Jueces 7:12 - Tayta Diospa Wilakuynin

¹² Campamentunchömi madianita runakuna, amalecita runakuna y inti jeqamunan kaqläpita shamuq wakin runakunapis pitishnöraq saysika shuntaraykäyarqan. Saynölami camëllunkunapis yupayta mana atipaypaq kaykäyarqan.

Jueces 7:12 Referans Kwoze

Jueces 8:10

Sayyaqmi inti jeqamunan kaqläpita shamuq soldädunkunawan Zebawan Zalmuna Carcorman chäyarqan. Paykunapa soldädunkunata Gedeónpa yanapaqnin runakuna pachak ishkay chunka waranqatami (120,000) wanusiyarqan. Saymi chunka pisqa waranqalana (15,000) soldädunkuna kayarqan.

Jueces 6:5

Say runakunaqa toldunkunata apakurkurmi uywankunawan maypapis aywayaq. Yupaytapis mana atipaypaq camëllunkunawan aywarmi chakrakunacho lapan wayuq mikuykunata saysika chukluskunanöraq ushayaq.

Jueces 6:3

Cada watami cosëcha wisan madianita runakuna, amalecita runakuna y inti jeqamunan kaqlächo taq wakin runakunapis Israel runakunata atacayaq.

Josué 11:4

Yanapäsiyänanpaq qayasiptinmi lapan reykuna aywayarqan soldädunkunawan, cawallunkunawan y guërrapaq rurasiyashqan carrëtankunawanpis. Lamar kuchuncho aqushanöraqmi yupaytapis mana atipaypaq say aywaq runakuna kayarqan.

Salmo 33:16

Reyqa manami aska soldäduyuq kashqanpitasu guërracho vincin. Manami ali chölu soldäduyuq kashqanpitasu contrankunapita salvakun.

Salmo 3:1

1 (2) Tayta Dios, askaqmi conträ sharkuykäyan. Saysikami chikiykäyäman.

1 Reyes 4:30

30 (5.10) Salomónqa mas yachaqmi karqan Egiptucho taq yachaq runakunapita y inti jeqamunanlächo taq yachaq runakunapitapis.

Jueces 6:33

Say wisanmi madianita runakuna, amalecita runakuna y inti jeqamunan kaqlächo taq wakin runakunapis shuntakäyashpan Jordán mayuta simparir Jezreel pampacho campamentunkunata sharkasiyarqan.

Jueces 7:13

Sayman chaykur wiyaparaykashqanchömi Gedeón wiyarqan juk soldädu sueñuyninta wilapar nishqanta: <>.

1 Samuel 30:17

Sayno kaykaqta tariykurmi Davidqa yanapaqninkunawan say runakunata qoyayninpa waraynin tardiyaq wanusiyarqan. Chusku pachak (400) maqtakunalami camëllunkunata loqakurkur qeshpiyarqan.

Jeremías 46:23

Say contran runakunaqa shatayash muntikunatapis saquyanqami. Yupaytapis mana atipaypaq chukluskunapitapis mas askami kayanqa.

1 Samuel 13:5

Filisteo runakunapis shuntakäyarqan Israel runakunawan pelyayänanpaqmi. Filisteo runakunapami karqan kimsa chunka waranqa (30,000) carrëtankuna y soqta waranqa (6,000) cawallun loqash soldädunkuna. Chakilapa aywaq soldädukunanami kayarqan lamar kuchuncho aqunöraq yupaytapis mana atipaypaq. Paykunami shuntakäyarqan Micmascho. Micmasqa Bet-avén inti jeqamunan kaqläpami karqan.

1 Reyes 20:27

Saynölami Acabpis Israel soldädukunata shuntaykur aywarqan Siria soldädukunawan pelyayänanpaq. Siria soldädukunaqa tishyayparaq saysikami kayarqan. Israel soldädukunami isanqa ishkay kuncha cabrakunanöla kayarqan.