Jueces 1:21 - Tayta Diospa Wilakuynin

²¹ Benjamín trïbu runakunaqa Jerusaléncho taq jebuseo runakunata manami qarquyta kamäpakuyarqansu. Saymi jebuseo runakunaqa kananyaqpis Benjamín trïbu runakunawan Jerusaléncho taykäyan.

Jueces 1:21 Referans Kwoze

Josué 15:63

Judá trïbu runakuna manami qarquyta kamäpakuyarqansu Jerusaléncho taykaq jebuseo runakunata. Kananyaqpis jinalami jebuseo runakunaqa Judá trïbu runakuna kaqcho taykäyan.

Jueces 1:8

Jerusalénman pelyaq aywarnami saycho taq runakunata Judá trïbu runakuna lapanta espädawan wanusiyarqan. Nirkurmi markacho kaykaq wayikunatapis rupasir ushayarqan.

Jueces 1:22

Tayta Dios yanapaptinmi Josépita miraq runakuna Bet-el markacho taq runakunata atacar vinciyarqan.

1 Reyes 9:21

Say runakunapa unay ayllunkunataqa Israel runakuna nacionninman yaykur manami wanusiyarqansu. Saymi say runakunapita miraqkunaqa Israel nacioncho kaykäyaptinraq Salomón churarqan faynakunacho aruyänanpaq. Kananyaqpis saynölami paykunaqa faynakunacho aruyan.

1 Crónicas 11:4

Saypitanami lapan Israel soldädukunawan rey David aywarqan Jerusalén markata atacananpaq. Jebuseo runakuna saycho täyaptinmi say markata Jebús jutiwan reqiyarqan.

Salmo 106:34

Promitishqayki nacionman paykuna yaykur markakunata ushakäsiyänanpaq niptikipis manami ushakäsiyarqansu.

Jueces 1:27

Manasés trïbu runakuna manami qarquyta kamäpakuyarqansu Bet-seán, Taanac, Dor, Ibleam y Meguido markakunacho taq runakunata y say markakunapa nawpankunacho taq runakunatapis. Saymi cananeo runakunaqa jinala say markakunacho taykäyan.

1 Crónicas 1:14

Canaánpita miraqkunami kaykäyan jebuseo runakuna, amorreo runakuna, gergeseo runakuna,

1 Crónicas 8:28

Paykunami ayllunkunapa mandaqnin kayarqan y Jerusalénchömi täyarqan. Jutinkuna qelqaraykan unay runakunapa jutinkuna qelqaraykäyashqan libruchömi.

2 Crónicas 8:8

Say runakunapa unay ayllunkunataqa Israel runakuna nacionninman yaykur manami wanusiyarqansu. Saymi say runakunapita miraqkunaqa Israel nacioncho kaykäyaptinraq Salomón churarqan faynakunacho aruyänanpaq. Kananyaqpis saynölami paykunaqa faynakunacho aruyan.