Jeremías 10:10 - Tayta Diospa Wilakuynin

¹⁰ Rasunpa kaq Diosqa Tayta Dioslami kaykan. Paymi imayyaqpis kawaq Dios kar imaypis rey kaykan. Pay rabyanaptinqa kay pasapis suksukyanmi. Pay castigaptinqa manami may nacionpis awantansu.

Jeremías 10:10 Referans Kwoze

Deuteronomio 32:4

Paymi imaykapitapis sapämansi. Imatapis alilatami ruran. Leyninkunapis alimi. Manami imaypis lulakunsu. Manami jusalikunsu. Rasun kaqlatami parlanpis.

Isaías 57:15

Jana pasacho taq imayyaqpis kawaq santu Tayta Diosmi nin: <

Salmo 76:7

7 (8) ¡Qamqa pasaypa mansariypaqmi kaykanki! Rabyakuptikiqa ¿piraq nawpaykicho kaykanman?

Nahum 1:6

Pay rabyanaptin ¿piraq mansarinmansu? Pay ajanaptin ¿piraq ichipanman? Pay rabyakurqa ninanöraqmi imaykatapis ushan. Pay puriptinqa qaqakunapis shilikäyanmi.

Salmo 42:2

2 (3) Imayyaqpis kawaq Dios kaptikimi yakunaypanöraq qamta ashiykä. ¡Imayraq nawpaykiman chämushaq qamta adoranäpaq!

Salmo 100:5

Tayta Diosqa alilata ruraqmi. Kuyapäkuyninqa manami imaypis ushakansu. Awnishqantaqa imaypis cumplinmi.

Apocalípsis 20:11

Saypitanami rikarqä jatunkaray yuraq trönuncho Tayta Dios jamaraykaqta. Paypa nawpanpitami kay pasapis y jana pasapis elaqaskiyarqan. Mananami mas rikakäyarqannasu.

Salmo 31:5

5 (6) Makikimanmi almäta churaykamü. Promitishqaykita cumpliq Tayta Dios, salvaykalämay.

Salmo 10:16

Tayta Dioslami imaypis rey kaykan. Payta mana cäsukuq runakunaqa ushakäyanqami.

Salmo 18:7

7 (8) Pasapis fiyupami kuyurqan. Jirkakunapa cimientunpis suksukyäyarqanmi. Tayta Dios rabyakuptinmi lapanpis marmaryäyarqan.

1 Juan 5:20

Musyansimi Tayta Diospa Surin Jesucristo kay pasaman shamur Tayta Diosta reqinansipaq tantiyasimashqansita. Saymi Tayta Diospa y Surin Jesucristupa makincho kawaykansi. Jesucristuqa kikin Diosmi kaykan. Paymi mana ushakaq kawayta qomansi.

Hebreos 10:31

Imayyaqpis kawaq Tayta Dios juzgashuptikiqa seqaypa mansariypaqmi kanqa.

1 Timoteo 1:17

¡Tayta Diosmi imayyaqpis munayyuq rey, imayyaqpis kawaq y mana rikakaq kaykan! Pay japalanmi Dios kaykan. [Manami pipis payno yachaq kansu.] ¡Imayyaqpis alabash kaykuläsun! ¡Amén!

1 Tesalonicenses 1:9

maysaychömi musyaykäyan shumaq chaskikayämashqaykita y ïdulukunata adorayta kacharir imayyaqpis kawaq Tayta Diostana adoraykäyashqaykita. Payqa rasunpa kaq Diosmi kaykan.

Hechos 14:15

<<¡Taytakuna, ama sayta rurayaysu! Noqakunapis qamkunano runalami kayä. Shayämushkä manakaq dioskunata kacharir imayyaqpis kawaq Tayta Diostana adorayänaykipaq tantiyasiqmi. Paymi jana pasata, kay pasata, lamarta y lapan imaykatapis kamash.

