<

Jeremías 19:5

Baalta adorar surikikunata rupasiyänaykipaqmi altarkunatapis kaycho perqayashkanki. Sayno rurayänaykipaqqa manami mandashkäsu ni nishkäsu ni yarpaylapis yarpashkäsu.

1 Reyes 11:33

Saynömi rurashaq Salomón manana cäsukamar Sidón runakuna adorayashqan Astoret diösata, moabita runakuna adorayashqan Quemos diosta y amonita runakuna adorayashqan Moloc diosta adorashqanpita. Payqa manami taytan Davidnösu mandamientükunata, leynïkunata y nishqäkunata cäsukush.

1 Reyes 11:7

Saymi Jerusalén markapa simpan lömacho moabita runakuna adorayashqan melanaypaq Quemos diospaq altarta sharkasirqan. Saynölami altarta sharkasirqan amonita runakuna adorayashqan melanaypaq Moloc diospaqpis.

Levítico 22:2

<

Amós 5:26

Saypa trukanqa rey kashqanta yarparmi Sicut jutiyuq ïduluta aparish purisiyarqayki. Saynöpis qoyllar niraq Quiún ïdulutami aparish purisiyarqayki. Saykunataqa kikikikunami rurayarqayki diosnikikuna kayänanpaq.

Ezequiel 23:37

Paykuna ïdulukunata adorayashpanmi adulteriu jusata jusalikuqno kaykäyan. Saynöpis ïdulukunata adorar wawankunata altarcho rupasiyashpanmi wanusikuq kaykäyan.

Ezequiel 20:31

Say ïdulukunata adorar wamraykikunata rupasiyashpaykimi kananyaqpis pasaypa jusalikuykäyanki. Israel runakuna, ¿sayno rabyanaykäsiyämarku tapukamayta munaykäyanki? Tapukayämaptikipis manami wilayäshaykisu. Noqa Tayta Diosmi sayno kananpaq jurä.

Jeremías 7:31

Saynölami Ben-hinom raqracho kaykaq Tofet niyashqancho altarkunatapis perqayash olqutapis warmitapis surinkunata rupasiyänanpaq. Sayta rurayänanpaqqa noqa manami nirqäsu ni yarpaylapis yarparqäsu>>.

2 Reyes 23:10

Ben-hinomcho kaykaq altartapis impüruyäsirqan Moloc diospaq wamrankunata saycho pipis manana rupasinanpaqmi.

2 Reyes 21:6

Juk diosta adorashpanmi surintapis altarcho Manasés rupasirqan. Saynöpis rikakuq y brüjumi karqan. Payqa almakunawan parlaqkunatapis tapukurqanmi. Sayno mana alikunata rurarmi Tayta Diosta fiyupa rabyanäsirqan.

2 Reyes 16:3

Saypa trukanqa Israel nación reykunanölami juk dioskunata adorarqan. Saymi Canaáncho taq unay runakunapa mana ali costumbrinkunata rurar sacrificiupaq surintapis altarcho rupasirqan. Saynöpami Tayta Dios unay qarqushqan mana Israel runakunanöla pasaypa jusalikurqan.

Levítico 21:6

Saypa trukanqa Dios munashqanta rurar cürakuna santu kawayanqa. Runakuna apayämushqanta altarcho rupasiyänanpaqmi cürakunata Tayta Dios akrash. Say rupasishqankunami Tayta Diospa mikuynin kanqa. Sayno kaykaptinqa Tayta Diospaq santu kayanqa.

Romanos 2:24

Sayno kawayaptiki rasuntachir Tayta Diospa palabrancho kayno qelqaraykan: <>.

Romanos 1:23

Saymi imayyaqpis kawaq Tayta Diosta adorayänanpa trukan ïdulukunata adorayan. Say ïdulukunata rurayan runa niraqtapis, pajaqkuna niraqtapis, uywakuna niraqtapis y lashtaypa puriqkuna niraqtapis.

2 Crónicas 28:3

Say ïdulukunapaqmi Ben-hinom raqracho inciensuwan qoshnisirqan. Saynölami surinkunatapis sacrificiupaq saycho rupasirqan. Sayno rurarmi Tayta Dios unay qarqushqan mana Israel runakunanöla pasaypa jusalikurqan. Say runakunatami Tayta Dios markankunapita qarqurqan Israel runakuna chäyashqan wisan.

Jeremías 32:35

Ben-hinom raqracho altarkunata rurarmi Baal diosta adorayash. Moloc diostapis adorayashpanmi say altarkunacho olquta warmitapis surinkunata rupasiyash. Sayta rurayänanpaq manami nirqäsu ni yarpaylapis yarparqäsu. Sayno rurayashpanmi lapan Judá runakunata jusalikasiyash.

Ezequiel 20:26

Mana ali costumbrikunata rurarmi qechpa wamrankunatapis ïdulukunapaq altarcho rupasiyarqan. Sayno rurayänanpaq kachaparirqä lutanta ruraykäyashqanta tantiyakur mansakäyänanpaq y castigaykashqäta tantiyakuyänanpaqmi>.

Miqueas 6:7

Waranqa (1,000) carnikunata pishtar paypaq rupasish ¿kushikunqasuraq? Chunka waranqa (10,000) mayukuna aywaykaqtano saysika aceitita altarman jichapash ¿kushikunqasuraq? Jusalikushqansipita qechpa surinsitapis wanurkasir rupasipash ¿kushikunqasuraq?

Levítico 24:15

Israel runakunata niy:

2 Reyes 17:31

Ava runakunaqa ïdulukunata rurasiyarqan Nibhaz diosninta y Tartac diosninkunata adorayänanpaqmi. Sefarvaimpita shamuq runakunaqa Adramelecwan Anamelec diosninkunata adorar wamrankunatami altarcho rupasiyarqan.

Amós 2:7

Pobrikunata y humildikunatami munayashqaykita ruraykäsiyanki. Juez kaykarpis manami quejakuyashqanta arreglayankisu. Wakinnikiqa taytaykiwan say warmilatami manijaykäyanki. Sayno rurar santu jutïta manakaqmanmi churaykäyanki.