Jeremías 9:2 - Tayta Diospa Wilakuynin

² 2 (1) ¡Pilaraq sunyaq jirkacho suklalatapis ruraykamunman! Saychömi markäpita aywakur täküman. Marka mayïkunaqa Tayta Diosta manami cäsukuyansu ni promitirkurpis manami cumpliyansu.

Jeremías 9:2 Referans Kwoze

Jeremías 23:10

Kay nacionchöqa saysikami runakuna adulteriucho kaykäyan. Mana alikunataqa ashak ashakmi rurayan. Mana kuyapaypami runa mayinta nakasiyan. Saymi kay naciontapis Tayta Dios maldicionash. Maldicionaptinmi pasapis sakikäkush. Jirkakunacho qewakunapis qashrurushqami kaykäyan.

Oseas 4:2

Jutïcho promitirkurpis manami cumpliykäyankisu. Saynöpis lulakuykäyanki, runa mayikita wanuykäsiyanki, suwakuykäyanki y jukpa warminwanpis punuykäyanki. Pïmayta wanusirpis manami ajayäyankisu.

Oseas 7:4

Say yanapaqninkunaqa mäsa jakashqanyaq waylaykäsishqan jornunömi shanaripakush kaykäyan. Shanaripakurmi lapanpis chïnäkur puriykäyan.

Jeremías 12:6

Wawqikikuna y aylluykikunapis chikiyäshunkimi. Rabyashqami washaykitapis rimaykäyan. Ali shimilanpa parlapäyäshuptikipis paykunamanqa ama yärakuysu>>.

Jeremías 12:1

Tayta Dios, musyämi jusaynaq kashqaykita y lapantapis munashqaykino kamakäsishqaykita. Kanan tapukushayki: ¿Imanirtaq fiyu runakuna rïcuyäyan? ¿Imanirtaq mana cäsushuqniki runakuna kushish kawayan?

Santiago 4:4

¡Mana wiyakuq jusasapa runakuna! ¿Manaku musyayanki mana alikunata rurar Tayta Diospa contran kayashqaykita? Pipis mana alikunata rurarqa Tayta Diospa contranmi kaykan.

Malaquías 2:11

Tayta Dios nishqanta cumpliyänanpaq promitirpis Judá runakuna manami cumpliyansu. Saymi Jerusaléncho y intëru Israelcho ïduluta adoraq warmikunawan penqaypaq taykäyan. Sayno rurarmi Tayta Dios kuyashqan templunta manakaqman churaykäyan.

Sofonías 3:4

Profëtaykikunapis mana respitakuq y engañakuqmi kaykäyan. Cüraykikunapis sagrädu templutami impüruyäsiyan. Tayta Diospa leyninkunatapis manami cumpliyansu.

Oseas 6:7

<

Oseas 5:7

Tayta Dioslaman imaypis yärakuyänanpaq promitirpis manami cumpliykäyansu. Surinkunapis jäpa dioskunamannami yärakuykäyan. Jusayuq kayashqanpitami juk killalacho ushakäyanqa. Posisionninkunatapis jäpa runakunami acaparakuyanqa.

Jeremías 5:11

Israel runakuna y Judá runakuna yapay yapay promitiykäyämarpis manami cumpliyansu. Noqa Tayta Diosmi sayno nï.

Jeremías 13:22

Say contraykikuna vinciyäshushpayki warmita qaripar saripakuqnömi munashqanta rurayäshunki. Imanir sayno päsayäshushqaykitapis yarpachakurqa tantiyayankimanmi selläma jusalikuyashqaykipita nakaykäyashqaykita.

Miqueas 6:12

Kay markacho kaq rïcu runakunaqa runa mayinta nakasiq, runa mayinta engañaq y lulakuqlami kaykäyan.

Malaquías 2:14

tapukuykäyanki: <<¿Imanirtaq chaskimansisu?>> nir. Pay chaskiyäshunkisu maqta kayashqaykipita pasa majasakäyashqayki warmikita kacharish kayaptikimi. Sayno kachariyashkanki paylawan täyänaykipaq Tayta Diospa nawpancho pactuta rurash kaykarpis.

Jueces 2:10

Josuépa winay mayinkunapis wanukuyaptinnami qepa yuriq runakuna musyayarqannasu Tayta Dios nishqankunata ni Israel runakunata imano yanapashqantapis.

Isaías 59:3

Wanusikuq kayaptikimi makikikunapis yawarlana kaykan. Dëduykikunapis runa wanusiqmi kaykan. Shimikikunapis pasaypa lulatami parlan. Qalluykikunapis mana alilatami riman.

Jeremías 4:22

Tayta Diosmi nin: <>.

Jeremías 5:1

Tayta Diosmi nin: <

Jeremías 5:2

Say runakunaqa jutïcho jurarpis janan shonqulami jurayan>>.