Biblia Todo Logo
Bib sou entènèt

- Piblisite -




Joel 2:2 - Tayta Diospa Wilakuynin

2 Say junaq pasapis sakakäkunqami. Yanawyayparaqmi pukutaypis sapakurkunqa. Pasa waraptin jirkakunapa inti mashtamushqannömi saysika soldädukuna shayämunqa. Saynöqa manami imaypis kashsu ni imaypis kanqasu.

Gade chapit la Kopi




Joel 2:2
34 Referans Kwoze  

Yupaytapis mana atipaypaq soldädukunanömi say chukluskuna markansiman juntaykayämush. Kirunkunapis waqunkunapis leonpanöraqmi kaykan.


Guërra carrëtakuna elaqpita puntapa tumamur taqrarayla aywashqannömi paykunapis patatayla aywapäkushqan mayakanqa. Usya tiempucho muntita nina bunyaypa bunyar ushaqnömi qaparäyanqa. Guërraman aywaq saysika soldädukuna kamarikushla aywayashqannömi aywayanqa.


31 (3.4) Intipis sakakäkunqami. Killapis yawarmanmi tikranqa. Saykuna kanqa juzganä junaq manaraq chämuptinmi. Say junaqqa seqaypa mansariypaqmi kanqa.


Kay pasacho imata ashirpis munayashqanta tariyänanpa trukan nakaylatami tariyanqa. Ima ruraytapis mana kamäpakurmi pasaypa yanawyaykaq sakaychöno kayanqa.


Say runakuna atacamäshun bunyaypa bunyar kuchunman lamar chaqnömi. Pasapis sakaqnöraq rikakuptin junaq kashqanpis manami musyakanqasu.


Tukuy niraq qanrata lamar jitamushqannömi paykunapis penqakuypaq kaqkunata ruraykäyan. Qoyllar shikwaqnömi yanawyaykaqman qaykush kayanqa.


Qamkunaqa manami Sinaí jirkaman chaqnösu kaykäyanki. Say jirkachöqa ninapis, sakaypis y fiyupa wayrapis karqanmi.


Noqami jirkakunatapis y wayratapis kamashkä. Noqami imata yarpashqätapis runakunata musyasï. Junaqtapis sakaymanmi tikrasï. Noqami jirka puntakunapapis purï. Jutïpis lapanpaq munayyuq Yahwehmi kaykan.


Castigayämänaykipaq nishqaykinömi noqakunata y autoridänïkunata mansariypaq castïguwan ushakäsiyämashkanki. Jerusalénta castigashqaykinöqa manami imaypis kay pasacho may markatapis castigashkankisu.


Desgracia manaraq chämushqanyaq Tayta Diosta cäsukuyay. Yanawyaykaq sakaycho jirkakunapa qeshpir manaraq tinkakashqaykiyaq jusalikuyashqaykita wanakuyay. Salvayäshunaykipaq kashqanta yarpäyaptikipis mana wanakuyaptikiqa manami salvayäshunkisu.


Paypa nawpankunachöqa yana pukutaymi kaykan. Shumaq mandaq karmi pitapis mana jananpaypa juzgan.


Desgraciaman imaypis mana chäyänanpaq kashqantami yarpäyan. Imaypis kushishla kawayänanpaq kayashqantami criyiyan.


Saypitanami runakuna karulapita rikaraykäyaptin Tayta Dios kaykashqan qenqiraykaq pukutayman Moisés wisarqan.


Saynöpami intëru Egiptuman chukluskuna juntäyarqan. Sayjinanpaqa chukluskuna manami imaypis karqansu ni imaypis kanqasu.


Saykunami juntäyanqa palaciuykimanpis, mandäsishuqnikikunapa wayinkunamanpis y intëru Egiptucho taq runakunapa wayinkunamanpis. Taytaykipis ni awiluykikunapis manami imaypis saytanöqa rikayashsu> >>. Sayno niyta ushaskirnami Faraónpa palaciunpita Moisés tikrar aywakurqan.


Say wisanqa runakuna fiyupami nakayanqa. Tayta Dios kay pasata kamashqanpita pasa imaypis manami sayjinanpa nakayashsu. Saynöpis yapayqa mananami imaypis sayno nakayanqanasu.


Pasapa shiminta kichaskiptinmi jatun jornupita qoshtay yarqamuqnöraq qoshtay yarqamurqan. Say qoshtay intita sapaptinmi pasa sakakäkurqan.


Jerusalén markami nin: <


Oqrakash uyshankunata misiq runa ashishqannömi noqapis uyshäkunata ashishaq. Pukutay qenqiraptin pantakar maypa aywayash kaptinpis shuntamushaqmi.


Paykunaman aywar mangädanöraq y pasata sapakurkuq yana pukutaynöraqmi lapan soldäduykikunawan y yanapäyäshuqniki runakunawan chäyanki.


Saypita unaylatanami Tayta Dios nimarqan: <>.


4 (4.4) <<¡Tiro y Sidón markacho taq runakuna! ¡Filistea nacioncho taq runakuna! ¿Imanirtaq rabyanäsiyämanki? ¿Imanirtaq conträ sharkuyanki? Ichiklanami pishiykan qamkunata castiganäpaq.


Tayta Diospa nawpancho lapayki upälakuyay. Juzganan junaq chaykämunnami. Say junaqpaqqa Tayta Diosmi sacrificiuta kamarish. Sacrificiuta mikuyänanpaq qayasishqan runakunapis listunami kaykäyan.


Say wisanqa manami kanqasu asikyaypis, alaypis ni qajapapis.


Swiv nou:

Piblisite


Piblisite