Jueces 18:12 - Tayta Diospa Wilakuynin

¹² Judá trïbu runakuna täyashqan partiman chaykurmi Quiriat-jearimpita inti jeqanan kaqlächo posädakuyarqan. Saypitami kananyaqpis say partipa jutin Mahané-dan kaykan.

Jueces 18:12 Referans Kwoze

Jueces 13:25

Mahané-dan particho taykaptinmi Tayta Diospa Espïritun Sansónta yanapaykashqanta runakuna tantiyakuyarqan. Say partiqa Zorawan Estaol markakunapa chawpinchömi kaykan.

Josué 15:60

Saynöpis Judá trïbu runakunapami karqan Quiriat-baal (Quiriat-baalpa jukaq jutinqa karqan Quiriat-Jearimmi) y Rabá. Say markakuna ishkaymi caseriunkunawan karqan.

2 Crónicas 1:4

Tayta Diospa babulninqa manami Tinkuna Tolduchönasu kaykarqan, sinöqa Jerusaléncho David rurasishqan tolduchömi. Say tolducho churaränanpaqmi Quiriat-jearim markapita Jerusalénman David apasirqan.

1 Samuel 7:1

Wilakuq chaykur sayno niptinmi Bet-semesman aywaykur Tayta Diospa babulninta apakuyarqan. Quiriat-jearimman chaykasirnami Abinadabpa lömacho kaykaq wayinman churayarqan. Nirkurmi Abinadabpa surin Eleazarta churayarqan babulta rikananpaq.

Josué 9:17

Sayta musyaykur ashiq aywayashpanmi kimsa junaq aywaycho tariyarqan Gabaón runakunapa markankunata. Paykunapa markankunami karqan Gabaón, Cafira, Beerot y Quiriat-jearim.

Josué 15:9

Saypa päsar löma jananpitaqa lindërun uraraykarqan Neftoacho yaku pashtaq pukyuyaqmi. Saypita päsarmi Efrón jalqakunacho kaykaq markakunayaq chärarqan. Saypitami tumararqan Baala markapa. Baalapa jukaq jutimi Quiriat-jearim karqan.

Jueces 18:11

Sayno niyaptinmi Zora y Estaol markakunapita soqta pachak (600) runakuna pelyayänanpaq kamarikush aywayarqan. Say aywaqkunaqa Dan trïbu runakunami kayarqan.

Jueces 18:13

Saypita yarqurnami Efraín jalqakunapa päsar Micaíapa wayinman chäyarqan.

1 Samuel 6:21

Sayno niyashpanmi Quiriat-jearimman wilakuqkunata kachar niyarqan: <>.