Malaquías 3:2

<

Habacuc 3:6

Tayta Dios ichiykuptin pasapis fiyupami suksun. Rikaraptin maysay markakunapis pasaypami mansakäyan. Jirkakuna unaypita pasa karpis juchunmi. Saynölami lömakunapitapis juchu aywan. Tayta Diosmi isanqa mana ushakaq kaykan.

Miqueas 1:4

Jaruptinmi ninacho cëra suluqno say puntakuna sulunqa. Pampakunapis aska yaku aywar raqrayäsishqannömi raqrayash quëdanqa.

Salmo 146:6

Tayta Diosmi jana pasata, kay pasata, lamarta y lapan saycho kaqkunatapis kamash. Nishqantaqa imaypis cumplinmi.

Salmo 145:13

Rey kashqaykiqa mana ushakaqmi kaykan. Imayyaqpis mandaqmi kanki. Promitishqaykitaqa imaypis cumplinkimi. Rurashqaykiqa lapanpis alimi kaykan.

Salmo 114:7

Pasa, Jacob yärakushqan Tayta Diospa nawpancho mansakaywan suksukyay.

Salmo 104:32

Pay rikäriptinqa pasapis mansarir suksukyanmi. Yataykuptinqa jirkakunapis qoshtatäyanmi.

Salmo 97:4

Elqukuyninpis intëru kay pasatami asikyapan. Sayta rikarmi kay pasa fiyupa suksukyan.

Salmo 93:2

Tayta Dios, unaypita pasami mandaq kaykanki. Qamqa imapis manaraq kaptinmi mayna karqayki.

Salmo 90:11

Imajinanpa rabyashqaykita manami pipis musyansu. Seqaypa ajanashqaykita manami pipis tantiyansu.

Salmo 84:2

2 (3) Achpitayparaqmi templu patiucho qoyayta munä. Lapan shonqüwanmi imayyaqpis kawaq Diosta kushish alabä.

Salmo 77:18

18 (19) Löcu wayra rurinchömi maqakuyniki pashtashqanpis wiyakämurqan. Elqukuynikipa asikyayninwanmi pasapis rikakarqan. Temblorwanmi pasapis fiyupa kuyurqan.

Job 9:6

Paymi kay pasapa cimientunkunatapis suksukyäsin.

2 Crónicas 15:3

<

1 Reyes 18:39

Sayta rikaykurmi runakunaqa lätakuykushpan niyarqan: <<¡Elías manakushqan kaqmi rasunpaypa kaq Dios kaykan!>>

1 Samuel 17:36

Imayyaqpis kawaq Tayta Diospa soldädunkunata taqay jusasapa filisteo runa wajupar manakaqman churashqanpitami leontapis ukumaryapis wanusishqänöla paytapis wanusishaq.

1 Samuel 17:26

Say nishqanta wiyaykurmi saycho kaykaq wakin runakunata David tapurqan: <<¿Imataq kanqa Israel runakunata wajupaq filisteo runata wanusiqpaq? ¡Pitaq say jusasapa runaqa kaykan imayyaqpis kawaq Tayta Diospa soldädunkunata wajupar manakaqman churaykunanpaqqa!>>

Jueces 5:4

<

Deuteronomio 5:26

Kanan wiyaykashqansino nina rupaykaqpita imayyaqpis kawaq Tayta Dios parlamuqta wiyar manami pipis kawanmansu.

1 Timoteo 6:17

Rïcu kaq wawqi panikunata niy mana runa tukuyänanpaq y riquëzankunaman mana atiënikuyänanpaq. Riquëzakunaqa ushakaqlami kaykan. Riquëzankunaman atiënikuyänanpa trukan [imayyaqpis kawaq] Tayta Dioslaman yärakuyäsun. Paymi imaykatapis kamaripämansi kushish kawanansipaq.

Juan 17:3

Mana ushakaq kawayta tariqkunaqa qamtami reqiyäshunki. Saynölami noqatapis reqiyäman. Saynöpami tantiyakuyan japalayki Dios kashqaykita y noqata kachamashqaykita.

