Juan 12:6 - Tayta Diospa Wilakuynin

⁶ Sayno nirpis manami muchuqkunata yanapayta munarsu nirqan, sinöqa suwa karmi. Shuntayashqan qellay sararaq karmi imaypis pakaylapa jipiq.

Juan 12:6 Referans Kwoze

Juan 13:29

Qellay sararaq kaptinmi wakin yarpäyarqan Pascua fiestapaq rantipakamuq Jesús kachaykashqanta. Wakinnami yarpäyarqan muchuqkunata yanapänanpaq kachaykashqanta.

Santiago 2:6

Sayno kaykaptinpis qamkunaqa pobrikunata mana alimi rikaykäyanki. ¿Manaku rïcu runakunaqa munayashqanta rurasir nakasiyäshunki? ¿Manaku maqaraykar juezkunamanpis apasiyäshunki?

Santiago 2:2

Shuntakäyashqaykiman ali mödanash y qori sortïjash rïcu runa chämuptin y pasaypa lachapa mödanash pobri runa chämuptin

1 Tesalonicenses 5:22

Imatapis lutankunata ama rurayankisu.

Gálatas 2:10

Saynöpis niyämarqan muchuq wawqi panikunata mana qonqaypa yanapäyänäpaqmi. Sayta imaypis ruraykämi.

Juan 10:13

Pägu kashla misipakuq runaqa uyshakunata mana kuyaparmi qeshpir aywakun.

Mateo 21:13

Qarqurmi nirqan: <. Sayno nikaptinpis qamkunaqa suwakunapa machayninmanmi tikrasiyashkanki>>.

Ezequiel 33:31

Sayno nir shuntakäyämushpanmi wilapashqaykita wiyaq tukuyan. Nirkurqa mananami cäsukayämansu. Kuyamashqanta nirpis manami rasunpasu kuyayäman. Saypa trukanqa rïcuyaypaq wachakash karmi lutanta rurayänalanpaq yarpachakuykäyan.

Proverbios 29:7

Ali runaqa pobrikunapa favornin sharkurmi respitasin. Yaqa runami isanqa alquysakuyashqanta rikarpis kuyapansu.

Salmo 14:1

1 (1b) Mana tantiyakuq runakunaqa <> nirmi shonquncho yarpäyan. Paykunaqa lutan rurayman uman churakashqami kaykäyan. Rurashqankunapis pasaypa melanaypaqmi kaykan. Paykuna mayqanpis manami alitaqa rurayansu.

Lucas 8:3

Saynöpis aywayarqan Herodespa yanapaqnin Chuzapa warmin Juana, Susana y wakin warmikunapis. Paykunami Jesústa y discïpulunkunata gastunkunapaq kamaripäyarqan.

Juan 12:5

<<¿Imapaqtaq say perfümita perdisish? Saypa trukanqa juk wata aruypa chaninchömi rantikushwan karqan. Nirkur say qellaywanna muchuqkunata yanapashwan karqan>>.