Jeremías 6:20 - Tayta Diospa Wilakuynin

²⁰ Paykunaqa manakaqlapaqmi juklä nacionpita mushkuq jachakunata apayämun. Sabá nacionpita inciensutapis manakaqlapaqmi altarnïman apayämun. Noqaqa manami chaskïnasu sacrificiuta altarcho rupasiyashqantapis. Sacrificiukunata apayämushqanqa manami shonqüpaqnösu.

Jeremías 6:20 Referans Kwoze

Isaías 1:11

Tayta Diosmi nin: <<¿Imapaqnataq saysika sacrificiukunata altarcho rupasiyanki? Carnërukunata sacrificiupaq rupasiyaptiki ajayashnami kaykä. Uywakunapa wiranta altarcho rupasiyaptiki ajayashnami kaykä. Manami munäsu törukunapa, uyshakunapa ni chïvukunapa yawarninta jichar sacrificiupaq rupasiyashqaykitapis.

Isaías 60:6

Madiánpita y Efapita camëllunkunawan tröpa tröparaqmi juntapäyäshunki. Qorita y inciensuta apakurkurmi Sabápitapis shayämunqa. Noqata alabaraykämarmi chäyämunqa.

Salmo 40:6

6 (7) Qammi tantiyasimashkanki sacrificiukunawan y saki mikuy ofrendakunawan mana kushikushqaykita. Saynöpis musyasimashkanki rupasina sacrificiukunata y purificación sacrificiukunata mana munashqaykitami.

Isaías 66:3

Wakin runakunami isanqa jusalikuyta mana kacharir kikin munayashqanno kawakuyan. Saymi noqapaq töruta rupasiyashqanpis runa mayinta wanusiyashqanno melanaypaq kaykan. Uyshata altarcho rupasiyashqanpis alquta pishtayashqannömi kaykan. Saki mikuy ofrendankunata apayämushqanpis kuchipa yawarninta jichapäyashqannömi kaykan. Adorayämashpan inciensuwan qoshnisiyashqanpis ïdulukunapaq qoshnisiyashqannömi kaykan.

Éxodo 30:23

<

Ezequiel 27:22

<<

Ezequiel 20:39

<<

Salmo 66:3

Tayta Diosta alabar niyay: <

1 Reyes 10:10

Nirkurmi Salomónta qaraykurqan kimsa waranqa esqun pachak soqta chunka (3,960) kïlu qorita, aska perfümikunata y kuyaylapaq cuestaq aska rumikunatapis. Salomónta qaraykushqan perfümikunatanöqa manami imaypis saysika perfümita Israel nacionman apayämurqansu.

Proverbios 15:8

Yaqa runapa ofrendantaqa Tayta Dios manami chaskinsu. Ali runa manakushqantami isanqa kushish chaskin.

Proverbios 21:27

Yaqa runakunapa ofrendantaqa Tayta Dios manami chaskinsu. Paykunaqa ofrendata apayan Tayta Dios yanapänan kashlami.

Jeremías 14:10

Tayta Diosmi nirqan: <>.

Jeremías 14:12

Paykuna ayunayashpan mayjina manakayämaptinpis manami cäsushaqsu. Saysika uywakunata y saki mikuy ofrendakunata noqapaq apayämuptinpis manami chaskishaqsu. Saypa trukanqa ushakäsinäpaqmi wanusikuq soldädukunata, muchuyta y qeshyata kachamushaq>>.

Oseas 8:13

Sacrificiukunata altarcho rupasirmi aysata kushish mikuykäyan. Sayno rurayaptinpis say sacrificiukuna manami shonqüpaqnösu kaykan. Jusalikuyashqantaqa manami imaypis qonqashaqsu. Perdonanäpa trukan castigaptïmi Egiptuman kutiyanqa.

Oseas 9:4

Saycho manami Tayta Diospaq vïnuta altarman winapäyankinasu. Sacrificiuta rupasiyaptikipis manami chaskiyäshunkinasu. Ayata yataq runa impüru kashqannömi mikuynikikunapis impüru kanqa. Say mikuyta pipis mikurqa impürumi rikakunqa. Manami Tayta Diospa templunman apayänaykipaqnösu kanqa, sinöqa kikikikuna mikuyänalaykipaqmi.

2 Samuel 15:12

Tayta Diosta adorar sacrificiukunata rupaykäsishqan hörami Absalón qayasirqan Gilo markacho taq Ahitofelta. Ahitofel karqan Davidpa yäsiqninmi. Ahitofelpis Absalónpa favornin sharkushqanta rikarmi wakin runakunapis Absalónpa favornin sharkuyarqan.

Malaquías 1:10

<<¡Ima aliraq kanman pipis mana yaykunanpaq templupa punkunta wichqayaptin! Saynöpaqa manami pipis altarnïman mana ali uywakunata apayämunmansu. Sayno apayämushqayki manami gustamansu. Apayämuptikipis manami chaskiyäshaykisu.