Joel 2:26 - Tayta Diospa Wilakuynin

²⁶ Saymi mikuynikikunapis pusuy pusuy kanqa. Qamkunata yanapashpämi kushikuypaq kaqkunata rurashaq. Saymi lapan shonquykikunawan kushish alabayämanki. Manami imaypis yapay penqayman churayäshaykinasu.

Joel 2:26 Referans Kwoze

Romanos 10:11

Tayta Diospa palabranpis kaynömi nikan: <>.

Salmo 22:26

26 (27) Muchuqkuna pacha juntami kayanqa. Tayta Diosta ashiqkunaqa paytami alabayanqa. Paykuna imayyaqpis kushishlami kawayanqa.

Romanos 5:5

Shuntakamänansipaq kaqtaqa manami manakaqlapaqsu shuyakuykansi. Tayta Dios sayta musyasimansi qomashqansi Espíritu Santuwanmi. Espíritu Santumi shonqunsicho musyasimansi Tayta Dios rasunpaypa kuyamashqansita.

Deuteronomio 12:7

Saychömi Tayta Diospa bendicionninwan mikuynikikuna wayushqanpita lapan castaykikunawan Diospa nawpancho kushish mikuyanki.

Isaías 49:23

Say wawaykikunatami reykuna wamranpaq legitimakuyanqa. Reypa jipash surinkunami ashmayanqa. Paykunami respitayäshushpayki qonqurpakayämunqa. Saymi musyankipaq Tayta Dios kashqäta. Noqaman yärakamaqkunaqa manami penqakuyanqasu>>.

Isaías 45:17

Noqakunatami isanqa salvayämanki. Salvayämaptikimi chikimaqnïkuna imaypis manakaqman churayämanqanasu.

Levítico 26:5

Trïgupis üva poqumushqanyaqmi aypanqa. Üvapis trïguta murushqaykiyaqmi aypanqa. Pacha junta mikurmi nacionnikichöpis ali kawayanki.

1 Juan 2:28

Kuyay wamräkuna, Jesucristupa makincho imaypis kawayay. Sayno kawarmi Jesucristo kutimuptin mana mansariypa y mana penqakuypa nawpancho kayankipaq.

Romanos 9:33

Tayta Diospa palabranchöpis kaynömi qelqaraykan: <>.

Isaías 54:4

Ama mansariynasu. Manami pipis jamurpäshunkinasu. Ama penqakuynasu. Manami pipis ashlishunkinasu. Wawaynaq kar penqakushqaykitapis qonqaykunkinami. Viüdayar penqakushqaykitapis mananami yarpankinasu.

Isaías 25:1

Tayta Dios, qamlami Diosnï kaykanki. Pipis mana rurashqanta rurashqaykipitami jutikita joqarir imaypis alabashayki. Unaypita pasa promitishqaykita imaypis cumplinkimi.

Zacarías 9:17

Täyashqan nacionmi maypis täkuypaq y kuyaylapaq kanqa. Trïgupis y mushuq vïnupis askami kanqa. Saychömi olqu wamrakunapis y warmi wamrakunapis kuyaylapaq shakshäyanqa.

Zacarías 9:15

Kuyashqan runakunata lapanta mandaq Tayta Diosmi sapanqa. Sapaptinmi contrankuna warakarpis chäsiyanqasu. Saymi kuyashqan runakuna kushikuyashpan shinkash runakunanöraq büllata rurayanqa. Chikiqninkunata wanusirmi yawarninwan ushmash kayanqa. Sacrificiupaq shuntashqan yawar tazoncho junta winaraykaqno y altarpa waqrankunacho yawar pichuraykaqnömi chikiqninkunapa yawarninwan pichush kayanqa.

Sofonías 3:11

Say wisanmi jusalikur kushikuqkunata qamkunapita qarqushaq. Sagrädu lömächo manami ali chölu tukuyanqanasu. Mana jusalikuypa kawarmi uysuykachaykäyanqanasu.

Isaías 29:22

Saymi Abrahamta jorqamuq Tayta Dios Jacobpita miraq runakunata nin: <

Génesis 33:11

Qampaq apamushqä uywakunata chaskiykalämay, ari. Tayta Dios yanapämaptinmi rïcuyashkä>>. Jacob sayno yaparir yaparir ruwakuptinmi Esaú chaskirqan qarashqan uywakunata.

