Génesis 24:10 - Tayta Diospa Wilakuynin

¹⁰ Saypitanami alinnin kaq qaraykunata apananpaq kamarikurqan. Say qaraykunata chunka camëllukunawan chaqnakurkurmi Abrahampa wawqin Nacor tashqan markaman aywarqan. Say karqan Mesopotamiachömi.

Génesis 24:10 Referans Kwoze

Deuteronomio 23:4

4 (5) Amonita runakuna y moabita runakunaqa Egiptupita yarqakamur nacionninpa päsamush manami yakuta ni mikuytapis qaramarqansisu. Saypa trukanqa maldicionamänansipaq Mesopotamiacho kaykaq Petor markapita Beorpa surin Balaamtami qayasiyämurqan.

Génesis 11:31

Ur markacho taykashqanpitami Canaánmanna Taré aywakurqan. Ur markaqa caldeo runakuna täyashqan markami karqan. Canaánman aywakurmi pusharqan surin Abramta, wilkan Lotta y lumsuynin Saraitapis. Aywaykäyashqancho Harán markaman chäyashpanmi saylachöna täyarqan.

Hechos 2:9

Kaychöqa maysaypitami kaykansi: Partiapita, Mediapita, Elampita, Mesopotamiapita, Judeapita, Capadociapita, Pontupita, Asiapita,

1 Crónicas 19:6

Davidta rabyanäsishqanta tantiyaykurmi guërra carrëtakunata y cawallu loqaraqkunata minkakuyänanpaq amonita runakuna kimsa chunka kimsa waranqa (33,000) kïlu qellayta apasiyarqan Aram-naharaimman, Aram-maacaman y Sobaman.

Génesis 29:1

Sayno aywarmi Jacob charqan inti jeqamunan kaqlächo taq runakuna kayashqanman.

Génesis 27:43

Hïju, yäsishqäta shumaq wiyamay. Haráncho turï Labán kaqman jukla qeshpikuy.

Génesis 24:2

Abrahampami yärakushqan ashmaynin karqan lapan ashmayninpitapis mas awkin. Say ashmaynin lapan imaykantapis rikaq kaptinmi qayaykasir Abraham nirqan: <

Génesis 11:29

Abrampa warminmi karqan Sarai. Nacorpa warminnami karqan Haránpa surin Milca. Milcapa nananmi karqan Isca.

Génesis 11:32

Harán markacho taykarmi Taré wanurqan ishkay pachak pisqa (205) watayuq kaykar.

Génesis 24:22

Camëllunkuna yakuta upuskiyaptinnami jipashpa senqanman qori sortïjata churaparqan. Say sortïja lasarqan soqta grämunömi. Saynölami qoripita rurash ishkay brasilëtata makinmanpis jatiparqan. Saykuna pachak (100) grämupita masmi lasarqan.

Génesis 24:53

Nirkurnami Rebecata qararqan qoripita qellaypita rurash alhäjakunata y fïnu mödanakunatapis. Saynölami turintapis mamantapis qararqan.

Génesis 29:2

Say jirkachömi pözuta rikarqan. Say pözupa lädunchömi kimsa majäda uyshakuna y cabrakuna kaykäyarqan. Lapan uywakunapis say pözupitaraqmi yakuta upuyaq. Say pözutaqa jatunkaray läja rumimi saparaykarqan.

Génesis 11:26

Taré qanchis chunka (70) watayuq kaykar kimsa suriyuqnami karqan. Paykunapa jutinmi karqan Abram, Nacor y Harán.

Génesis 22:20

Saypitanami Abrahamta wilayarqan wawqin Nacorpa surinkuna warmin Milcacho kayashqanta.