9 <
<
Saymi kimsaq nawpayämunqa shuntäsiyäshunaykipaq. Saynöpami shuntayänaykipaq niyashqaykinöla ofrenda listuna kanqa noqa chämur apanäpaq. Chämuptïraq shuntayaptikiqa runakuna yarpäyanqa mana munaykar shuntaykäyashqaykitami.
Saymi qamkuna kaqman kutimunanpaq niptï kushish awnimash. Qamkunawan kayta munarmi manaraq niptïpis shamuyta munaykan.
Lapan shonquykikunawan kushish shuntayaptikiqa ofrendayashqaykita Tayta Dios chaskiyäshunkimi. Isanqa kashlanpita shuntayay. Ama lakikuyaysu shuntayashqayki ofrenda walkala kaptinpis.
Tayta Diospa templunta sharkasinanpaq lapan shonqunkunawan aparmi runakuna seqaypa kushikuyarqan. Saynölami rey Davidpis seqaypa kushikurqan.
Zicripa surin capitán Amasíaspa munayninchömi kayarqan ishkay pachak waranqa (200,000) geniu soldädukuna. Payqa kikinpa voluntäninpitami yaykurqan Tayta Diosta sirvir capitán kananpaq.
Wakinnami voluntäninpita aywayarqan Jerusaléncho täyänanpaq. Paykunatami runakuna kushish chaskikuyarqan.
Runakuna apayashqanta rikaykurmi rey Ezequías autoridäninkunawan Tayta Diosta adorayarqan. Saynölami Tayta Dios kuyashqan Israel runakunata kushish agradëcikuyarqan.
Tayta Diostami lapan shonqüwan alabashaq. Kuyapämar yanapämashqanta manami imaypis qonqäshaqsu.
Guërraman aywanaykipaq wilakasiptiki soldäduykikuna juklami shuntakäyanqa. Jirkakunacho waran waran shulya yurishqannömi qampis waranlan waranlanta maqtano rikakunki.