1 Timoteo 6:17

Rïcu kaq wawqi panikunata niy mana runa tukuyänanpaq y riquëzankunaman mana atiënikuyänanpaq. Riquëzakunaqa ushakaqlami kaykan. Riquëzankunaman atiënikuyänanpa trukan [imayyaqpis kawaq] Tayta Dioslaman yärakuyäsun. Paymi imaykatapis kamaripämansi kushish kawanansipaq.

Isaías 55:2

Mikuyta rantiyänaykipa trukan ¿imanirtaq qellaynikita manakaqkunacho ushayanki? ¿Imanirtaq arupakur gänayashqaykita lutankunacho ushayanki? Shumaq wiyayämay. Wiyakamarqa ali mikuytami tariyanki. Ali alilata mikurmi kushish kawayanki.

Cantares 5:1

Kuyay warmilä, huertächönami kaykä. Shuntaykämi mïrra perfümitawan kuyaylapaq mushkuq waytakunatapis. Panalnincho kaykaq mishkitapis yawaykänami. Lichitapis vïnutapis upuykänami. Amïgukuna, jimayashqaykiyaq mikuyay, upuyay.

Proverbios 13:25

Ali runapa wayinchöqa mikuynin pusuy pusuymi. Yaqa runapa wayinchömi isanqa wayrala tumaykan.

Salmo 116:7

Tayta Dios yanapämaptinmi kananqa jawkalana kawaykä.

Salmo 103:5

Alinnin kaqkunatami kamaripäman. Ankano mana utikaq kanäpaqmi maqtayäsiman.

Salmo 72:18

Israel runakunata kuyaq Tayta Dios alabash kaykuläsun. Paylami imaykatapis espantaypaq kaqkunata ruran.

Salmo 37:19

Nakay wisanpis alimi kawayanqa. Muchuy kaptinpis mikuynin pusuy pusuymi kanqa.

Salmo 13:6

6 (6b) Yanapämashqaykipitami alabashayki.

Nehemías 9:25

Saynöpami ali murallash markakunamanpis yaykuyarqan. Nirkurmi ali wayuq chakrakunata, imaykanpis junta kaykaq wayikunata, yakuyuq pözukunata, üva chakrakunata, olïvu huertakunata y wakin früta huertakunatapis qechuyarqan. Saychömi pusuy pusuy mikuy kaptin werayäyarqan. Yanapaptikimi pasaypa kushikur ali kawayarqan.

Deuteronomio 12:18

Saypa trukanqa Tayta Dios akrashqan sitiuman aywaykur paypa nawpancho mikuyanki. Saycho mikuyanki surikikunawan, ashmaynikikunawan y markaykicho taq levitakunawanpis. Mikuyashpayki kushikuyanki mikuy ali wayushqanpita.

Deuteronomio 12:12

Tayta Diosninsipa nawpanchömi olqu surikikunawan, warmi surikikunawan y ashmaynikikunawanpis shuntakaykur kushish adorayanki. Markaykikunacho taq levitakunatapis invitayanki shuntakaykur mikuyänaykipaq. Paykunapa manami chakrankunapis kanqasu.

Deuteronomio 8:10

Promitishqan nacionta qoyäshushqaykicho pacha junta kawarmi Tayta Diosta imaypis alabayanki>>.

Levítico 26:26

<<

Miqueas 6:14

Mikurpis ukushnikita watarkunalaykipaq tarirmi malaqaykälar kawayanki. Cosëchata shuntayashqaykipis manami aypanqasu pirwayänaykipaq. Pirwakuyashqaykitapis guërracho vinciyäshushpaykimi apakuyanqa.

Deuteronomio 11:15

Qewapis intëru jalqakunachömi loqluypa loqlurraq uywaykikunapaq kanqa. Saynölami mikuyänaykipaq imayka mikuypis aska wayunqa.

Salmo 67:5

5 (6) ¡Tayta Dios, lapan runakuna alabaykuyäshunki! ¡May markacho taqkunapis alabaykuyäshunki!

Levítico 25:19

Chakraykikunapis ali wayuptin pacha junta mikurmi jawkala kawayanki.