Jueces 1:22 - Tayta Diospa Wilakuynin

²² Tayta Dios yanapaptinmi Josépita miraq runakuna Bet-el markacho taq runakunata atacar vinciyarqan.

Jueces 1:22 Referans Kwoze

Jueces 1:19

Tayta Dios yanapaptinmi Judá trïbu runakunaqa jalqakunacho taq runakunata wanusir ushayarqan. Costacho taq runakunatami isanqa ushakäsiyta kamäpakuyarqansu, fiërrupita rurash guërra carrëtankuna kaptin.

Apocalípsis 7:8

Zabulón trïbupitami chunka ishkay waranqa (12,000) kayarqan. José trïbupitami chunka ishkay waranqa (12,000) kayarqan. Benjamín trïbupitami chunka ishkay waranqa (12,000) kayarqan.

1 Crónicas 7:29

Saynöpis Israelpa surin Josépita miraqkuna täyarqan Bet-seán markacho y jalqankunacho, Taanac markacho y jalqankunacho, Meguido markacho y jalqankunacho, Dor markacho y jalqankunachömi. Lapan say markakunaqa Manasés trïbu runakunapa munayninchömi karqan.

2 Reyes 18:7

Tayta Dios yanapaptinmi lapan rurashqanpis ali yarqaparqan. Saymi Asiria nacionpa mandaqnin reypa munaynincho kaykashqanpita yarqukurqan.

Josué 14:4

Mana aypuptinpis wakin trïbukunapa posisionninchömi markakunata y chakrakunata chaskiyarqan uywankunata misikur täyänanpaq. Josépita miraq ishkay trïbukunami Manasés trïbu y Efraín trïbu kayarqan.

Números 1:32

Josépa surin Efraín trïbupitami kayarqan chusku chunka waranqa pisqa pachak (40,500) runakuna.

Números 1:10

Efraín trïbupita Amiudpa surin Elisama, Manasés trïbupita Pedasurpa surin Gamaliel (Efraínwan Manasésqa Josépa surinkunami kayarqan),

Génesis 49:24

Sayno kaptinpis Josépita miraqkunapa rikrankuna selläma kalpayuqmi kayanqa. Flëchananpaq flëchakunantapis chachakmi aptaräyanqa. Sayno kalpayuq kayanqa lapanpaq munayyuq Tayta Dios yanapaptinmi. Paymi Israel runakunata misir munayninwan imapitapis sapan.

Josué 8:12

Saypitanami wakin runakuna pakaraykäyashqanman pisqa waranqatano (5,000) runakunata Josué kacharqan. Say runakunaqa inti jeqanan kaqlächo y Haipita Bet-elman aywanachömi pakaraykäyarqan.

Jueces 1:21

Benjamín trïbu runakunaqa Jerusaléncho taq jebuseo runakunata manami qarquyta kamäpakuyarqansu. Saymi jebuseo runakunaqa kananyaqpis Benjamín trïbu runakunawan Jerusaléncho taykäyan.

Jueces 1:23

Manaraq atacarmi say markaman runakunata kachayarqan imano kashqantapis rikapakayämunanpaq. Nawpataqa say markapa jutin karqan Luzmi.