Génesis 24:53 - Tayta Diospa Wilakuynin

⁵³ Nirkurnami Rebecata qararqan qoripita qellaypita rurash alhäjakunata y fïnu mödanakunatapis. Saynölami turintapis mamantapis qararqan.

Génesis 24:53 Referans Kwoze

Génesis 24:22

Camëllunkuna yakuta upuskiyaptinnami jipashpa senqanman qori sortïjata churaparqan. Say sortïja lasarqan soqta grämunömi. Saynölami qoripita rurash ishkay brasilëtata makinmanpis jatiparqan. Saykuna pachak (100) grämupita masmi lasarqan.

Génesis 24:10

Saypitanami alinnin kaq qaraykunata apananpaq kamarikurqan. Say qaraykunata chunka camëllukunawan chaqnakurkurmi Abrahampa wawqin Nacor tashqan markaman aywarqan. Say karqan Mesopotamiachömi.

Éxodo 12:35

Moisés nishqannölami Egipto runakunata manakuyarqan qoripita y qellaypita kaqtaqa imaykatapis. Saynölami manakuyarqan mödanakunatapis.

Éxodo 11:2

Kanan Israel runakunata olqutapis warmitapis yäsiy qellaypita y qoripita rurash alhäjakunata Egipto runakunata cada ünun manakuyänanpaq>>.

Éxodo 3:22

Saymi warmikunapis vecïnankunata y vecïnancho taq warmi mayinkunata manakuyanqa imatapis qellaypita kaqta o qoripita kaqkunata qarayänanpaq. Saynölami wawankunata jatipäyänanpaq mödanakunatapis manakuyanqa. Saynöpami Egipto runakunapa imaykantapis apakuyanki>>.

Isaías 39:2

Kachakuna chäyaptinmi Ezequías kushish chaskikurqan. Paykunatami rikasirqan qellayninkunata, qorinkunata, chanin cuestaq perfüminkunata, olïvuspita rurash aceitinkunata, armankunata y churakunan wayikunacho lapan imaykankunatapis. Palaciuncho kaqta y mandashqan nacioncho kaqtaqa lapantami rikasirqan.

Cantares 4:13

Cuerpuykiqa granäda frütayuq huertami kaykan. Say huertachömi kaykan tukuyläya mishkiq frütakuna, alheña waytakuna y nardo waytakuna.

Esdras 1:6

Aywayaptinmi lapan vecïnunkuna yanapäyarqan qellaywan, qoriwan, mikuykunawan, uywakunawan, chanin kuyaylapaq kaqkunawan y ofrendakunawanpis.

2 Crónicas 21:3

Say surinkunatami papänin rakiparqan qorita, qellayta y imatapis chanin cuestaqkunata. Saynöpis paykunata churarqan Judá nacioncho corralash markakunacho autoridäkuna kayänanpaqmi. Joramtami isanqa qechpa kaptin rey kananpaq papänin churarqan.

Cantares 1:10

Zarcïlluykita jatikurkuptikiqa qaqlaykipis kuyaylapaqmi. Perlasyuq walqaykita walqakurkuptikiqa kunkaykipis kuyaylapaqmi.