Génesis 42:9 - Tayta Diospa Wilakuynin

⁹ Say hörami José yarparkurqan paykunapaq imano sueñushqantapis. Saymi nirqan: <>.

Génesis 42:9 Referans Kwoze

Éxodo 32:35

Nishqannölami Israel runakunata Tayta Dios fiyu qeshyawan castigarqan. Sayno castigarqan Aarón rurapashqan turïtuta adorayashqanpitami.

Hebreos 11:31

Prostitüta warmi Rahabpis Tayta Diosman yärakurmi rikapakuq Israel runakunata kushish chaskikurqan. Saynöpami mana cäsukuq runakuna ushakäyaptinpis payqa ushakarqansu.

Lucas 20:20

Saymi gobernadorman prësu apasiyänan kash Jesús kaqman runakunata kachayarqan ali shimilanpa parlapar lutanta parlasiyänanpaq.

1 Samuel 26:4

runakunata David kacharqan chäyashqanta o mana chäyashqantapis musyapakayämunanpaq.

Jueces 1:24

Rikapakuqkuna chaykurmi say markapita yarqaykämuq juk runawan tinkuskir niyarqan: <>.

Josué 6:23

Sayno niptinmi Rahabpa wayinman aywar jorqayämurqan kikinta, mamanta, taytanta, turinkunata y say wayicho lapan castankunatapis. Nirkurnami Israel runakunapa campamentunpita jukläman pushayarqan.

Josué 2:1

Sitimpita ishkay runakunata rikapakamuq Jordán mayu wak simpanman Josué kacharmi nirqan: <>. Sayno niptin aywarmi Rahab warmipa wayinman chaykur saylacho posädakuyarqan. Rahabqa prostitüta warmimi karqan.

Números 13:2

<>.

Génesis 42:34

Shulka wawqikita chäsiyämuptikiraqmi musyashaq rikapakuq mana kayashqaykita. Sayraqmi wawqikita prësu sararashqäpita kachapäshayki. Saynöpami kay nacionman kutiyämuptiki pipis imatapis niyäshunkisu> >>.

Génesis 42:16

Wakinniki kaycho prësu quëdayashqaykiyaq mayqaykipis nunush wawqikita pushamuq kutiyay. Mana chäsimurqa rasunpaypami marka rikapakuq kaykäyanki>. Sayno kananpaq noqa nï Faraónpa jutincho jurashpämi>>.

2 Samuel 10:3

soldädunkunapa capitanninkuna Hanúnta niyarqan: <<¿Criyinkiku taytayki wanushqanpita shakyäsiyäshunaykipaq runakunata David kachamushqanta? ¿Manasuraq niq tumpala markansita rikapakunanpaq kachamush kutiykamur ushakäsimänansipaq?>>

Génesis 37:11

Sayno wilapaptin wawqinkuna masraqmi chikiyarqan. Papänin yarpachakurmi nirqan: <<¿Imapaqraq surï sayno sueñuykush?>>