2 <
< >>
Siónqa üva chakracho y melón chakracho suklanömi rikakush. Soldädukuna jiruruypa sapash markano kaptinmi pïninpis yanapänanpaq kansu.
Sión, pasaypa nakaptiki ¿imataraq nïman? Kayjinanpa nakaykashqaykita ¿imamanraq tinkusïman? ¿Imaman tinkusiypa parlaparraq qamta shoqäman? Juchu aywaqnöraqmi desgracia päsashushkanki. Sayno kaykaqta ¿piraq yanapäshunki?
Fiyupa rabyakushpanmi Siónta Tayta Dios llëvasish. Jana pasachöno kuyaylapaq kaykaptinpis chipyaqmi ushakäsish. Ajanash karmi tänan templutapis mana kuyapaypa ushakäsish.
Lapanpitapis seqaypa kuyakuq warmipis runanta y wawankunata mananami kuyapanqanasu.
Ali alilata mikuqkunapis kananqa mikanaywanmi cällikunacho wanuykäyan. Kuyaylapaq wayicho shakshaqkunapis kananqa qanra jitakunachömi taykäyan.
