Joel 1:12 - Tayta Diospa Wilakuynin

¹² Üvapa yürankunapis sakikäkuyashnami. Hïguskunapis ushakäyashnami. Granädakunapis, palmërakunapis, manzänapa yürankunapis y lapan plantakunapis sakishnami kaykäyan. Saymi runakunapis pasaypa mansakash kaykäyan.

Joel 1:12 Referans Kwoze

Isaías 24:11

Vïnu muchuy kaptinmi cällikunacho waqayanqa. Lakikuylana maysaychöpis kaptinmi pipis kushikunqanasu.

Isaías 16:10

Saymi ali wayuq chakrakunacho kushikuypis kanqanasu. Üva chakrakunachöpis manami cantayanqanasu. Üva jarukuyänankunachöpis mananami vïnupaq üvata jaruyanqanasu. Manami kushikur qayakuyanqanasu.

Joel 1:16

Mikuyninsi ushakaptin pasaypa muchuychönami kaykansi. Saymi Tayta Diosninsipa templunman aywarpis kushikunsinasu.

Joel 1:10

Trïgupis manami kannasu. Üvakunapis sakishqami kaykäyan. Olïvu jachakunapis ushakashqami kaykäyan. Lapan chakrakunapis pasaypa qaralanami kaykäyan.

Cantares 2:3

Munti rurincho manzäna wayuraykaqnömi qamqa lapan maqtakunapitapis mas kuyaylapaq kaykanki, kuyaynï. Nawpaykiman jamaykurqa manami yarquytapis munäsu. Mishkinömi kuyakuynikipis kaykan.

Hageo 2:19

Saymi kananpitaqa bendicionnïta lapan aruyashqaykiman churamushaq. Sayno churamuptïmi pirwaykikunacho mikuykuna ushakanqasu y üvayki, hïgusniki, granädayki y olïvusnikipis shumaq wayunqa> >>.

Jeremías 48:33

<

Jeremías 48:3

Saymi runakuna qayarar niyanqa: <¡Lapan markatami ushakäsiyash!> Sayno qayaräyashqanmi Horonaim markapita pasa wiyakämunqa.

Isaías 9:3

3 (2) Kuyashqayki runakunatami yanapashkanki. Kushikuytapis shonqunkunamanmi churashkanki. Cosëcha wisan kushikuqnöraqmi nawpaykicho kushikuyanqa. Riquëzata rakipänakur kushikuyashqannöraqmi kushikuyanqa.

Cantares 4:13

Cuerpuykiqa granäda frütayuq huertami kaykan. Say huertachömi kaykan tukuyläya mishkiq frütakuna, alheña waytakuna y nardo waytakuna.

Salmo 92:12

12 (13) Ali runakunaqa palmëra jachanöraqmi aska wata kawayanqa. Líbanucho cedru jachanöraqmi kayanqa.

Salmo 4:7

7 (8) Saysika trïguta cosechar y aypala üvata shuntar runakuna kushikuyashqanpitapis masraqmi qamqa kushikasimanki.

Números 13:23

Saypita Escol pampaman rikapakuqkuna chaykurmi rämantinta juk sarta üvata mutuskir qeruwan wintuypa apayarqan. Saynölami hïgustawan granädatapis apayarqan.

Isaías 24:7

Üva plantakunatapis qeshyami ushanqa. Vïnupis manami kanqanasu. Nawpata kushish kawaqkunapis lakishnami kawayanqa.

Jonás 4:7

Sayno kaykaptinmi calabäzapa yüranta kuptunanpaq waraynin tuta shiwrita Tayta Dios yurisirqan. Kuptuskiptinmi calabäza sakikäkurqan.

Malaquías 3:11

Mikuy ushaq kurukunata ushakäsiptïmi chakraykikuna ali wayunqa y üvaykikunapis tampiraypaqraq wayunqa. Noqa lapanta mandaq Tayta Diosmi sayno nï.