Génesis 7:21 - Tayta Diospa Wilakuynin

²¹ Saychömi lapan runakunapis, pajaqkunapis, ashmana kaq y mana ashmana kaq uywakunapis y pachalanpa, lätaypa puriqkunapis shenqaypa wanuyarqan.

Génesis 7:21 Referans Kwoze

Génesis 6:13

<

Génesis 7:4

Kananpita qanchis junaqtami chusku chunka (40) junaq chusku chunka paqas mana salpiypa tamyasimushaq. Say tamyawanmi kay pasacho lapan kawaq kaqta ushakäsishaq>>.

Génesis 6:17

<

Romanos 8:20

Shuyaräyashqanyaqqa pay kamashqankuna maldicionädumi kaykäyan. Manami kikinpitasu maldicionash kaykäyan, sinöqa Tayta Dios maldicionashqanpitami. Kanan maldicionädu kaptinpis

2 Pedro 2:5

Noé kawashqan wisanpis jusasapa runakunata manami perdonarqansu. Say runakunaqa Tayta Dios munashqanno kawayänanpaq Noé wilapaptinpis manami chaskikuyarqansu. Saymi Tayta Dios diluviuwan ushakäsirqan. Sayno ushakäsirpis Noéta y qanchis runakunalatami salvarqan.

Romanos 8:22

Sayyaqmi Tayta Dios lapan kamashqankunapis warmi wachayta nakar lakikushqanno lakikuykäyan.

Lucas 17:27

Arcaman Noé yaykushqan junaqyaqmi runakuna mikur, upyar y majasakar kaykäyarqan. Sayno kaykäyaptinmi diluviu shamur lapan runakunata ushakäsirqan.

Mateo 24:39

Sayno kaykäyaptinmi diluviu elaqpita shamuptin lapanpis shenqaypa wanur ushakäyarqan. Saynölami mana musyayashqan höra Runapa Surinpis elaqpita shamunqa.

Sofonías 1:3

Runakunatapis uywakunatapis lapantami ushakäsishaq. Pishqukunatapis lamarcho pescädukunatapis lapantami ushakäsishaq. Mana cäsukamaq runakunatapis chipyaqmi ushakäsishaq. Kay pasacho lapan runakunatami ushakäsishaq>>. Tayta Diosmi sayno nin.

Joel 2:3

Imatapis tarishqan kaqta nina ushaqnömi lapantapis ushayanqa. Atacayänanpaq manaraq chämuptin Edén huertanömi lapanpis kuyaylapaq kanqa. Päsaskiyaptinmi isanqa sunyaykar rikakunqa. Manami imapis say soldädukunapita qeshpinqasu.

Oseas 4:3

Sayno kayaptikimi Israelcho taqkuna fiyupa lakikuywan ima ruraytapis kamäpakuyansu. Jirka uywakunapis, pishqukunapis y pescädukunapis wanurmi ushakaykäyan>>.

Isaías 24:19

Kay pasa fiyupa mansariypaqmi suksukyanqa. Saymi maysaychöpis rachir ushakanqa.

Isaías 24:6

Sayno kayaptinmi kay pasata Tayta Dios maldicionar ushakäsinqa. Kay pasacho taqkunapis nakayanqami. Walkaqlanami kawaykar quëdayanqa.

Génesis 1:25

Saynöpami Tayta Dios kamarqan tukuy niraq ashmana kaq y mana ashmana kaq uywakunata y pachalanpa y lätaypa puriqkunatapis. Sayno kamarkurmi Tayta Dios rikarqan ali kashqanta.

Job 34:15

lapansimi elaqpita wanur alpaman tikrashun.