Joel 1:8 - Tayta Diospa Wilakuynin

⁸ Majasakänanpaq promitishqan maqta wanuykuptin doncëlla jipash lütu mödanata jatikurkur waqashqanno iksuypa iksur waqayay.

Joel 1:8 Referans Kwoze

Isaías 22:12

Lapanta mandaq Tayta Diosmi munarqan jusalikuyashqaykita pësakur waqayänaykita. Saynöpis munarqan lakikuyänaykita y aqsaykikunatapis rutukurir qachqa mödanakunata jatikuyänaykitami.

Malaquías 2:15

¿Manaku juklaylano kayänanpaq ishkantapis Tayta Dios kamarqan? Cuerpunpis y espïritunpis paypami kaykan. ¿Manaku tantiyayanki imanir juklaylano kayänanpaq kamashqanta? Sayno kamarqan say runapa surinkuna Tayta Dios munashqanno kawayänanta munarmi. Sayno kaykaptinqa shumaq tantiyakuyay maqta kaykar majasakäyashqayki warmikipita mana rakikäyänaykipaq.

Santiago 5:1

¡Rïcukuna, wiyakayämay! ¡Juiciu finalcho fiyupami nakayanki! ¡Sayno kaptinmi qaparayparaq waqayanki!

Amós 8:10

Fiestata rurayänaykipa trukan imaypis waqalarmi kayanki. Cantarpis waqay waqaylatami cantayanki. Lütu mödanaykikuna jatishlami puriyankipis. Lakikuyashpaykimi umaykikunatapis qara putuypa rutukuyanki. Juklayla suriki wanuykuptin waqayashqaykinömi pasaypa lakikur waqayanki. Ima rurayashqaykipis manami shonquykikunapaqsu kanqa>>.

Jeremías 3:4

Kananqa cäraykikunapis kanran niyämänaykipaq:

Isaías 32:11

Imaykayuqpis kar jawka kakuq warmikuna, ¡mansarir suksukyäyay! Jatiräyashqaykita loqtirir lütu mödanatana jatikuyay.

Proverbios 2:17

Say niraq warmiqa jipashlanpita tashqan runantapis chankariykurmi munashqanno purikun. Sayno karmi runanta imaypis respitananpaq Tayta Diosta promitishqantapis qonqaykun.

Lamentaciones 1:4

Tayta Diosta adorayänanpaq fiestakunamanpis mananami shayämunnasu. Sión lömaman aywaq nänikunapis lakikuypaq sunyaqmi kaykan. Markaman yaykuna punkukunachöpis manami pipis kannasu. Cürakunapis waqaykäyanmi. Jipashkunapis lakikuykäyanmi. Maysaychöpis waqakuylami kaykan.