Juan 17:8 - Tayta Diospa Wilakuynin

⁸ Lapan nimashqaykitami paykunata yachasishkä. Saymi yachasishqäkunata chaskikur qampita kay pasaman shamushqäta tantiyakuyan.

Juan 17:8 Referans Kwoze

Juan 17:14

Wilakuynikita wilapaptï chaskikuyashqami. Munashqaykita rurashqäno paykunapis rurayaptinmi mana cäsukushuqniki runakuna chikiyan.

Juan 15:15

Ashmay kayashqaykita mananami niyäshaykinasu. Ashmaytaqa manami patronnin wilapansu imata yarpashqantapis. Amïguntami isanqa lapan yarpashqanta wilapan. Saynölami qamkunatapis amïgü kayaptiki Taytä nimashqankunata lapanta wilapashkä.

Juan 16:30

Kananqa musyayämi lapanta musyashqaykita. Saymi yachaq kashqaykita musyananpaq pipis tapuykäshunkinasu. Kananmi isanqa Tayta Dios kaqpita shamushqaykita criyiyä>>.

Juan 16:27

Sayno manakuyanki Taytä kuyayäshuptikimi. Paymi kuyayäshunki paypita shamushqäta criyir kuyayämaptiki.

1 Tesalonicenses 2:13

Tayta Diospa ali wilakuyninta wilapäyaptï manami runakunapa yarpaynin kashqantasu yarpäyashkanki, saypa trukanqa Tayta Diospa wilakuynin kashqantami. Sayno tantiyarmi lapan shonquykikunawan chaskikuyashkanki. Wilakuyninta wiyarmi tantiyakuyashkanki pay munashqanno kawayänaykipaq. Saymi imaypis Tayta Diosta agradëcikuyä.

1 Juan 4:14

Saynöpis kikïkunami rikayashkä Diospa Surin Jesucristo kay pasacho kaykaqta. Saymi wilakuyä runakunata salvananpaq Tayta Dios payta kachamushqanta.

Juan 17:21

Noqansi juklayla kashqansino kikinpurapis y noqansiwanpis juklaylano kawayänanpaq yanapaykulay. Sayno kawayashqanta rikarmi wakin runakunapis tantiyakuyanqa kachamashqayki Cristo kashqäta.

Juan 8:42

Saymi Jesús nirqan: <

Juan 14:10

¿Manaku criyinki Taytäwan juklayla kaykashqäta y Taytäpis noqawan juklayla kaykashqanta? Saymi qamkunata nishqäkuna kikïpa cuentaläpitasu kaykan, sinöqa noqacho kaykaq Taytäpitami. Paymi munashqanta noqawan ruran.

Juan 12:49

Manami kikiläpa yarpayläpitasu wilakuykä, saypa trukanqa kachamaqnï Taytä nimashqankunalatami.

Juan 6:68

Saymi Simón Pedro nirqan: <

Proverbios 1:3

anyapashqankunata chaskikuyänanpaq, respitösu kayänanpaq, alilata rurayänanpaq y formal runa kayänanpaqmi.

1 Tesalonicenses 4:1

Wawqi panikuna, Señor Jesucristupa jutinchömi qamkunata ruwakuyä yachasishqänöla Tayta Dios munashqanno imaypis kawayänaykipaq. Pay munashqanno kawayashqaykita musyarpis waran waran saynöla kawayänaykipaqmi shakyaykäsiyä.

1 Corintios 15:1

Wawqi panikuna, Jesucristupa wilakuyninta wilapashqäta yarpäyay. Wilapashqäta chaskikurmi Tayta Diosman yärakuykäyanki.

Juan 17:23

Paykunawan juklaylanömi kaykä y qampis noqawan juklaylami kaykanki. Saynöpami paykunapis juk shonqula kuyanakur kawayaptin kachamashqayki Cristo kashqäta runakuna tantiyakuyanqa. Saynöpis tantiyakuyanqa noqata kuyamashqaykino paykunatapis kuyashqaykita.

Juan 17:18

Kay pasaman kachamashqaykinölami paykunatapis munashqaykita rurayänanpaq kachaykä.

Mateo 13:11

Saymi Jesús nirqan: <

Proverbios 8:10

Qellaypaq y qoripaq yarpachakuyänaykipa trukanqa tantiyakuq y yachaq kayänaykipaq yarpachakuyay.

1 Corintios 11:23

Señor Jesucristo Santa Cënapita yachasishlantami noqapis yachaykäsï. Wanusish kananpaq entreganan sakaymi Señor Jesucristo tantata aptarkur

Juan 3:33

Chaskikuqkunami isanqa Tayta Diospa wilakuynin rasun kaqla kashqanta tantiyayan.

Juan 3:17

Manami runakunata infiernuman qaykunanpaqsu Tayta Dios Surinta kachamurqan, saypa trukanqa payman yärakuyaptin salvananpaqmi.

Proverbios 1:23

Lutanta mana rurayänaykipaq anyapashqäta shumaq chaskikayämay. Chaskikayämaptikiqa tantiyakuq kayänaykipaqmi tantiyasishayki.

Proverbios 4:10

Yäsishqäkunata chaskikuy, hïju. Chaskikurqa aska watami kawankipaq.

Proverbios 2:1

Nishqäkunata shumaq wiyakuy, hïju. Mandamientükunata imaypis yarparay.

Deuteronomio 18:18

Sayno kaykaptinqa Israel mayinkunapitami juk runata churashaq qamno profëta kananpaq. Wilakuynïta shiminman churaptïmi lapan nishqäkunata wilakunqa.

Juan 17:3

Mana ushakaq kawayta tariqkunaqa qamtami reqiyäshunki. Saynölami noqatapis reqiyäman. Saynöpami tantiyakuyan japalayki Dios kashqaykita y noqata kachamashqaykita.

Apocalípsis 1:1

Kay libruchömi qelqaraykan Jesucristuta Tayta Dios revelashqan. Jesucristumi angilninta kachamur say revelacionta sirviqnin Juanta revelarqan. Sayno revelarmi sirviqninkunata imapis päsananpaqna kaqkunata tantiyasirqan.