Jueces 8:10 - Tayta Diospa Wilakuynin

¹⁰ Sayyaqmi inti jeqamunan kaqläpita shamuq soldädunkunawan Zebawan Zalmuna Carcorman chäyarqan. Paykunapa soldädunkunata Gedeónpa yanapaqnin runakuna pachak ishkay chunka waranqatami (120,000) wanusiyarqan. Saymi chunka pisqa waranqalana (15,000) soldädunkuna kayarqan.

Jueces 8:10 Referans Kwoze

Jueces 7:12

Campamentunchömi madianita runakuna, amalecita runakuna y inti jeqamunan kaqläpita shamuq wakin runakunapis pitishnöraq saysika shuntaraykäyarqan. Saynölami camëllunkunapis yupayta mana atipaypaq kaykäyarqan.

2 Reyes 3:26

Soldädunkunata vinciykäyashqanta rikaskirmi Moab nacionpa mandaqnin reyqa yarpachakurqan edomita soldädukunata atacar saypa qeshpiyänanpaq kashqanta. Espäda manijayta yachaq qanchis pachak (700) soldädunkunata shuntaykur atacarpis manami vinciyta kamäpakuyarqansu.

Jueces 20:46

Say junaqmi Benjamín trïbu runakuna wanuyarqan ishkay chunka pisqa waranqa (25,000) pelyayta yachaq runakuna.

Jueces 20:35

Saynöpami Israel runakunata Tayta Dios yanaparqan Benjamín trïbu runakunata vinciyänanpaq. Say junaqmi wanusiyarqan ishkay chunka pisqa waranqa juk pachak (25,100) Benjamín trïbu runakunata. Lapanpis say runakuna kayarqan espädata ali manijaqmi.

Jueces 20:25

Atacayaptinmi Benjamín trïbu runakunaqa Gabaapita yarqamur chunka puwaq waranqa (18,000) Israel runakunata wanusiyarqan.

Jueces 20:17

Wakin trïbu Israel runakunanami guërracho pelyay yachaqlantaq chusku pachak waranqa (400,000) shuntakäyarqan.

Jueces 20:15

Guërraman aywayänanpaq shuntakaq Benjamín trïbu runakunaqa kayarqan ishkay chunka soqta waranqami (26,000). Say karqan Gabaa markacho taq qanchis pachak (700) pelyayta yachaq runakunata mana yupaylapami.

Jueces 20:2

Lapan trïbunkunapitami Israel runakunapa mandaqninkunapis kaykäyarqan. Chusku pachak waranqa (400,000) runakunami espädanwan saycho shuntakäyarqan.

Isaías 37:36

Saypitanami say sakay Asiria soldädukunapa campamentunman aywaykur Tayta Diospa angilnin juk pachak puwaq chunka pisqa waranqa (185,000) soldädukunata wanusirqan. Waraynin tuta kawaq kaq soldädukuna sharkurmi saysika soldädu mayinkuna wanush jitaraykäyaqta rikayarqan.

Isaías 9:4

4 (3) Contrapartinkunata ushakäsirmi paykunapa munayninpita salvanki. Unay ayllunkunata madianita runakunapa munayninpita jorqushqaykinömi yapaypis salvanki.

2 Crónicas 28:8

Israel soldädukunaqa prësu sariykur apakuyarqan ishkay pachak waranqa (200,000) Judá runakunatami. Say prësukuna kayarqan Judá runakunapa warminkuna, olqu surinkuna y warmi surinkunami. Saynölami paykunapa lapan imaykantapis apakur Samaria markapa kutikuyarqan.

2 Crónicas 28:6

Saynöpami Remalíaspa surin Peka juk junaqlacho soldädunkunawan wanusiyarqan pachak ishkay chunka waranqa (120,000) Judá runakunata. Say wanuq runakuna kayarqan ali chölulantaqmi. Paykuna sayno wanuyarqan unay ayllunkuna yärakuyashqan Tayta Diosta mana cäsukuyashqanpitami.

2 Crónicas 13:17

Sayno pelyarmi Abías y soldädunkuna pisqa pachak waranqa (500,000) alinnin Israel soldädukunata wanusiyarqan.

Jueces 7:22

Cornëtakunata kimsa pachak (300) Israel runakuna tukaykäyaptinmi madianita runakunata Tayta Dios pantakäsirqan kikinpura espädawan wanusinakuyänanpaq. Wakin kaq madianita soldädukunanami Zereraman aywaq nänipa qeshpir Bet-sitaläpa aywakuyarqan. Wakinnami chäyarqan Tabatpa nawpan Abel-meholapa lindërunyaq.

Jueces 6:5

Say runakunaqa toldunkunata apakurkurmi uywankunawan maypapis aywayaq. Yupaytapis mana atipaypaq camëllunkunawan aywarmi chakrakunacho lapan wayuq mikuykunata saysika chukluskunanöraq ushayaq.

Jueces 8:11

Gedeónqa yanapaqnin runakunawan sunyaq jirkapa aywaq nänipa qatiparmi madianita runakunata elaqpita atacayarqan. Say näniqa Noba y Jogbehaläpami päsarqan. Sayläqa inti jeqamunan kaqpami karqan.

Jueces 7:13

Sayman chaykur wiyaparaykashqanchömi Gedeón wiyarqan juk soldädu sueñuyninta wilapar nishqanta: <>.