Juan 14:17 - Tayta Diospa Wilakuynin

¹⁷ Payqa rasun kaqta tantiyasikuq Espíritu Santumi kaykan. Tayta Diosta mana cäsukuqkunaqa Espíritu Santutapis manami chaskikuyanqasu. Sayno chaskikuyanqasu payta mana ashir y payta mana reqirmi. Qamkunami isanqa reqiyanki qamkunawan kaykaptin y qamkunacho kananpaq kaptin.

Juan 14:17 Referans Kwoze

Ezequiel 36:27

Yanapäyäshunaykipaqmi Espïritüta qamkunaman churamushaq. Saynöpami leynïkunata y yachasishqäkunata cumplir kawayanki.

Juan 16:13

Rasun kaqta tantiyasikuq Espíritu Santu shamurnami Diospa wilakuyninta lapanta tantiyasiyäshunki. Pay manami kikinpa yarpaylanpitasu tantiyasiyäshunki, saypa trukanqa noqa nishqäkunalatami. Saynölami ima päsananpaq kaqkunatapis tantiyasiyäshunki.

1 Juan 2:27

Jesucristupita chaskiyashqayki Espíritu Santu qamkunawanmi kaykan. Paymi rasun kaqlata lapantapis tantiyaykäsiyäshunki. Manami imaypis lulapäyäshunkisu. Sayno kaykaptinqa lutan yachasikuykunata ama chaskiyaysu. Espíritu Santu tantiyasiyäshushqaykinöla Jesucristuman yärakur imaypis kawayay.

Juan 15:26

<

1 Juan 4:6

Noqakunaqa Diospa wilakuqninmi kaykäyä. Saymi wilakuyashqäta chaskikuqkuna Tayta Diosta reqiyan. Wilakuyashqäta mana chaskikuqkunaqa manami Tayta Diospa wilakuqninsu kayan. Saynöpami musyansi mayqan runa rasun kaqta yachasishqanta y mayqan runa lutanta yachasishqantapis.

1 Corintios 3:16

¿Manaku musyayanki Tayta Diospa templun kayashqaykita? ¿Manaku musyayanki Espíritu Santu qamkunacho taykashqanta?

1 Corintios 2:14

Espíritu Santuta mana chaskikuqkunaqa paypa yarpayninkunata manami chaskiyansu. Paykunapaqqa upa yarpaylami kaykan. Espíritu Santu mana tantiyasiptinmi tantiyayta kamäpakuyansu.

1 Corintios 6:19

¿Manaku musyayanki Tayta Dios qoyäshushqayki Espíritu Santu tashqan templu kayashqaykita? Sayno kaykaptinqa cuerpuykikuna manami qamkunapasu, sinöqa Tayta Diospami.

2 Timoteo 1:14

Jesucristupa wilakuyninta pipis lutanta yachasiptinqa wawqi panikunata tantiyasiy mana chaskipäyänanpaq. Tantiyasinaykipaq Espíritu Santumi yanapäshunki. Paymi noqansiwan imaypis kaykan yanapämänansipaq.

Juan 14:16

Tayta Diosta ruwakuptïmi juk Yanapäkuqta kachamunqa. Paymi imayyaqpis qamkunawan kaykanqa.

Juan 14:23

Saymi Jesús nirqan: <

Isaías 57:15

Jana pasacho taq imayyaqpis kawaq santu Tayta Diosmi nin: <

1 Juan 3:24

Mandamientunkunata cumplirqa paywanmi kaykansi y paypis noqansiwanmi kaykan. Noqansiwan pay kaykashqanta musyansi kachamushqan Espíritu Santuta chaskikush karmi.

1 Juan 4:4

Kuyay wamräkuna, Tayta Diospa wamrankunami kaykäyanki. Qamkunacho kaykaq Espíritu Santuqa kay pasacho kaykaq espïritupitapis mas munayyuqmi kaykan. Pay yanapäyäshuptikimi say lutan yachasikuqkunata chaskipäyankisu.

Efesios 3:17

Saynöpis manakü shumaq yärakuyaptiki Jesucristo shonquykikunacho tänanpaqmi. Saynöpami shumaq jaqwäkush jachano y ali cimientush wayino kar paypa kuyakuynilancho kawayankipaq.

Gálatas 4:6

Wamran kashqami Surin Jesucristo promitishqan Espíritu Santuta shonqunsiman Tayta Dios kachamurqan. Espíritu Santumi Tayta Diosta imaypis: <<¡Abba, Papä!>> nikan.

2 Corintios 13:5

Jesucristuman rasunpaypa yärakuyashqaykita o mana yärakuyashqaykitapis kikikikuna tantiyakuyay. ¿Manaku tantiyayanki Jesucristo qamkunawan kaykashqanta? Payman mana yärakuyaptikiqa manami qamkunawansu kaykan.

Colosenses 1:27

Saymi musyansi mana Israel runakunapaqpis say wilakuy seqaypa kushikuypaq kashqanta. Say wilakuymi nikan: Jesucristo qamkunachömi kaykan. Payman yärakurmi Tayta Diospa nawpanman chäyanki.

Efesios 2:22

Qamkunapis Jesucristuman yärakurmi templu perqaraykaq rumino kaykäyanki. Say templuchömi Tayta Diospa Espïritun taykan.

Mateo 10:20

Manami kikikikuna yarpäyashqaykitasu parlayanki, sinöqa Taytaykipa Espïritun tantiyasiyäshushqaykitami.

Apocalípsis 2:17

<>.

Isaías 59:21

Tayta Diosmi nin: < >>.

Proverbios 14:10

Kikilanmi runa musyan shonqun lakish kaykashqanta. Manami jukpa shonqun kushish kaykashqanta pipis tantiyansu.

1 Juan 5:7

Jesucristo Diospa Surin kashqanta musyasimansi [jana pasacho kaykaq] kimsa testïgukunami. [Say testïgukuna kaykäyan Tayta Dios, Surin Jesucristo y Espíritu Santumi. Paykuna kimsaq karpis juklaylami kaykan.

2 Corintios 6:16

Saynöpis Tayta Diospa templunman ïdulukunata jamasiyashqan manami alisu kaykan. Noqansiqa imayyaqpis kawaq Tayta Diospa templunmi kaykansi. Palabranchöpis Tayta Dios nikan: <>.

1 Corintios 14:15

Sayno kaptinqa manami Espíritu Santu parlasimashqan idiömalachösu manakushaq, sinöqa tantiyashqä idiömachöpis manakushaqmi. Saynöpis manami Espíritu Santu parlasimashqan idiömalachösu Tayta Diosta alabashaq, sinöqa tantiyashqä idiömachöpis alabashaqmi.

Juan 6:40

Pay munan lapanpis Surinman criyiqkuna mana ushakaq kawayta tariyänantami. Paykunataqa juiciu finalchömi kawarisimushaq>>.