Jeremías 10:15 - Tayta Diospa Wilakuynin

¹⁵ Manakaqlapaqmi kaykäyan. Tayta Dios castiganan junaqmi say ïdulukuna ushakäyanqa.

Jeremías 10:15 Referans Kwoze

Jeremías 14:22

Kay pasacho ima ïdulupapis manami munaynin kansu tamyasimunanpaq. Ciëlupis manami kikilanpitaqa tamyasimunsu, sinöqa qamraqmi tamyasimunki, Tayta Dios. Lapan päsashqankunapis qampitami kaykan. Saymi salvayämänaykipaq qamlaman yärakayämü.

Isaías 41:24

Ïdulukuna manami ima ruraytapis kamäpakuyansu. Manami imapaqpis väliyansu. Ïdulukunaman yärakuqkunaqa noqapaq pasaypa melanaypaqmi kaykäyan.

Jeremías 51:18

Say ïdulukunaqa asipaypaqmi kaykäyan. Tayta Dios castiganan junaqmi say ïdulukuna ushakäyanqa.

Zacarías 13:2

Lapanta mandaq Tayta Diosmi nin: <

Jonás 2:8

8 (9) Ïdulukunata adoraqkunaqa Diospa kuyakuyninta wasqipäyanmi.

Jeremías 8:19

Marka mayïkunapis maysaycho waqayashpanmi nikäyan Siónta Tayta Dios kachariykushqanta. Saynöpis nikäyan Tayta Dios mandaqnin rey kaykarpis paykunawan manana kaykashqantami. Tayta Diosnami nin: <<¿Imapaqtaq rabyanäsiyämashkanki? Jäpa runakuna adorayashqan manakaq ïdulukunata ¿imanirtaq adoraykäyanki?>>

Jeremías 8:12

Melanaypaq jusalikurpis manami ni ima nilarpis penqakuyansu. Manami penqakuytapis yachayansu. Sayno kayashqanpita castigaptïmi wakin runakunawan iwal wanuyanqa. Noqa Tayta Diosmi sayno nï.

Hechos 14:15

<<¡Taytakuna, ama sayta rurayaysu! Noqakunapis qamkunano runalami kayä. Shayämushkä manakaq dioskunata kacharir imayyaqpis kawaq Tayta Diostana adorayänaykipaq tantiyasiqmi. Paymi jana pasata, kay pasata, lamarta y lapan imaykatapis kamash.

Jeremías 10:11

Tayta Diosmi kayno nimarqan: <<Ïdulukunata adoraqkunata niy: >>.

Jeremías 10:8

Ïduluta ruraqkunaqa lapanpis yarpayniynaq mana tantiyakuqmi kaykäyan. Qerupita rurash ïduluqa ¿imataraq runakunata yachasinqa?

Isaías 41:29

Ïdulukunaqa mayqanpis manami Diossu. Ima ruraytapis manami kamäpakuyansu. Ïdulukunaqa manami imapaqpis väliyansu>>.

1 Samuel 12:21

Saynöpis ïdulukunata ama adorayankisu. Saykunaqa manakaqla kar manami yanapäyäshunkisu ni salvayäshunkisu.

Deuteronomio 32:21

Manakaq dioskunata adorarmi rabyanäsiyäman. Ïdulukunaman yärakurmi ajanäsiyäman. Saymi jäpa marka runakunatana yanapar paykunata ajanäsishaq. Mana tantiyakuq runakunata chaskikurmi paykunata lakikasishaq.

Jeremías 18:15

Paykunaqa qonqakaykayämashpanmi manakaq ïdulukunapaq inciensuwan qoshniykäsiyan. Noqa nishqäno kawayänanpa trukanmi fiyu nänipa purir pantakashnöpis lutankunata ruraykäyan.

Oseas 9:7

Israel runakunata Tayta Dios castigananpaq kaq junaqkuna chämushnami. Jusaykikunaman tupumi juzgashunki. Pasaypa nakarraqmi Tayta Dios castigashushqaykita tantiyayanki. Qamkuna nikäyanki profëtakuna mana tantiyakuq kayashqantami. Saynöpis nikäyanki Tayta Diospa wilakuqninkuna löcu kayashqantami. Sayno nikäyanki pasaypa jusasapa y chiki kayashpaykimi.

1 Samuel 5:4

Saypita waraynin tutapis Asdod runakuna kutiyashpan yapaymi tariyarqan Tayta Diospa babulninpa nawpancho lätaypa Dagón jitaraykaqta. Umantawan makinkunatanami tariyarqan punku yaykunacho pakish jitaraykaqta.

Salmo 115:9

Israel runakuna, ¡Tayta Dioslaman yärakuyay! Paymi yanapämansi y escüduno imapitapis sapämansi.

Isaías 57:12

Kananqa imano kawayashqaykitapis pïmaytami musyasishaq. Lapan rurayashqaykipis manakaqlapaqmi kanqa.

Jeremías 43:12

<<

Jeremías 50:2

<