Juan 4:22 - Tayta Diospa Wilakuynin

²² Qamkunaqa Diosta adorarpis wilakuyninta manami musyayankisu. Salvakuq runa Israelpita kaptinmi noqakunaqa wilakuyninta musyayä.

Juan 4:22 Referans Kwoze

Hechos 17:23

Markapa purirmi capillakunata, altarkunata y ïdulukunatapis rikashkä. Saynöpis juk altarcho rikashkä nir qelqaraykaqtami. Say mana reqiyashqayki Diospitami wilakuykä.

Isaías 2:3

Saynölami Sión lömapita Tayta Diospa yachasikuyninta maysaymanpis apayanqa. Jerusalénpita pasami palabranta wilakuyanqa. Maysay nacionpita runakuna Jerusalénman aywarmi niyanqa: <>.

Lucas 24:47

Saynöpis nikan Jerusalénpita qalaykur lapan markakunacho wilakuyänanpaq kashqanta y paypa jutincho wilakuyaptin runakuna jusankunata wanakur perdonashna kayänanpaq kashqanta.

Hechos 17:30

Runakuna mana musyayninpa ïdulukunata rurayashqanpita Tayta Dios manami castigarqansu. Kananqa maysaycho taq runakunata nikan ïdulukuna adorayta kacharir pay munashqannöna kawayänanpaqmi.

Salmo 147:19

Jacobpita miraqkunatami palabranta musyasirqan. Israel runakunatami estatütunkunata y nishqankunata musyasirqan.

Hebreos 7:14

Señor Jesucristuqa Judá trïbupitami yurish. Say trïbupita cüra kananpaq kaqtaqa Moisés qelqashqan leykunacho manami imatapis ninsu.

Zacarías 9:9

<<¡Sión runakuna, seqaypa kushikuyay! ¡Jerusalén runakuna, kushikur cantayay! Rikayay mandaqniki rey shamuykaqta. Paymi alilata ruraq salvashuqniki kaykan. Humildi karmi ashnun loqash shamuykan. Malta ashnun loqashqami shamuykan.

Salmo 68:20

20 (21) Tayta Diosninsiqa salvakuq Diosmi. Wanuypitapis paymi salvamansi.

Isaías 46:13

Karu nacioncho kayashqaykipita kutisiyämushaykinami. Shuntamunäpaq manami aykäpis pishinnasu. Sióncho täyänaykipaqmi kutisiyämushayki. Kuyashqä Israel runakuna kayaptikimi salvayämushayki>>.

Isaías 12:2

Tayta Diosmi salvayämaqnï kaykan. Saymi payman yärakur imatapis mansayäsu. Tayta Diosmi imaypis valorta qoman. Paytami imaypis alabä.

Génesis 49:10

Judá ayllulapitami reykuna imaypis kayanqa. Manami pipis munayyuq rey kayninta qechunqasu. Sayno kanqa lapanpaq munayyuq kaq rey chämushqanyaqmi. Say reytami maysay nación runakunapis cäsukuyanqa.

Esdras 4:2

Saymi Zorobabel kaqman y mayor runakuna kaqman aywaykur niyarqan: <>.

Isaías 12:6

Sióncho taqkuna, kushikushpansi cantashun. Israel runakunapa santu Diosninmi munayninwan yanapämashkansi>>.

Hechos 3:26

Abrahamta promitishqanta cumplirmi sirviqnin Jesústa kawarirkasimur noqansiman Tayta Dios kachamurqan. Sayno kachamurqan jusalikuyta wanakurqa puntata noqansi say bendicionta chaskinansipaqmi>>.

Romanos 11:18

Olïvu jachaman injertashno kaykarqa ama alabakuyaysu Israel runakunapita mas väliq kayashqaykita yarpar. Manami rämasu jachata kawayta qon, sinöqa jaqwanmi.