Jeremías 3:3 - Tayta Diospa Wilakuynin

³ Sayno kayashqaykipitami tamya killa wisanpis ni jachakuna tuktunan wisanpis manana tamyamushnasu. <

Jeremías 3:3 Referans Kwoze

Levítico 26:19

Mana cäsukuq y orgullösu kayaptikimi tamyatapis tamyasimushaqsu y murupakuyashqaykitapis wayusishaqsu.

Jeremías 14:4

Mana tamyaptinmi fiyupa usyawan pasapis shilikashna kaykan. Murupakuyänanpaq mana ali kaptinmi runakunapis fiyupa lakikur umankunata sapakurkuyan.

Jeremías 14:22

Kay pasacho ima ïdulupapis manami munaynin kansu tamyasimunanpaq. Ciëlupis manami kikilanpitaqa tamyasimunsu, sinöqa qamraqmi tamyasimunki, Tayta Dios. Lapan päsashqankunapis qampitami kaykan. Saymi salvayämänaykipaq qamlaman yärakayämü.

Jeremías 5:24

Shonqulaykikunachöpis manami yarpachakuyankisu noqata mansapakayämänaykipaqqa. Manami tantiyayankisu mikuyniki ali qeshpinanpaq punta kaq tamyata y qepa kaq tamyatapis noqaraq tamyasimushqäta. Saynöpis manami tantiyayankisu mikuynikikunata shuntayänaykipaqpis noqaraq usyäsimushqäta.

Isaías 5:6

Sunyaq jirkatami kachaykushaq. Manami pipis kuptupanqanasu ni uryapanqanasu. Kashalanami shataypa juntanqa. Mana tamyamunanpaqmi pukutaytapis nishaq>>.

Deuteronomio 28:23

Tamyapis manami tamyamunqasu. Chakrachöpis manami mikuy wayunqanasu.

Hageo 1:11

Fiyupa usya kananpaq noqami kamakäsishkä. Saymi trïgupis, üvapis, olïvupis, ni imayka mikuypis wayunnasu. Uywakunapaqpis qewa manami kannasu. Runakunapis manakaqlapaqmi aruyan>>.

Amós 4:7

Saymi mikuykuna poqunanpaq kimsa killa pishiykaptin usyäsimurqä. Wakin markacho tamya kananpaq y wakin markacho usya kananpaqpis noqami kamakäsirqä. Saymi tamya chashqan chakrachöqa mikuykuna ali wayurqan y mana tamyashqan kaqchönami mikuykuna sakikäkuyarqan.

Jeremías 9:12

12 (11) ¿Imanirtaq kay nación ushakash kaykan? ¿Imanirtaq sunyaqman tikrash kaykan? ¿Pitaq musyaq yachaq kaykan imanir sayno päsashqantapis tantiyananpaq? ¿Pitataq Tayta Dios tantiyasish sayta wilakunanpaq?

Jeremías 8:12

Melanaypaq jusalikurpis manami ni ima nilarpis penqakuyansu. Manami penqakuytapis yachayansu. Sayno kayashqanpita castigaptïmi wakin runakunawan iwal wanuyanqa. Noqa Tayta Diosmi sayno nï.

Jeremías 6:15

Melanaypaq jusalikurpis manami penqakuyansu. Manami penqakuytapis yachayansu. Sayno kayashqanpita castigaptïmi wakin runakunawan iwal wanuyanqa. Noqa Tayta Diosmi sayno nï>>.

Sofonías 3:5

Sayno kayaptinpis Tayta Diosqa imaypis Jerusalénchömi kaykan. Payqa manami imatapis lutankunataqa ruransu. Cada tutami tantiyasimansi alilata ruraq kashqanta. Sayno kaptinpis jusalikuq runakunaqa lutanta rurar manami penqakuyansu.

Ezequiel 3:7

Israel runakunami isanqa parlapashqaykita tantiyaykarpis cäsuyäshunkisu. Pasaypa rumi shonqu kayashpanmi parlapaptïpis wiyakamayta munayansu.

Jeremías 5:3

Tayta Dios, qamqa munanki runakuna promitiyäshushqaykinöla imaypis cäsuyäshunaykitami. Jerusalén runakunaqa corrigir astaptikipis manami wiyakuyäshunkisu. Castigaptikipis manami cäsukuyäshunkisu. Paykunapa shonqunkunapis ruminömi kaykan. Mana wanakuypami jusalikuyanpis.

Hebreos 12:25

Sayno kaykaptinqa Tayta Dios niyäshushqaykita ama yupaytupäyaysu. Sunyaq jirkacho Moisés nishqanta mana cäsukuqkunata Tayta Dios castigaykarqa jana pasapita pasa nimashqansita mana cäsukush peormi castigamäshun.

Nehemías 9:17

Salvanaykipaq milagrukunata rurashqaykitapis qonqaykurmi cäsukuyäshurqaykinasu. Sayno mana wiyakuq kayashpanmi y yapay ashmay kayta munar juk mandaqninta churayta munayarqan Egiptuman kutisinanpaq. <

Jeremías 14:3

Rïcukunapa ashmayninkunapis pözukunaman yaku ashiq aywar manami tariyämunsu. Mana tarirmi jäkuq uyllun janchash kutiyämun. Fiyupa penqakuyashpanmi umankunatapis shukutakuyan.

Jeremías 36:2

<

Sofonías 2:1

Suëla cära Judá runakuna, lapayki shuntakaykur yarpachakuyay jusalikuyta kachariyänaykipaq.

Génesis 19:34

Waraynin junaqmi qechpa kaq jipash shulka nananta nirqan: <>.

Proverbios 21:29

Yaqa runaqa runakuna rikayänalanpaqmi ali tukun. Ali runami isanqa rasunpaypa alilata ruran.

Jeremías 5:25

Saymi kananqa kikikikunapa jusaykipita tamyasimushaqnasu. Ali kaqkunata tariyänaykipaq kaqtapis manami tariyankinasu.

Jeremías 14:1

Fiyupa usya kaptinmi Jeremíasta Tayta Dios nirqan:

Amós 4:8

Yakuynaq markakunacho taq runakunami yakuyuq markakunaman aywayarqan yaku manakuq. Saycho yakuta upurpis manami jimayarqansu. Sayno castigaykaptïpis manami perdonta manakayämashkankisu>>. Tayta Diosmi sayno nin.