Génesis 8:4 - Tayta Diospa Wilakuynin

⁴ arca takyarqan Araratcho kaykaq juk jirkacho. Say karqan qanchis kaq killa chunka qanchis junaqmi.

Génesis 8:4 Referans Kwoze

Jeremías 51:27

¡Babiloniaman pelyaq aywayänanpaq maysaychöpis bandërata jawiyäsun! ¡Intëru nacioncho cornëtata tukayäsun! ¡Pelyayänanpaq lapan runakuna kamarikuyäsun! ¡Ararat, Mini y Askenaz nacionkunapis pelyaq aywayäsun! ¡Pelyacho mandananpaq capitanta churayäsun! ¡Muntädu aywaqkunapis aska chukluskunanöraq aywayäsun!

Isaías 37:38

Juk junaq diosnin Nisrocpa templuncho Senaquerib adoraykaptinmi surinkuna Adramelecwan Sarezer yaykuykur espädankunawan wanuskasiyarqan. Nirkurnami qeshpir Ararat partiman aywakuyarqan. Senaqueribpa trukannami surin Esar-hadónna rey kayman yaykurqan.

2 Reyes 19:37

Juk junaq diosnin Nisrocpa templuncho Senaquerib adoraykaptinmi surinkuna Adramelecwan Sarezer yaykuykur espädankunawan wanuskasiyarqan. Nirkurnami qeshpir Ararat partiman aywakuyarqan. Senaqueribpa trukannami surin Esar-hadónna rey kayman yaykurqan.

Génesis 7:20

Say jirkakunata saparkurpis qanchis metru mastaraqmi päsarqan.

Génesis 8:5

Saypita yaku waranlanta waranlanta walkaptinmi chunka kaq killa qalaykunan junaq jirka puntakuna rikakäyarqanna.