Jeremías 10:7 - Tayta Diospa Wilakuynin

⁷ Maysay nacionkunapa mandaqnin reymi kaykanki. Sayno kaykaptikiqa ¿piraq mana mansapakushunkimansu? May nacioncho yachaq runapitapis mas yachaqmi kaykanki. Pïmay reypitapis mas munayyuqmi kaykanki. Sayno kaykaptikiqa ¿piraq mansapakushunkimansu?

Jeremías 10:7 Referans Kwoze

Apocalípsis 15:4

¿Piraq mana mansapakuykushunkimansu? ¿Piraq mana alabaykushunkimansu? Qam japalaykimi santu kaykanki. Runakunata rurayashqanman tupu juzgashqaykita pïmaymi musyayan. Saymi lapan nación runakunapis puntaykiman shamur adorayäshunki>>.

Salmo 22:28

28 (29) ¡Tayta Diosmi mandamaqninsi rey kaykan! ¡Paypa munayninchömi lapan nacionkunapis kaykan!

Jeremías 10:6

Tayta Dios, qamnöqa manami pipis kansu. Qamqa lapanpaq munayyuqmi kaykanki.

Jeremías 5:22

Noqa Tayta Diosmi nï: Lamar yaku kuchunpita masta mana püsananpaqmi aqushata churapashkä. Saymi wayrawan mayjina pulchaqyarpis püsansu. Lamarpis cäsukaykämaptinqa ¿imanirtaq qamkunaqa cäsukayämankisu? Castigakuq kashqäta musyaykarqa ¿imanirtaq mansapakamashpayki nawpächo suksukyäyankisu?

Salmo 89:6

6 (7) Qamnöqa manami pipis jana pasacho kansu. Munayyuq karpis manami qammanqa tinkunsu.

Lucas 12:5

Saypa trukanqa Tayta Dioslata mansapakuyay. Paymi isanqa munayyuq kaykan wanurkasiyäshushpayki infiernuman qaykuyäshunaykipaq. Saymi payta mansapakuyänayki.

Zacarías 2:11

11 (15) Say wisanmi aska nación runakuna sirviyämanqa. Kuyashqä runakuna kayaptinmi noqaqa paykunawan imaypis kaykäshaq>>. Say nishqannöla päsaptinmi musyayankipaq lapanta mandaq Tayta Dios qamkunaman kachamashqanta.

Isaías 2:4

Aska nación runakuna chikinakuyaptinpis Tayta Diosmi arreglanqa. Say nacionkuna jatun kayaptinpis paymi juzganqa. Juk markawan juk marka guërrata manami rurayanqanasu. Guërracho pelyayänanpaqpis manami kamarikuyanqanasu. Maysaychöpis runakuna espädankunapitami planchonkunatana rurasiyanqa. Lanzankunapitanami ösita rurasiyanqa.

Salmo 86:9

Qammi lapan nacionkunata kamashkanki. Lapan nación runakunami adorayäshunaykipaq shayämunqa. Puntaykiman qonqurpakamurmi jutikita joqariyanqa.

Salmo 76:7

7 (8) ¡Qamqa pasaypa mansariypaqmi kaykanki! Rabyakuptikiqa ¿piraq nawpaykicho kaykanman?

Salmo 72:11

Lapan reykuna puntanman qonqurpakuyäsun. Lapan nacioncho taq runakunapis payta sirviyäsun.

Apocalípsis 11:15

Qanchis kaq ángel cornëtata tukamuptinmi jana pasacho angilkuna sinchipa kayno niyämushqan wiyakämurqan: <<¡Lapan nacionkunapis Señorninsi Tayta Diospa y Cristupa makinchönami kaykäyan! ¡Paymi imayyaqpis rey kanqa!>>

1 Corintios 8:6

Sayno yarpäyaptinpis noqansipaqmi isanqa juklayla Dios kaykan. Payqa Tayta Diosmi kaykan. Lapantapis paymi kamash. Noqansipis payta sirvinansipaqmi kawansi. Señor Jesucristupis juklaylami kaykan. Paywanmi Tayta Dios lapantapis kamarqan. Paymi kawaytapis qomansi.

Éxodo 8:10

10 (6) Sayno niptinmi Faraón nirqan: <>. Saymi Moisés nirqan: <

Éxodo 9:14

Mana kachariptikiqa kananyaq castigashqäpitapis masraqmi castigashayki. Saynölami castigashaq mandäsishuqnikikunata y intëru Egiptucho taq runakunatapis. Sayraqmi noqala kay pasacho munayyuq Dios kashqäta tantiyanki.

Josué 4:24

Sayno rurarqan munayyuq kashqanta maysaychöpis runakuna musyayänanpaq y qamkunapis payta imaypis mansapakuyänaykipaqmi> >>.

Ester 1:13

Say wisanmi imapis kaptin ley yachaqkuna reyta imaypis yäsiyaq. Saymi paykunata rey qayasirqan imata rurananpaq kashqantapis tantiyasiyänanpaq.

Daniel 2:27

Sayno tapuptinmi Daniel nirqan: <

Daniel 2:28

Sayno kaptinpis jana pasacho kaykaq Tayta Diosmi runa mana tantiyashqanta revelan. Paymi sueñuynikicho musyasishushkanki shamuq watakuna imano kananpaq kashqantapis. Kanan wilashayki sueñuynikicho imata rikashqaykitapis.

Habacuc 3:2

Tayta Dios, Israel mayïkunata unay shumaq yanapashqaykitami wilapäyämash. Lapan rurashqaykikunata musyarmi seqaypa kushikü. Unay yanapashqaykinöla kananpis yanapaykayälämay, Taytay. Saynöpami rurashqaykikunata rikayäshaq. Jusalikuyashqäpita rabyash karpis kuyapaykayälämay.

Malaquías 1:11

<

2 Reyes 17:39

Noqalata adorayämaptikiqa contraykikunapa munayninpita salvayäshaykimi>>.

1 Crónicas 16:25

Sayno wilakuyay Tayta Dios alilata ruraq kashqanpita. Lapan runakunapis payta alabayänanpaq wilakuyay. Payqa ima diospitapis mas mansariypaqmi kaykan.

Salmo 47:3

3 (4) Paymi yanapämashkansi juklä nacionkunatapis vincinansipaq. Say runakunata makinsimanmi churamush.

Salmo 86:8

Tayta Dios, manami qamnöqa ima diospis kansu. Qam rurashqaykitanöqa manami pipis ruransu.

Salmo 147:5

Tayta Diosqa seqaypa munayyuqmi kaykan. Paypa yachayninqa mana ushakaqmi.