Josué 11:2 - Tayta Diospa Wilakuynin

² Saynöpis kacharqan norti kaqlä jalqakunacho kaykaq markakunapa mandaqnin reykunaman, Cineret qochapita sur kaqlä Arabá pampacho kaykaq markakunapa mandaqnin reykunaman, Sefelacho kaykaq markakunapa mandaqnin reykunaman y Dorlächo kaq markakunapa mandaqnin reykunamanpis. Dor markaqa inti jeqanan kaqlä costachömi kaykan.

Josué 11:2 Referans Kwoze

Jueces 1:27

Manasés trïbu runakuna manami qarquyta kamäpakuyarqansu Bet-seán, Taanac, Dor, Ibleam y Meguido markakunacho taq runakunata y say markakunapa nawpankunacho taq runakunatapis. Saymi cananeo runakunaqa jinala say markakunacho taykäyan.

Josué 12:3

Saynölami Sehónpa munaynincho karqan Jordán mayu nawpan pampakuna Cineret qochapita pasa Arabá Lamaryaq (Arabá Lamarqa Kachi Lamarmi kaykan) y Bet-jesimotpita sur kaqläpa aywar Pisga niyashqan punta chakinyaq. Saykuna karqan Arabá pampa simpan inti jeqamunan kaqlächömi.

Josué 17:11

Manasés trïbu runakuna chaskiyashqan wakin markakunaqa Isacar y Aser trïbu runakunapa posisionninkunachömi karqan. Caseriunkunawanmi say markakuna kayarqan Bet-seán, Ibleam, Dor, Endor, Taanac y Meguido.

Números 34:11

Sefampa päsarmi Ribla partiyaq chanqa. Ribla kaykan Aínpita inti jeqamunan kaqlächömi. Saypitanami lindëru päsanqa Cineret qocha inti jeqamunan kaqläpa.

1 Reyes 4:11

Ben-abinadabmi gobernador karqan intëru Dor provinciacho. Paypa warminmi karqan Salomónpa surin Tafat.

Josué 12:23

Dor provinciacho kaykaq Dor markapa mandaqnin rey, Gilgalcho kaykaq Goim markapa mandaqnin rey

Lucas 5:1

Genesaret qocha kuchuncho Jesús yachaykäsiptinmi Tayta Diospa wilakuyninta yachasishqanta wiyayta munar aska runakuna kichkiypa juntapäyarqan.

Lucas 1:39

Ángel nishqanpita warayninkunanami Judea provinciapa jalqankunacho kaykaq juk markaman warakayla María aywarqan.

Josué 13:27

Jordán mayu nawpan pampakunachöpis posisionnin karqan Bet-aram, Bet-nimra, Sucot, Zafón y Hesbóncho taq Sehón mandashqan wakin markakunapis. Lindërunmi Jordán mayu kuchulanpa aywararqan hasta Cineret qocha kuchunyaqmi. Lapanpis karqan Jordán mayu inti jeqamunan kaqläpami.

Josué 11:21

Saynölami anaceo runakunapa markankunatapis Josué chipyaq usharqan: Hebrónta, Debirta, Anabta, Israel jalqakunacho kaq markakunata y Judá jalqakunacho kaq markakunatapis.

Josué 10:40

Yärakuyashqan Tayta Dios nishqannölami Israel runakunawan Josué wanusir ushayarqan jalqakunacho taq runakunata y mandaqnin reykunata, Neguevcho taq runakunata y mandaqnin reykunata, Sefelacho taq runakunata y mandaqnin reykunata y Jordán mayu pampakunaman aywaq bajädacho taq runakunata y mandaqnin reykunatapis. Saymi paykuna täyashqanqa lapanpis Israel runakunapaqna karqan.

Josué 10:6

Sayta musyaykurmi Gabaón markacho taq runakunapis propiuta Gilgalman kachayarqan Josuéta ruwakur niyänanpaq: <>.

Josué 11:16

Saymi Neguevman, Gosén partiman, Sefelaman, Arabá pampaman y Israelcho lapan jalqakunaman Israel runakunawan Josué yaykuyarqan.

1 Reyes 15:20

Sayno manakuptinmi rey Ben-adad awnishpan soldädunkunata y capitanninkunata kacharqan Israel nacioncho kaykaq markakunata atacayänanpaq. Atacarmi acaparayarqan Ijón, Dan y Abel-bet-maaca markakunata, Cineret particho kaq markakunata y Neftalí particho kaq markakunatapis.