Jeremías 2:5 - Tayta Diospa Wilakuynin

⁵ Tayta Dios kaynömi nin: <<¿Imatataq mana alita rurashkä unay aylluykikuna mana cäsukayämänanpaq? Mana väliq dioskunata adorarmi kikinkunapis mana väliq rikakuyarqan.

Jeremías 2:5 Referans Kwoze

2 Reyes 17:15

Sayno mana yärakurmi unay ayllunkunawan Tayta Dios pactu rurashqanta manakaqman churayarqan. Leyninkunata y mandamientunkunata mana cäsukur manakaq ïdulukunata adorarmi paykunapis mana väliq rikakuyarqan. Mana jusalikuyänanpaq Tayta Dios nikaptinpis waqin nación runakuna jusalikuyashqannölami paykunapis jusalikuyarqan.

Romanos 1:21

Tayta Dios kashqanta musyaykarpis runakuna manami payta wiyakuyansu ni agradëcikuyansu. Saypa trukanqa manakaqkunaman uman churakash kaptinmi yarpayninkunapis pasaypa upatakash kaykan.

Jonás 2:8

8 (9) Ïdulukunata adoraqkunaqa Diospa kuyakuyninta wasqipäyanmi.

Salmo 115:8

Ïdulu munayniynaq kashqannömi ïdulukunata ruraqkunapis kaykäyan. Ïdulukunaman yärakuqkunaqa ïdulunölami lapanpis kaykäyan.

Isaías 44:9

Ïdulukunata ruraqkuna manami imapaqpis väliyansu. Mayjina kuyaylapaqta rurayashqanpis manami välinsu. Ïduluta adoraqkunapis yarpayniynaqmi kaykäyan. Kikinkunapis penqakushqami kayanqa.

1 Samuel 12:21

Saynöpis ïdulukunata ama adorayankisu. Saykunaqa manakaqla kar manami yanapäyäshunkisu ni salvayäshunkisu.

Deuteronomio 32:21

Manakaq dioskunata adorarmi rabyanäsiyäman. Ïdulukunaman yärakurmi ajanäsiyäman. Saymi jäpa marka runakunatana yanapar paykunata ajanäsishaq. Mana tantiyakuq runakunata chaskikurmi paykunata lakikasishaq.

Hechos 14:15

<<¡Taytakuna, ama sayta rurayaysu! Noqakunapis qamkunano runalami kayä. Shayämushkä manakaq dioskunata kacharir imayyaqpis kawaq Tayta Diostana adorayänaykipaq tantiyasiqmi. Paymi jana pasata, kay pasata, lamarta y lapan imaykatapis kamash.

Jeremías 2:31

<<¡Israel runakuna, shumaq tantiyakuyay noqa Tayta Dios imata nishqätapis! Qamkunapaqqa ¿sunyaq jirkanöku kashkä? ¿Yanawyaykaq sakaynöku kashkä? Lapanchöpis yanapaykaptïqa ¿imanirtaq witikuykäyanki? ¿Imanirtaq niyämanki manana yärakayämänaykipaq kashqanta?

Mateo 15:8

<<

Ezequiel 11:15

<.

Jeremías 14:22

Kay pasacho ima ïdulupapis manami munaynin kansu tamyasimunanpaq. Ciëlupis manami kikilanpitaqa tamyasimunsu, sinöqa qamraqmi tamyasimunki, Tayta Dios. Lapan päsashqankunapis qampitami kaykan. Saymi salvayämänaykipaq qamlaman yärakayämü.

Jeremías 12:2

Shumaq plantash y jaqwäkush jachano kayänanpaqmi paykunata yanapashkanki. Selläma rïcuyäyänanpaq y askaqman mirayänanpaqmi yanapashkanki. Sayno yanapaptikipis shimilanmi alabayäshunki. Shonqunchöqa manami imapaqpis cuentayäshunkisu.

Jeremías 10:8

Ïduluta ruraqkunaqa lapanpis yarpayniynaq mana tantiyakuqmi kaykäyan. Qerupita rurash ïduluqa ¿imataraq runakunata yachasinqa?

Isaías 29:13

Tayta Diosmi nin: < nirpis yarpaylanpita runakuna yachasiyashqantami ruraykäyan.

Isaías 46:12

<

Jeremías 2:4

Jacobpita miraq Israel runakuna, mayqan ayllu karpis Tayta Dios nishqanta lapayki shumaq wiyayämay.

Jeremías 8:19

Marka mayïkunapis maysaycho waqayashpanmi nikäyan Siónta Tayta Dios kachariykushqanta. Saynöpis nikäyan Tayta Dios mandaqnin rey kaykarpis paykunawan manana kaykashqantami. Tayta Diosnami nin: <<¿Imapaqtaq rabyanäsiyämashkanki? Jäpa runakuna adorayashqan manakaq ïdulukunata ¿imanirtaq adoraykäyanki?>>

Ezequiel 14:5

Sayno ruraptï ïdulukuna adorayta capazchir wanakuyankimanpis. Ïdulukunata adorayashpaykimi cäsukayämankinasu>.