Jueces 1:27 - Tayta Diospa Wilakuynin

²⁷ Manasés trïbu runakuna manami qarquyta kamäpakuyarqansu Bet-seán, Taanac, Dor, Ibleam y Meguido markakunacho taq runakunata y say markakunapa nawpankunacho taq runakunatapis. Saymi cananeo runakunaqa jinala say markakunacho taykäyan.

Jueces 1:27 Referans Kwoze

Jeremías 48:10

¡Munashqäta rurayänanpaq kachaykaptï janan shonqula cumpliqkunataqa maldicionashaqmi! ¡Wanusiyänanpaq nikaptï mana wanusiqkunatapis maldicionashaqmi!

1 Samuel 15:9

Agagtami isanqa manami wanusiyarqansu. Saynöpis manami wanusiyarqansu wera kaqtaqa uyshatapis, cabratapis, wäkatapis, turïtukunatapis, carnishkunatapis. Ni imankunatapis ali kaqkunataqa manami rupasiyarqansu. Uyu kaqkunatami isanqa lapanta wanusiyarqan.

Jueces 5:19

<

Jueces 1:1

Josué wanuykuptinnami Israel runakuna Tayta Diosta tapukuyarqan: <<¿Mayqan trïbu runakunataq cananeo runakunawan pelyaq puntata aywayanqa, Taytay?>> nir.

Josué 21:25

Pulan Manasés trïbupitami Taanacta y Gat-rimónta chaskiyarqan. Say ishkay markakunapami misikuyänanpaq jalqankuna karqan.

Deuteronomio 7:2

Sayno kaptinpis qamkunapa munaynikiman say runakunata Tayta Dios churamuptin paykunawan ima pactutapis ama rurayankisu. Saypa trukanqa mana kuyapaypa lapanta ushakäsiyanki.

Éxodo 23:32

Say runakunawan ni diosninkunawan ima pactutapis ama rurayankisu.

Jueces 1:26

Say runa heteo runakuna täyashqan kaqman aywakurmi markata sharkarkasir jutisirqan Luz jutin kananpaq. Kananyaqpis say markapa jutin saylami kaykan.

Jueces 1:28

Saypita Israel runakuna askaman mirarmi cananeo runakunata ashmaytano arusir munaynincho sararäyarqan. Paykunata qarquytami isanqa kamäpakuyarqansu.

2 Reyes 9:27

Rey Joramta wanusiptinmi Judá nacionpa mandaqnin rey Ocozíasqa qeshpir aywakurqan Bet-haganman. Qeshpir aywakuptinmi Jehúqa qepanta qatipar yanapaqninta nirqan: <<¡Paytapis wanusiyay!>> Sayno niptinmi carrëtancho kaykaqta flëchawan flëchaykurqan. Payta sayno flëchaykurqan Ibleam cercancho Gur jutiyuq cuestata wisaykaptinmi. Flëchaykuptinpis manami juklasu wanurqan, sinöqa Meguiduman chaykurraqmi wanurqan.

Jueces 1:21

Benjamín trïbu runakunaqa Jerusaléncho taq jebuseo runakunata manami qarquyta kamäpakuyarqansu. Saymi jebuseo runakunaqa kananyaqpis Benjamín trïbu runakunawan Jerusaléncho taykäyan.

1 Samuel 31:10

Saúlpa espädanta y pelyananpaq kaq mödanantanami Astarot diösapa templunman churayarqan. Cuerpuntanami Bet-sán markapa murällanman warkuyarqan.

1 Reyes 9:21

Say runakunapa unay ayllunkunataqa Israel runakuna nacionninman yaykur manami wanusiyarqansu. Saymi say runakunapita miraqkunaqa Israel nacioncho kaykäyaptinraq Salomón churarqan faynakunacho aruyänanpaq. Kananyaqpis saynölami paykunaqa faynakunacho aruyan.

2 Reyes 23:29

Say wisanmi Egipto nacionpa mandaqnin rey karqan Faraón Necao. Paymi Éufrates mayu kaqläpa soldädunkunawan aywayta munarqan Asiria nacionpa mandaqnin reyta yanapäyänanpaq. Yanapäyänanta mana munarmi michänanpaq soldädunkunawan rey Josíasqa yarquyarqan. Meguiduman chaykur Egipto runakunawan pelyaykaptinmi Josíasta Faraón Necao wanurasirqan.