Mateo 26:63

Sayno tapuptinpis manami imatapis Jesús parlakurqansu. Saymi mas mandaq cüra nirqan: <>

Mateo 16:16

Saymi Simón Pedro nirqan: <>.

Habacuc 3:10

Rikayäshushpaykimi jirkakunapis mansariyashpan suksukyäyan. Waqya tamyapis pasaypami tamyamun. Lamarpis bunyaypa bunyarmi qaparan. Yakupis fiyupami pulchaqyan.

Joel 2:11

Say atacaqkunapa puntantami Tayta Dios aywanqa. Atacayänanpaq mandaptin maqakuynöraqmi wiyakanqa. Nishqanta ruraqkunaqa yupaytapis mana atipaypaqmi kayanqa. Paykunaqa tishyayparaqmi aywayanqa. Tayta Dios juzganan junaq pasaypa mansariypaqmi kanqa. Sayta manami pipis awantanqasu.

Daniel 7:14

Say Awkinmi payta churarqan lapanta mandananpaq, lapanpaq munayyuq kananpaq y lapanpita respitash kananpaq. Saymi may markapita karpis, maysay nacionpita karpis y ima idiömata parlarpis payta sirviyarqan. Pay mandaykashqanqa imayyaqpis mana ushakaqmi kanqa. Munayyuq kashqantaqa manami pipis qechunqasu ni pipis ushakäsinqasu.

Daniel 6:26

26 (27) Noqami kanan ordenä mandashqä lapan nacionkunacho Daniel adorashqan Diosta mansapakur adorayänaykipaq. Paymi imayyaqpis kawaq Tayta Dios kaykan. Mandaq kashqan manami imaypis ushakansu. Munayyuq kayninpis imaypis kaykanqami.

Daniel 4:34

34 (31) Qanchis wata päsarkuptinmi noqa Nabucodonosor ciëlupa nukirkur Tayta Diosta perdonta manakurqä. Saymi yapay juiciüman kutirkur imayyaqpis kawaq munayyuq Tayta Diosta alabarqä y agradëcikurqä. Mandaq kayninqa mana ushakaqmi kaykan. Mandaq kaynintaqa manami pipis qechunqasu.

Daniel 4:3

3 (3.33) ¡Pay rurashqanqa espantaypaqmi kaykan! ¡Milagru rurashqanpis kushikuypaqmi kaykan! ¡Paymi imayyaqpis mandaq kaykan! ¡Munayyuq kashqanqa imaypis manami ushakansu!

Jeremías 23:36

<

Isaías 37:17

Manakamushqäta wiyaykalämay, Tayta Dios. Imano kayashqätapis rikaykulay. Senaquerib kachamushqan capitán manakaqman churashushqaykita ama qonqaykulaysu.

Isaías 37:4

Tayta Dios wiyashqami kanqa Asiria nacionpa mandaqnin rey kachamushqan capitán paypa contran parlashqanta. Sayno parlashqanpita Tayta Dios castigaykuläsun. Say runa nishqanno mana ushakäsimänansipaq Tayta Diosta manakuykulay, taytay>>.

Salmo 68:11

11 (12) Tayta Dios kachaptinmi aska warmikuna wilakuyarqan:

Génesis 21:33

Beersebachömi Abraham plantarqan tamarisco jachata. Saychömi imayyaqpis kawaq Tayta Diosta manakur adorarqan.

1 Reyes 8:60

Sayno yanapämashqami maysay nacioncho taq runakuna musyayanqa Tayta Dios japalan lapanpaq munayyuq kashqanta y paypita mas juk dios mana kashqanta.

Salmo 29:10

Tayta Diosmi tamyatapis tamyasimun. Tayta Diosmi imayyaqpis rey kaykan.

Salmo 68:8

8 (9) Pasapis fiyupami suksukyarqan. Tamyapis palchachayparaqmi tamyamurqan. Tayta Dios saycho kaptinmi Sinaí jirkapis kuyurqan. Payqa Israel runakunata kuyaq Tayta Diosmi kaykan.

