Juan 1:1 - Tayta Diospa Wilakuynin

¹ Imapis manaraq kaptinmi Diospa Palabran kaykarqanna. Tayta Dioswanmi pay kaykarqan. Payqa Diosmi kaykan.

Juan 1:1 Referans Kwoze

Génesis 1:1

Imapis manaraq kaptinmi Tayta Dios kamarqan jana pasatapis kay pasatapis.

Juan 17:5

Papä, kay pasa manaraq kaptin nawpaykicho munayyuq kashqäno kananpis munayyuq kanäpaq pushakalämayna.

Apocalípsis 19:13

Yawarlana mödanan jatishqami kaykarqan. Jutinmi kaykan Diospa Palabran.

Colosenses 1:17

Imapis manaraq kaptinmi Jesucristo mayna kaykarqanna. Lapan kamashqankunatapis munayninchömi sararaykan.

Juan 1:14

Diospa Palabran kay pasaman shamurmi runano yurirqan. Noqakunawanmi kay pasacho purirqan. Tayta Diospa juklayla Surin kaptinmi munayyuq kaykaqta rikayarqä. Kuyapäkuq y rasun kaqlata parlaqmi karqan.

Apocalípsis 22:13

Alfa y Omegami noqa kaykä. Qalaykunan y ushananmi kaykä.

Juan 1:2

Qalaykunanpitami Tayta Dioswan kaykarqan.

Apocalípsis 1:8

Unaypita kawaq, kananpis kaykaq y shamunanpaq kaykaq munayyuq Tayta Diosmi nin: <>.

Filipenses 2:6

Payqa Dios kaykarpis manami jana pasalachösu täkurqan.

Isaías 9:6

6 (5) Tayta Dios sayno salvamäshun juk wamra yuriptinmi. Paymi yurinqa winarkur mandamaqninsi kananpaq. Paypa jutinmi kanqa Admiraypaq Tantiyasimaqninsi, Contrankunata Vinciq Dios, Imayyaqpis Kawaq Taytansi y Ali Kawayta Qomaqninsi.

Mateo 1:23

<>. (Emanuel ninanqa Tayta Dios noqansiwanmi kaykan ninanmi.)

Apocalípsis 21:6

Nirkurnami nimarqan: <

Hebreos 13:8

Jesucristuqa unaypis, kananpis y imayyaqpis kashqannölami kaykan.

Isaías 7:14

Saymi kikin Tayta Dios señalta rikasiyäshunki. Juk doncëlla jipashmi qeshyaq rikakur olqu wamrata qeshyakunqa. Say wamrapa jutintami churapanqa Emanuel jutin kananpaq.

1 Juan 5:20

Musyansimi Tayta Diospa Surin Jesucristo kay pasaman shamur Tayta Diosta reqinansipaq tantiyasimashqansita. Saymi Tayta Diospa y Surin Jesucristupa makincho kawaykansi. Jesucristuqa kikin Diosmi kaykan. Paymi mana ushakaq kawayta qomansi.

1 Timoteo 3:16

Tayta Dios musyasimashqansi wilakuynin shumaqmi kaykan. Say wilakuynin kaynömi nikan: Jesucristumi runanöla yurirqan. Wanushqanpita Espíritu Santumi kawarisimurqan. Angilkunapis payta rikayarqanmi. Mana Israel runakunatami wilakuyninta wilakuqkuna wilapäyarqan. Maysaychöpis paymanmi yärakuykäyan. Gloriaman kutiykur Tayta Diospa nawpanchönami kaykan.

Juan 16:28

Taytä kaqpita kay pasaman shamush karmi Taytä kaqman kutikushaq>>.

Apocalípsis 1:17

Payta rikaykurmi puntanman wanushno ishkiskirqä. Saymi aluq kaq makinwan yataykamar nimarqan: <

Juan 20:28

Sayno niptinmi Tomás nirqan: <<¡Señorlä y Diosnilä!>>

Tito 2:13

Sayno kawarmi salvamaqninsi Jesucristo kutimushqanyaq kamarikushla shuyakuykäshun. Paymi lapanpaq munayyuq Diosninsi kar lapan runakuna rikay chipipiykar kutimunqa.

Hebreos 7:3

Manami musyakansu Melquisedec mayqan ayllu kashqan ni maman ni taytan pï kashqanpis. Saynöpis manami musyakansu imay yurishqan ni imay wanushqanpis. Saymi Diospa Surinno imayyaqpis cüra kaykan.

Apocalípsis 3:14

<

Efesios 3:9

Unaypita mana musyayashqan wilakuyta pïmaytapis wilapänäpaqmi lapantapis kamaq Tayta Dios churamash.

Apocalípsis 1:2

Juannami say revelacionta qelqar Tayta Dios nishqankunata, Jesucristo nishqankunata y lapan rikashqankunata qelqash.

1 Juan 5:7

Jesucristo Diospa Surin kashqanta musyasimansi [jana pasacho kaykaq] kimsa testïgukunami. [Say testïgukuna kaykäyan Tayta Dios, Surin Jesucristo y Espíritu Santumi. Paykuna kimsaq karpis juklaylami kaykan.

Romanos 9:5

Paykunaqa Abrahampita, Isaacpita y Jacobpita miraqkunami kaykäyan. Jesucristupis Israel aylluchömi yurirqan. ¡Payqa lapanpaq munayyuq Diosmi kaykan! ¡Imayyaqpis alabash kaykuläsun! Amén.

Juan 1:18

Manami pipis Tayta Diosta imaypis rikashsu. Juklayla Surinmi isanqa, Dios kar y Tayta Dioswan juklayla kar, Tayta Diospita musyasimashkansi.

Salmo 45:6

6 (7) Tayta Dios, trönuykichömi imayyaqpis mandaq kaykanki. Qamqa lapantapis alimi mandanki.

Apocalípsis 2:8

<

2 Pedro 1:1

Yärakuq mayïkuna: Noqa Simón Pedro, Jesucristupa sirviqnin y apostolnin karmi, qamkunapaq kay cartata cartakaykämü. Qamkunatapis Jesucristo kuyapäyäshushpaykimi noqakunatano salvayäshushkanki. Payqa Diosninsimi y salvamaqninsimi.

Apocalípsis 1:11

<<[Alfa y Omegami noqa kaykä. Qalaykunan y ushananmi kaykä.] Revelacioncho rikasishqäkunata juk rölluman qelqarkur apasiy [Asia provincia] qanchis markakunacho kaykaq iglesiakunaman. Say markakuna kaykäyan Éfeso, Esmirna, Pérgamo, Tiatira, Sardis, Filadelfia y Laodiceami>>.

Lucas 24:53

Saypitanami Tayta Diosta alabayänanpaq waran waran templuman shuntakäyaq. [Amén.]

Juan 8:58

Sayno niyaptinmi Jesús nirqan: <>.

Colosenses 1:15

Tayta Diosta mana rikarpis Jesucristuchömi pay imano kashqantapis tantiyansi. Payqa lapan kamashqankunapaq punta yuriqmi kaykan.