Jueces 1:26 - Tayta Diospa Wilakuynin

²⁶ Say runa heteo runakuna täyashqan kaqman aywakurmi markata sharkarkasir jutisirqan Luz jutin kananpaq. Kananyaqpis say markapa jutin saylami kaykan.

Jueces 1:26 Referans Kwoze

2 Crónicas 1:17

Egiptupita rantiyämushqan juk carrëtami cuestaq soqta pachak (600) yuraq qellay y juk cawallunami cuestaq pachak pisqa chunka (150) yuraq qellay. Say cawallukunata y carrëtakunatami wakintaqa rantikuyaq heteo runakunapa mandaqnin reykunata y wakintana Siria runakunapa mandaqnin reykunata.

2 Reyes 7:6

Manaraq chäyaptinmi Siria soldädukunata Tayta Dios mayapakasirqan carrëtakunawan cawallukunawan saysika soldädukuna atacayänanpaq yaykuykäyaqtano. Sayta mayapakurmi Siria soldädukuna yarpäyarqan heteo soldädukunata y Egipto soldädukunata Israel nacionpa mandaqnin rey yanapäyänanpaq minkakuptin yaykuykäyashqanta.

Jueces 1:25

Sayno niyaptinmi mayninpa yaykuyänanpaqpis rikasirqan. Saymi rikapakuqkuna kutiykur wilayaptin Israel runakuna yaykuykur saycho taqkunata espädankunawan lapanta wanusiyarqan. Markaman imano yaykuyänanpaqpis rikasiq runata y ayllunkunatami isanqa promitiyashqannöla wanusiyarqansu.

Jueces 1:27

Manasés trïbu runakuna manami qarquyta kamäpakuyarqansu Bet-seán, Taanac, Dor, Ibleam y Meguido markakunacho taq runakunata y say markakunapa nawpankunacho taq runakunatapis. Saymi cananeo runakunaqa jinala say markakunacho taykäyan.