Jueces 17:5 - Tayta Diospa Wilakuynin

⁵ Micaíanami saycho takshala capillata rurarqan ïdulunta sayman churaykur adorananpaq. Efodta y wakin ïdulukunatapis ruraykurmi juk surinta cüra kananpaq churarqan.

Jueces 17:5 Referans Kwoze

Jueces 18:14

Lais partita rikapakuq pisqa runakunami niyarqan: <>.

Jueces 8:27

Say qorikunapita juk efodta rurarkurmi markan Oframan Gedeón churarqan. Saypitanami Israel runakuna Tayta Diosta mana wiyakur say efodta adorayarqan. Saymi say efod imayka trampano karqan Gedeónpaq y ayllunkunapaqpis.

Génesis 31:19

Sayno kutikurqan milwa rutuq Labán aywashqanyaqmi. Raquelnami papäninpa ïdulunkunata suwaypa apakurqan.

Jueces 18:24

Saymi Micaía nirqan: < niyämankiraq ¿aw?>>

Génesis 31:30

Papänikipa wayinman kutikurpis ¿imapaqtaq diosnïkunata suwakamushkanki?>>

Oseas 3:4

Saynömi Israel runakunapapis aska wata kanqasu mandaqnin reypis ni autoridäninkunapis. Manami Tayta Diospaq sacrificiutapis rupasiyanqasu ni juk diosta adorar wankatapis ichisiyanqanasu. Manami ni cürakunapis ni wayinkunacho ïdulunkunapis kanqanasu.

Éxodo 29:9

Aarónta wachkunwan wachkapashqaykino paykunatapis wachkapanki. Görrantapis jatipanki. Saynöpami noqata sirvimaq cüra kayänanpaq churanki. Paykuna y paykunapita miraqkuna imayyaqpis sirvimaq cürakunami kayanqa.

Éxodo 28:15

<

Hebreos 5:4

Kikinpa munaylanpitaqa manami pipis mandaq cüra kayman yaykunsu. Saypa trukanqa Tayta Dios churaptinraqmi mandaq cüra kayman pipis yaykun. Aarónpis mandaq cüra karqan Tayta Dios churaptinraqmi.

Oseas 8:14

Kamaqnin Tayta Dios kaykaptïpis Israel runakuna manami yärakayämansu. Yärakayämänanpa trukanqa amparakuyänanpaq palaciukunatami sharkaykäsiyan. Judá runakunapis ali murallash markankunamanmi yärakuykäyan. Nina rupar ushashqannömi murallash markankunata y ali sharkasishqan palaciunkunatapis ushakäsishaq>>.

Esdras 1:7

Saynölami Tayta Diospa templunpita Nabucodonosor apakushqan manëjukunata rey Ciro entregarqan Jerusalénman kutisiyänanpaq. Say manëjukunaqa Nabucodonosor adorashqan diosninkunapa templunchömi churaraykäyarqan.

1 Reyes 12:31

Saynölami maychöpis altarkuna kashqancho wayikunata Jeroboam rurasirqan. Saycho cüra kayänanpaqmi mana Leví trïbu runakunatapis lutala churarqan.

1 Samuel 23:6

Ahimelecpa surin Abiatarmi efodta apakurkur Keila markacho David kaykaqman Saúlpita qeshpir aywakurqan.

Éxodo 28:4

Wawqiki Aarónwan surinkunapis jatikuyänanpaq rurasipanki pectoralta, efodta, sotänata, bordash tünicata, görrata y wachkutapis. Paykuna say sagrädu mödanata jatikuyanqa akrashqä cürakuna kar sirviyämänanpaqmi.

Éxodo 24:5

Saypitanami maqtakunata nirqan törukunata pishtarkur rupasina sacrificiuta y jawka kawakuy sacrificiuta rupasiyänanpaq.

Números 3:10

Aarón y paypita miraqkunalami cüra kayanqa. Pipis cüra mana kaykar cüra rurananpaq kaqkunata rurarqa wanunqami>>.

Jueces 17:4

Sayno nishpanmi wawan kutisishqan ishkay pachak (200) qellayta ïdulu ruraq runata qoykurqan. Ïduluta rurayta ushaskiptinnami Micaíapa wayinman churarqan.

Jueces 18:30

Saymannami apayashqan ïduluta churayarqan respitar adorayänanpaq. Cüratana churayarqan Moiséspa surin Gersón ayllu Jonatántami. Saypitaqa Jonatánpita miraq runakunalanami Dan trïbu runakunacho cüra kayarqan hasta juklä nacionman Dan trïbu runakunata prësu apayashqanyaq.

Isaías 44:13

Carpintërupis metrunwanmi qeruta tupun. Imano rurananpaqpis läpizwanmi dibujan. Formonwan takapaylapami laqlanpis. Shumaq yarqunanpaq compaswanmi dibujan. Saynöpami say ïduluta kuyaylapaq runatano ruran. Rurayta usharkurnami ïdulupaq rurayashqan wayiman churan.

Ezequiel 21:21

21 (26) <

1 Samuel 19:13

Micalnami wayincho kaykaq juk ïduluta Davidpa cämanman punuykasirqan. Cabra aqsapita awash jawnata ïdulupa umanman churaparkurmi qataparkurqan.

1 Reyes 12:32

Saynöpis Jeroboam mandarqan Judácho Ramäda fiestata rurayashqanno Israel runakuna Bet-elchöpis cada wata fiestata rurayänanpaqmi. Say fiestata qalaykuyaq puwaq killacho chunka pisqa junaq kaykaptinmi. Bet-elcho fiesta kaptinmi kikin Jeroboam sacrificiukunata rupasirqan qoripita rurash turïtukunata adorashpan. Saynölami runakunata churarqan markakunacho kaq altarkunacho cüra kayänanpaq.

Ezequiel 21:26

26 (31) Noqa Tayta Diosmi nï: Umaykicho jatiraykashqayki görrata y corönaykita jorquy. Lapanpis juknönami kanqa. Saymi manakaqman churash runakuna aliman churash kayanqa. Chölu tukuqkunanami manakaqman churash kayanqa.