Jueces 19:10 - Tayta Diospa Wilakuynin

¹⁰ Sayno nikaptinmi Leví trïbu runaqa saycho punuyta mana munar concubïna warminta y ashmayninta pushakurkur y ishkay silla ashnunkunata qatikurkur aywakuyarqan. Sayno aywakurmi Jerusalén niyashqan Jebús marka simpanman chäyarqan.

Jueces 19:10 Referans Kwoze

Josué 15:63

Judá trïbu runakuna manami qarquyta kamäpakuyarqansu Jerusaléncho taykaq jebuseo runakunata. Kananyaqpis jinalami jebuseo runakunaqa Judá trïbu runakuna kaqcho taykäyan.

Josué 15:8

Saypitami jebuseo runakuna täyashqan sur kaqläpa päsar Ben-hinom raqrapa päsararqan. Saychöqa Jerusalénmi kaykan. Ben-hinom raqrapita wisaypana aywararmi löma jananyaq chärarqan. Say lömaqa Jerusalénpita inti jeqanan kaqläpami kaykan. Saypitanami lindërun chärarqan Refaim pampa norti kaq kuchunyaq.

2 Samuel 5:6

Saypitanami soldädunkunawan rey David aywarqan Jerusaléncho taq jebuseo runakunata atacayänanpaq. Saymi jebuseo runakuna niyarqan: <>.

Jueces 1:8

Jerusalénman pelyaq aywarnami saycho taq runakunata Judá trïbu runakuna lapanta espädawan wanusiyarqan. Nirkurmi markacho kaykaq wayikunatapis rupasir ushayarqan.

Josué 18:28

Zela, Elef, Jebús (Jebúspa jukaq jutin kaykan Jerusalén), Gabaa y Quiriat. Say markakuna chunka chuskumi caseriunkunawan kayarqan. Saynömi Benjamín trïbu runakuna ayllunpa ayllunpa chaskiyashqan posisionninpa lindërun karqan.

Jueces 19:9

Saypita concubïna warminwan y ashmayninwan aywakuyänanpaq kamarikuptinmi suedrun nirqan: <>.