12 <
Ashmay kayashqaykita mananami niyäshaykinasu. Ashmaytaqa manami patronnin wilapansu imata yarpashqantapis. Amïguntami isanqa lapan yarpashqanta wilapan. Saynölami qamkunatapis amïgü kayaptiki Taytä nimashqankunata lapanta wilapashkä.
Saynöpami runakuna tantiyayänanpaq tupuyla Tayta Diospa wilakuyninta imamanpis tinkusiypa Jesús yachasirqan.
Wanushqanpita kawarirkamur chusku chunka (40) junaqyaqmi paykunata yuriparqan. Rasunpaypa kawaykashqanta criyiyänanpaqmi tukuynöpa tantiyasirqan. Saynölami Tayta Dios mandaykashqanpitapis shumaq tantiyasirqan.
<
Juzgash kananpaq kashqanta tantiyasinqa kay pasapa mandaqnin vincishna kaptinmi.
Rasun kaqta tantiyasikuq Espíritu Santu shamurnami Diospa wilakuyninta lapanta tantiyasiyäshunki. Pay manami kikinpa yarpaylanpitasu tantiyasiyäshunki, saypa trukanqa noqa nishqäkunalatami. Saynölami ima päsananpaq kaqkunatapis tantiyasiyäshunki.
