Jueces 2:22 - Tayta Diospa Wilakuynin

²² Say contran runakunami jusalikuyänanpaq Israel runakunata inkitayanqa. Saynöpami musyashaq Israel runakuna unay ayllunkunano cäsukayämashqanta o mana cäsukayämashqantapis>>.

Jueces 2:22 Referans Kwoze

Deuteronomio 8:2

<

Deuteronomio 8:16

Mikuyänaykipaq manátapis kamaripäyäshurqaykimi. Say mikuyta manami unay ayllunsikunapis reqiyarqansu. Nakasiyäshushpaykimi pruëbaman churayäshurqayki tantiyakur ali kawayänaykipaq.

Deuteronomio 13:3

3 (4) ama chaskipäyankisu. Say runata chaskipäyänaykipa trukanqa tantiyakuyanki Tayta Diosninsi pruëbaman churaykäyäshushqaykita. Paymi musyayta munaykan lapan shonquykikunawan y voluntänikikunawan payta kuyayashqaykita o mana kuyayashqaykitapis.

Proverbios 17:3

Rasunpaypa qori kashqanta y qellay kashqanta musyananpaq ninawanmi sulusin. Saynölami runapa yarpaynin ali kashqanta o mana ali kashqantapis musyananpaq Tayta Dios pruëbaman churan.

Génesis 22:1

Saypita aska wata päsarkuptinnami Tayta Dios musyayta munarqan Abraham cäsukuq kashqanta o mana cäsukuq kashqantapis. Saymi qayarqan: <<¡Abraham!>> nir. Niptinmi Abraham nirqan: <<¿Imalataq, Taytay?>>

Salmo 66:10

Tayta Dios, sayno karpis probayämashkanki. Qellayta sulusir qanranta jorquqnömi purificayämashkanki.

Job 23:10

Paymi isanqa musyaykan maycho kaykashqäta y imata ruraykashqätapis. Qoripa qanranta ninawan sulusiypa jorquptin püru quëdashqannömi noqapis nakaykunawan nakasimaptin jusaynaq kashaq.

2 Crónicas 32:31

Judá nacioncho milagru päsashqanta musyayämunanpaqmi Babiloniapita pasa mandaq runakuna kachakunata kachayarqan Ezequíasman. Chaykuyaptinmi Ezequíasta Tayta Dios kacharirqan payta lapan shonqunwan cäsukushqanta o mana cäsukushqantapis musyayta munashpan.

Éxodo 15:25

Saymi Tayta Diosta Moisés manakurqan yanapänanpaq. Manakuptinmi Tayta Dios jachata rikasirqan. Say jachapa rämanta yakuman winarpuptinmi iwjirqannasu. Israel runakunata sayno pruëbaman churarkurmi leykunata y estatütukunata tantiyasishpan

Jueces 2:23

Sayno nirmi Josué mana ushakäsishqan markakunacho taq runakunata ushakäsiyänanpaq Israel runakunata Tayta Dios yanaparqannasu.