Génesis 9:21 - Tayta Diospa Wilakuynin

²¹ Saypitanami üva poquskiptin vïnuta upur Noé shinkarqan. Shinkarkurnami qarapächula toldun rurincho jitaraykarqan.

Génesis 9:21 Referans Kwoze

Proverbios 20:1

Vïnuta upyakurkurqa wajukunmi. Shinkash runaqa pelyatami ashin. Say runaqa mana tantiyakuq karmi lutanta ruran.

Tito 2:2

Awkinkunata yachasinki lutanta imatapis mana rurayänanpaq, alilata rurar pïmaypitapis respitash kayänanpaq y shumaq yarpachakuskir imatapis rurayänanpaq. Saynöpis yachasinki Tayta Diosman lapan shonqunwan yärakuyänanpaq, kuyapäkuq kayänanpaq y imachöpis pacienciakuq kayänanpaq.

Gálatas 5:21

envidiösu kayan, [runa mayinta wanusiyan,] upyalaman churakäyan, shinkakurkur lutankunata rurayan y mastami saynöla jusalikuyan. Nawpata nishqänölami kananpis albirtï: Sayno kawaqkunaqa Tayta Dios mandaykashqanman manami chäyanqasu.

1 Corintios 10:12

Sayno kaykaptinqa mana jusalikuq kayashqaykita yarpaykäyashqaykicho cuidädu jusalikuyankiman.

Romanos 13:13

Aksichöno kawaykarqa mana jusalikuypana kawashun. Wakin runakuna shuntakaykur mikur upyar kakuyaptinpis noqansiqa ama sayno kashunsu. Saynöpis majansita ama jarukushunsu ni majaynaq karpis jukwan jukwan kakushunsu. Ama qayapänakushunsu ni chikinakushunsu.

Eclesiastés 7:20

Kay pasachöqa manami pipis kansu alilata ruraq y imaypis mana jusalikuqqa.

Génesis 6:9

Kaychömi qelqaraykan Noé imano kawashqanpis. Runakuna jusalikur kawayaptinpis Noéqa Tayta Diosman yärakur pay munashqannömi kawarqan.

Apocalípsis 3:18

Rasunpaypa rïcu kayta munarqa ninawan sulusish qori püruta noqapita rantiyay. Qarapächu kayta mana munarqa yuraq mödanata noqapita rantiyay. Qapra kayta mana munarqa noqapita jampita rantiyay. Saynöpami rïcu, ali mödanash y ali rikaq kayanki.

Génesis 9:20

Purun chakrata kichaskirmi üvata Noé plantarqan.