Jueces 9:4 - Tayta Diospa Wilakuynin

⁴ Sayno wilanakurmi Baal-beritpa templunpita qanchis chunka (70) qellayta jorquskir Abimelecta aptapäyarqan. Say qellayta wanusikuq runakunata pägaykurmi Abimelec pusharqan

Jueces 9:4 Referans Kwoze

Jueces 8:33

Gedeón wanuskiptinnami Israel runakuna yapay Baal dioskunata adorayarqan. Saymi Baal-berit ïdulutana akrayarqan diosnin kananpaq.

Hechos 17:5

Jesúsman mana yärakuq Israel runakunami isanqa Pabluta chikiyashpan qela runakunata niyarqan: <>. Yachasiyashqanno shimita qoyaptinmi Pablutawan Silasta ashir aska runakuna Jasónpa wayinman rabyash yaykuyarqan.

2 Crónicas 13:7

Contran sharkurmi qela runakunawan y yaqa runakunawan Jeroboam shuntakarqan. Salomónpa surin rey Roboam maqtalaraq kar yarpaynin shumaq mana kaptinmi ichipayta kamäpakurqansu.

Jueces 11:3

Saymi qarquyaptin Tob partiman Jefté aywakur asaltantikunawan shuntakaykur suwakur purirqan.

Proverbios 12:11

Arukuq runapaqa mikuyninpis pusuy pusuymi kanqa. Qela runakunawan talukaq runaqa manami shumaqqa yarpachakunsu.

Job 30:8

Paykunaqa mala fäma runakunami kaykäyan. Imapaqpis manami väliyansu. Saymi markanpitapis qarquyash.

1 Samuel 22:2

Saynöpis payman qelikäyarqan muchuq runakuna, jaqa pägayta mana aypäpakuq runakuna y jaqayash runakunapis. Saynöpami Davidpa munaynincho chusku pachak (400) runakuna kayarqan.

2 Samuel 6:20

Saynölami Davidpis wayinman kutikurqan ayllunkunata bendisinanpaq. Wayinman yaykuraykaptinmi Saúlpa surin Mical yarqaskamur nirqan: <<¡Israel nacionpa mandaqnin rey kaykar ashmay warmikunapa nawpancho cösaran tushuraykar aywashkanki! ¡Mana tantiyakuq runanömi pasaypa penqakuypaq sikiki rikakashqanyaq qarikaypa qarikar tushushkanki!>>

Sofonías 3:4

Profëtaykikunapis mana respitakuq y engañakuqmi kaykäyan. Cüraykikunapis sagrädu templutami impüruyäsiyan. Tayta Diospa leyninkunatapis manami cumpliyansu.

Jueces 9:27

Saypitanami chakrapa aywar üvata shuntayashpan vïnuta rurayarqan. Nirkurnami diosninkunapa templuncho mikur upur fiestata rurayashpan Abimelecpa washanta rimayarqan.