Josué 1:4 - Tayta Diospa Wilakuynin

⁴ Chaskiyänaykipaq kaq nación kanqa sunyaq jirkapita qalaykur Líbanucho kaykaq jalqakunayaqmi. Saynöpis kanqa Éufrates mayupita qalaykur Mediterráneo Lamaryaqmi. Say nacionchömi heteo runakunapis taykäyan.

Josué 1:4 Referans Kwoze

Éxodo 23:31

<

Deuteronomio 11:24

Saymi Canaáncho may markaman yaykuyashqaykipis qamkunapaqna kanqa. Lindëruykikunapis kanqa sunyaq jirkapita Líbano nacionyaq y Éufrates mayupita Mediterráneo Lamaryaqmi.

Deuteronomio 3:25

Taytay, kanan ruwakushayki. Kuyaylapaq jalqakunata y Líbanutapis rikaykunäpaq Jordán mayuta simpaykasilämay>.

Deuteronomio 1:7

Kananqa imaykikunatapis apakurkur amorreo runakuna y cananeo runakuna taykäyashqan kaqman aywayay. Yaykuyay Arabá pampaman, jalqakunaman, Sefelaman, Neguevman y lamar kuchun pampakunamanpis. Saynöpami Líbanuyaq y Éufrates mayuyaq yaykuyanki.

1 Crónicas 18:3

Saynöpis Soba nacionpa mandaqnin rey Hadad-ezerta soldäduntinta Hamat particho David vincirqan. Sayno vincirqan Éufrates mayu nawpancho kaykaq markakunata Hadad-ezer shuntaq aywaptinmi.

1 Crónicas 5:9

Galaad particho saysikaman uywankuna mirash kaptinmi inti jeqamunan kaqläpapis Rubén trïbu runakuna aywayarqan täyänanpaq. Saymi saychöpis täyarqan hasta sunyaq jirka qalaykunanyaq. Say sunyaq jirkaqa hasta Éufrates mayuyaqmi chan.

Apocalípsis 9:14

Saychömi say cornëta tukamuq angilta nirqan: <<Éufrates mayu kuchuncho wataraykaq chusku angilkunata paskamuy>>.

1 Reyes 4:21

21 (5.1) Salomónpa munayninchömi karqan Éufrates mayupita hasta Filistea nacionpa lindërunyaq y Egipto nacionpa lindërunyaq. Saycho taq runakuna lapanmi impuestuta pägayaq. Salomón kawashqanyaqqa lapanpis say runakuna paypa munayninchömi kayarqan.

Esdras 4:20

Saynöpis musyashkämi Jerusaléncho munayyuq reykuna nawpata kayashqanta, intëru Éufrates mayu wak simpan provinciata munaynincho sararäyashqanta y say provinciacho taq runakunata impuestukunata pägasiyashqanta.

1 Reyes 10:29

Egiptupita rantiyämushqan juk carrëtami cuestaq soqta pachak (600) yuraq qellay y juk cawallunami cuestaq pachak pisqa chunka (150) yuraq qellay. Say cawallukunata y carrëtakunatami wakintaqa rantikuyaq heteo runakunapa mandaqnin reykunata y wakintana Siria runakunapa mandaqnin reykunata.