Jueces 1:19 - Tayta Diospa Wilakuynin

¹⁹ Tayta Dios yanapaptinmi Judá trïbu runakunaqa jalqakunacho taq runakunata wanusir ushayarqan. Costacho taq runakunatami isanqa ushakäsiyta kamäpakuyarqansu, fiërrupita rurash guërra carrëtankuna kaptin.

Jueces 1:19 Referans Kwoze

Isaías 41:10

Qamkunawan kaykaptïqa ama mansariyaysu. Diosniki kaykaptïqa ama lakikuyaysu. Kalpaykikuna kananpaqmi imaypis yanapäyäshayki. Aluq kaq makïwanmi imaypis jancharäyäshayki.

Salmo 60:12

12 (14) Tayta Dios yanapämashqaqa asulashunmi. Paymi chikimaqninsikunata ushakäsinqa.

Jueces 1:2

Saymi Tayta Dios nirqan: <>.

Filipenses 4:13

Imano karpis Jesucristo yanapämaptinmi ali kawaykä.

Romanos 8:31

Sayno kaykaptinqa ¿imatanataq munashun? Tayta Dios favorninsi kaykaptinqa ¿pinataq contransi sharkunqa?

Mateo 1:23

<>. (Emanuel ninanqa Tayta Dios noqansiwanmi kaykan ninanmi.)

Isaías 8:10

Imata rurayänaykipaq wilanakuyashqaykipis manami kamakanqasu. Imata rurayänaykipaq yarpäyaptikipis manami rurakanqasu. Sayno kanqa Tayta Dios noqakunawan kaptinmi.

Isaías 7:14

Saymi kikin Tayta Dios señalta rikasiyäshunki. Juk doncëlla jipashmi qeshyaq rikakur olqu wamrata qeshyakunqa. Say wamrapa jutintami churapanqa Emanuel jutin kananpaq.

Eclesiastés 9:11

Kay pasacho mas imata rikashqätapis kanan wilashayki. Mas cörriq karpis yalinakuycho manami siemprisu gänan. Mas kalpayuq karpis pelyacho manami siemprisu vincin. Mas tantiyakuq karpis manami siemprisu imaykayuqpis kaykan. Mas ali yarpayyuq karpis manami siemprisu mas qellayta gänan. Mas yachaq karpis manami siemprisu kuyash kaykan. Lapansipaqmi alipis mana alipis suertinsi kaykan.

Salmo 46:11

11 (12) Lapanta mandaq Tayta Diosmi noqansiwan kaykan. Jacob sirvishqan Tayta Diosmi sapämaqninsi kaykan. Selah

Salmo 46:9

9 (10) Mandaptinmi maysaychöpis guërra kannasu. Flëchakunatapis lanzakunatapis lapantami pakir ushan. Guërra carrëtakunatapis chipyaqmi rupasir ushan.

Salmo 46:7

7 (8) Lapanta mandaq Tayta Diosmi noqansiwan kaykan. Jacob sirvishqan Tayta Diosmi imaykapitapis sapämansi. Selah

2 Reyes 18:7

Tayta Dios yanapaptinmi lapan rurashqanpis ali yarqaparqan. Saymi Asiria nacionpa mandaqnin reypa munaynincho kaykashqanpita yarqukurqan.

2 Samuel 5:10

Lapanta mandaq Tayta Dios yanapaptinmi David mas munayyuq rikakurqan.

Josué 14:12

Saymi qamta ruwakü Tayta Dios promitimashqan jalqakunata qoykamänaykipaq. Rikapakuq sayman aywar tarirqansi anaceo jatusaq runakuna saycho taykäyaqtami. Markankunapis jatusaq y junaqyaq perqashqami kayarqan. Sayno kaptinpis Tayta Dios promitimashqanno yanapämaptinqa qarqushaqmi>>.

Josué 7:12

Saymi contraykikunawan pelyaytapis mana kamäpakur qeshpikuyanki. Jusayuq runata manaraq wanusiptikiqa qamkunata yanapänäpa trukan ushakäsiyäshaykimi.

Josué 1:9

Noqami Tayta Diosniki kaykä. Maypa aywaptikipis yanapänäpaq qamwanmi imaypis kaykäshaq. Sayno nikaptïqa ama mansariysu ni qelanaysu>>.

Josué 1:5

Moisésta yanapashqänölami qamtapis mana kachaypa yanapäshayki. Saymi guërracho pipis ichipäyäshunkipaqsu.

Génesis 39:21

Joséta Tayta Dios yanapaptinmi cárcel cuidaq runapis paywan yachanänakuyarqan.

Génesis 39:2

Tayta Dios paywan kaptinmi José rurashqanqa lapanpis ali karqan. Saynöpis patronninpa wayinchömi tarqan.

Josué 6:27

Josuéta Tayta Dios yanapashqan maysaychöpis musyakarqanmi.

Jueces 4:3

Rey Jabínpami karqan fiërrupita rurash esqun pachak (900) guërra carrëtankuna. Ishkay chunka (20) wata pasaypa nakasiptinmi Israel runakuna Tayta Diosta manakuyarqan salvananpaq.

Jueces 4:13

fiërrupita rurash esqun pachak (900) carrëtankunata y lapan soldädunkunata shuntaykur Sísaraqa Haroset-goimpita Cisón raqraman aywayarqan.

1 Samuel 18:5

Imata rurananpaqpis mandashqanta shumaq David ruraptinmi soldädukunapa capitannin kananpaq Saúl churarqan. Saymi lapan soldädukunapis y Saúlpa yanapaqninkunapis seqaypa kushikuyarqan.

1 Samuel 18:12

Saúlta yanapänanpa trukan Davidtana Tayta Dios yanapaykashqanta tantiyaykurmi Saúlqa Davidta pasaypa mansaparqan.

1 Samuel 18:14

Pelyaq maypa aywaptinpis Tayta Dios alimi yanapaq.