Génesis 7:11 - Tayta Diospa Wilakuynin

¹¹ Say karqan mushuq wata qalaykushqanpita juk killa ushaskir chunka qanchis junaqmi. Say wisan Noé kaykarqan soqta pachak (600) watayuqmi. Pasa rurinpitami yaku aska pashtamurqan. Saynölami ciëlucho yakuta saparaykaq punkupis kichakämurqan.

Génesis 7:11 Referans Kwoze

Génesis 8:2

Saymi pasa rurincho kaq lamarpita pashtamuq yaku chawarqanna. Ciëlupita yaku yarqamunanpaq kicharaykaq punkupis wichqakäkurqanna.

Malaquías 3:10

<

Jeremías 51:16

Pay mandaptinmi ciëlucho kaykaq yakupis qaparämun, pukutaypis pasapa kuchunpita sharkamun, tamyashqan höra elquypis asikyämun y wayrapis churaräkunanpita yarqaramun.

Jeremías 5:22

Noqa Tayta Diosmi nï: Lamar yaku kuchunpita masta mana püsananpaqmi aqushata churapashkä. Saymi wayrawan mayjina pulchaqyarpis püsansu. Lamarpis cäsukaykämaptinqa ¿imanirtaq qamkunaqa cäsukayämankisu? Castigakuq kashqäta musyaykarqa ¿imanirtaq mansapakamashpayki nawpächo suksukyäyankisu?

2 Reyes 7:19

Saysika mikuy kananpaq niptinmi wanuq capitán nish karqan: <> Sayno niptinmi Eliseo nirqan: <>.

Ezequiel 26:19

<

Salmo 33:7

Lamartapis juk pasalamanmi shuntaskirqan. Wanwanyaykaq uchkukunamanmi winarqan.

2 Reyes 7:2

Sayno niptinmi reyta yanapaq runa profëta Eliseuta nirqan: <> Sayno niptinmi Eliseo nirqan: <>.

Génesis 1:7

Nishqannölami azulyaraykämuqta kamarqan. Saynöpami wakin kaq yaku quëdarqan kay pasacho y wakin kaqnami azulyaraykämuqpa janancho. Nishqannölami lapanpis karqan.

Mateo 24:38

Diluviu manaraq kaptin arcaman Noé yaykushqan junaqyaqmi runakuna mikur, upyar y majasakar kaykäyarqan.

Isaías 24:19

Kay pasa fiyupa mansariypaqmi suksukyanqa. Saymi maysaychöpis rachir ushakanqa.

Salmo 74:15

Mayu kananpaqmi yakutapis pashtasimurqayki. Mana sakiq mayukunatapis sakisirqaykimi.

Génesis 6:17

<

Job 28:4

Say mïnakunataqa jäkuq jirkakunachömi kichan. Pipis mana yaykushqanmanmi waskakunawan shawakaypa yaykun.

1 Tesalonicenses 5:3

Imapis mana päsananpaq kashqanta runakuna niyaptinpis warmita qeshyakuy nanay elaqpita sarishqannömi Tayta Diospa castïgun elaqpita chämunqa. Say castïgupita manami pipis qeshpinqasu.

2 Pedro 3:6

Saypitanami kay pasata diluviuwan ushakäsirqan.

Génesis 7:6

Diluviu kanan wisan Noé kaykarqan soqta pachak (600) watayuqmi.

Job 12:15

Pay mana tamyasimuptinqa lapan qewami sakikäkuyan. Fiyupa tamyasimuptinqa juchupis aywanmi.

Job 38:16

<<¿Lamar rurinman qam yaykushkankiku? ¿Rikashkankiku lamar yaku maypita pashtaykämushqantapis?

Proverbios 3:20

Yachayninwanmi qochakuna y mayukuna kananpaq yakutapis pashtasimurqan. Saynölami tamyamunanpaq pukutaytapis kamarqan.

Isaías 24:18

Löcu tamyami fiyupa tamyamunqa. Kay pasata tuknarämuqkunapis pasaypami suksukyäyanqa. Mansariypaq kaptinmi qeshpiq kaqqa uchkuman jeqanqa. Uchkupita yarquq kaqnami toqlaman ishkinqa.

Génesis 8:14

Ishkay kaq killacho ishkay chunka qanchis (27) junaq kaykaptinmi pasa sakishna kaykarqan.

Job 38:37

¿Pitaq shumaq tantiyakuq kaykan pukutayta yupananpaq? ¿Pitaq tamyata tamyasimun?