Josué 5:1 - Tayta Diospa Wilakuynin

¹ Amorreo runakunapa mandaqnin reykunami musyayarqan Israel runakuna simpayänanpaq Jordán mayuta Tayta Dios sakisishqanta. Say reykuna täyarqan Jordán mayu simpan inti jeqananläpami. Saynölami musyayarqan Mediterráneo Lamar kuchuncho taq cananeo runakunapa mandaqnin reykunapis. Sayta musyaykurmi pasaypa mansariyashpan Israel runakunawan pelyaq aywaytapis munayarqansu.

Josué 5:1 Referans Kwoze

Números 13:29

Saynöpis Neguevchömi amalecita runakuna taykäyan. Jalqakunacho kaykaq markakunachönami taykäyan heteo runakuna, jebuseo runakuna y amorreo runakuna. Cananeo runakunanami taykäyan lamar kuchun pampakunacho y Jordán mayu nawpan pampakunacho>>.

1 Reyes 10:5

pasaypa admirash rikakurqan. Saynöpis admirash rikakurqan ali mikuykunata rikar, mandäsiqninkunapa cuartunkunata rikar, ashmaynin runakunata y jatirashqan mödananta rikar, cöpa sirviqninkunata rikar Tayta Diospaq sacrificiukunata templucho rupasishqanta rikar.

Apocalípsis 18:10

Castigashqanta rikarmi mansakash karulapita rikarar niyanqa: <<¡Wawalaw, jatunkaray Babilonia marka! ¡Munayyuqmi karqayki! ¡Kananqa elaqpitami ushakaykushkanki!>>

Amós 2:9

<

Daniel 5:6

rey pasaypa mansakar almatakaskirqan. Qonqurninpis pasaypa suksukyaptinmi ichiränanpaq kalpanpis karqansu.

Ezequiel 21:7

7 (12) Imanir waqashqaykitapis tapuyäshuptiki ninki: >>.

Ezequiel 16:3

Jerusalén markata niy:

Salmo 135:11

Say reykunami kayarqan amorreo runakunapa mandaqnin Sihón, Basáncho taq rey Og y cananeo runakunapa mandaqnin reykunapis.

Esdras 9:1

Saypitanami Israel runakunapa mandaqninkuna shamuykur niyämarqan: <

2 Samuel 21:2

Saymi Gabaón runakunata rey David qayasirqan paykunawan parlananpaq. Paykunaqa manami Israel runakunasu kayarqan, sinöqa amorreo runakunapita miraq runakunami. Paykunapa unay ayllunkunatami Israel runakuna promitiyarqan Gabaón runakunata mana wanusiyänanpaq. Sayno kaptinpis Gabaón runakuna täyashqan markakunata Israel runakunapa y Judá runakunapa kananta munarmi saycho taq aska runakunata Saúl wanusirqan.

1 Samuel 25:37

Waraynin tuta shinkashqanpita kachakaskiptinnami wilaparqan ima päsashqantapis. Wilaykuptinmi shonqun rumiyaypa Nabalta atäqui sarikuykurqan.

Jueces 11:23

<<

Jueces 4:2

Saymi Tayta Diosqa Hazor markacho cananeo runakunapa mandaqnin rey Jabínpa munayninman kachapaykurqan. Soldädunkunapa capitannin Sísarami Haroset-goim markacho tarqan.

Jueces 3:3

Say runakunami kayarqan filisteo runakunapa pisqa mandaqninkuna, cananeo runakuna, sidonio runakuna y Líbano jalqakunacho taq heveo runakunapis. Say heveo runakunaqa täyarqan Baal-hermón jalqapita hasta Hamatyaqmi.

Jueces 1:1

Josué wanuykuptinnami Israel runakuna Tayta Diosta tapukuyarqan: <<¿Mayqan trïbu runakunataq cananeo runakunawan pelyaq puntata aywayanqa, Taytay?>> nir.

Josué 24:15

Tayta Diosta sirviyta mana munarqa kanan akrayay pita sirviyänaykipaq kashqantapis. Éufrates mayu wak simpancho unay ayllunsikuna sirviyashqan dioskunata o kaycho taq amorreo runakuna sirviyashqan dioskunata sirviyaptikipis noqami isanqa wayïcho taqkunawan Tayta Dioslata imayyaqpis sirviyäshaq>>.

Josué 17:18

intëru say muntiyuq jalqakunapis kanqa. Say muntikunata saqukur chakraykikuna kichayanki mayyaqpis lindërun chashqanyaq. Pampacho taq cananeo runakuna munayyuq kayaptinpis y fiërru carrëtankuna kaptinpis qamkuna qarquyankimi>>.

Josué 17:12

Say markakunata posisionninkunapaq chaskirpis saycho taykaq cananeo runakunata manami qarquyta kamäpakuyarqansu.

Éxodo 23:28

Sayno yanapaptïmi heveo runakuna, cananeo runakuna y heteo runakunapis qamkunapita qeshpir aywakuyanqa.

Génesis 48:22

Qamtaqa wawqikikunapita mastami herenciäta qoykä. Saymi Siquem chakrakunatapis qamta qoykü. Say chakrakunataqa amorreo runakunata espädäwan y flëchäwan vincirmi qechushkä>>.

Génesis 12:6

Siquem marka cercanyaq aywar Moripa sagrädu encina jachan nawpancho Abram tarqan. Say partichöqa cananeo runakunami taykäyarqan.

Isaías 41:5

<

Josué 3:16

Saretán particho kaykaq Adam markapita janamanpa yaku sapakäkurqan. Saymi say markapita uramanpa Arabá Lamaryaq yaku sakikäkurqan. Arabá Lamarqa Kachi Lamarmi kaykan. Jordán mayu sayno sakiskiptinnami Israel runakuna Jericó markaläpa simpayarqan.

Josué 3:17

Israel runakuna päsayashqanyaqmi Tayta Diospa Pactu Babulninta umrush cürakuna sakish mayu chawpilancho ichiräyarqan. Saynömi Israel runakuna lapanpis sakilapana simpayarqan.