Salmo 90:2

Jirkakuna manaraq kaptinpis y kay pasa manaraq kaptinpis unaypita pasa imayyaqpis qamlami Dios kaykanki.

Isaías 40:15

Jutunölami lapan nacionkunapis Tayta Diospaqqa kaykäyan. Balanzacho polvunölami lapanpis kaykäyan. Islakunacho kaykaq nacionkunapis juk aptay aqushanölami kaykäyan.

Isaías 65:16

Say wisan pipis bendicionta qoq kaqqa noqapa jutïchömi bendicionta qonqa. Saynölami pipis juraq kaqqa noqapa jutïcho juranqa. Unay nakayashqankunatapis qonqaykuyanqanami. Jusalikuyashqanpita castigashqätapis mananami yarparäyanqanasu>>.

Jeremías 4:2

Sirviyämänaykipaq lapan shonquykiwan promitiyämaptikiqa maysay nacionkunapaqmi bendición kayankipaq. Saynöpami maysaychöpis runakuna alabayämanqa>>.

Jeremías 4:24

Jirkakunatapis suksukyaykaqtami rikashkä. Lömakunatapis sinigano suksuykaqtami rikayashkä.

Jeremías 50:46

Babilonia marka sayno ushakaptin maysaychömi pasapis kuyunqa. Fiyupa qaparäyashqanpis maysay nacionmanmi wiyakanqa>>.

Jeremías 51:29

Babilonia runakunataqa yarpashqannölami Tayta Dios castiganqa. Saymi kay pasapis fiyupa mansarishpan suksukyayta qalaykuykan. Babilonia nacionta sunyäsiypa ushakäsiptin mananami pipis saycho tanqanasu.

Josué 3:10

Shuntakaskiyaptinmi nirqan: <

1 Crónicas 29:11

Tayta Dios, qamlami lapanpaq munayyuq kaykanki. Qam japalaykita pïmaypis alabaykuläshunki. Lapan contraykikunatami vincinki. Lapanpitapis mas respitashqami kaykanki. Jana pasapis, kay pasapis y lapan imaykapis qampami kaykan. Qampa makikichömi imaykapis kaykan. Lapanpitapis mas munayyuq kaptikimi qamta alabayä.

Salmo 9:8

8 (9) Lapan runakunatami imanöpis kawayashqanman tupu juzganqa. Lapan naciontami mana jananpaylapa juzganqa.

Salmo 74:12

Tayta Dios, unaypita pasami mandamaqnï rey kaykanki. Kay markacho aska kutimi chikimaqnïkunata vincishkanki.

Salmo 76:8

8 (9) Jusalikuqkunata castiganaykipaq kashqanta jana pasapita pasami musyaykäsinki. Kay pasacho lapan runakunapis mansarirmi upälakuyan.

Salmo 100:3

Tantiyakuyay Tayta Dios japalan Dios kashqanta. Paymi kamamashkansi. Noqansiqa kuyashqan runakunami kaykansi. Majädancho kaykaq uyshanmi kaykansi.

Isaías 40:28

Tayta Diosqa imayyaqpis kawaqmi kaykan. ¿Manaku sayta musyayanki? ¿Manaku sayta wiyayashkanki? Paymi intëru kay pasata kamarqan. Pay manami aywapakansu ni utikansu. Pay yarpashqanqa mana atipaypaqmi.

Daniel 6:27

27 (28) Paymi rikamansi y ima peligrupitapis sapämansi. Paymi jana pasacho espantaypaq kaqkunata rikakäsimun. Kay pasachöpis milagrukunatami ruran. Paymi leonkunapitapis Danielta sapash>>.

Nahum 1:5

Pay shamuptinqa lömakunapis mansariyashpan suksukyäyanmi. Jirkakunapis sulur ushakäyanmi. Kay pasapis y kay pasacho kaqkunapis lapanmi mansariyashpan suksukyäyan.