Génesis 23:2 - Tayta Diospa Wilakuynin

² Quiriat-Arbacho kaykarmi Sara wanurqan. Quiriat-Arbapa jukaq jutinmi kaykan Hebrón. Say kaykan Canaánchömi. Sara wanuykuptinmi Abraham fiyupa waqashpan lüturqan.

Génesis 23:2 Referans Kwoze

Génesis 23:19

Sayno rantirkurnami Abraham pamparqan warmin Sarata Macpelacho machayman. Say chakra kaykan Mamripa chakranpita inti jeqamunanläpami. Say partipa jukaq jutinmi kaykan Hebrón. Say kaykan Canaánchömi.

Génesis 13:18

Tayta Dios sayno niptinmi lapan imaykankunatapis apakurkur Hebrón marka cercanman Abram aywakurqan. Saychömi karqan aska encina jachakuna. Say jachakuna karqan Mamre runapami. Saycho tarnami altarta Abram perqarqan Tayta Diosta adorar manakunanpaq.

1 Crónicas 6:57

57 (42) Saymi Coat ayllu Aarónpita miraq runakuna chaskiyashqan markakuna kayarqan Hebrón (Hebrónqa amparakuna markami karqan), Libna, Jatir, Estemoa,

Jueces 1:10

Nirkurnami Hebrón markacho taq cananeo runakunawan pelyaq aywayarqan. Say markapa unay jutinmi karqan Quiriat-arba. Saychömi wanusiyarqan Sesai runakunata, Ahimán runakunata y Talmai runakunata.

Hechos 8:2

Estebanpa ayantami Tayta Dios munashqanno kawaqkuna fiyupa lakikuyashpan pampayarqan.

Juan 11:35

Saymi Jesúspis waqarqan.

Juan 11:31

Wayipita María jukla yarquqta rikayashpanmi saycho kaykaq runakuna qepanta aywayarqan: <> nir.

Jeremías 22:18

Saymi Judá nacionpa mandaqnin rey Josíaspa surin Joacimpaq Tayta Dios nin: < nir.

Jeremías 22:10

Judá runakuna, rey Josías wanushqanpita ama waqayaysu. Saypa trukanqa surin Salumpaq waqayay. Paytami prësu apakuyash imaypis manana kutimunanpaq. Yurishqan markatapis manami rikanqanasu.

2 Crónicas 35:25

Josías wanuykuptinmi Jeremías juk cantata yarpayninpita jamutarqan pampay höra cantayänanpaq. Kananyaqpis warmipis olqupis say cantata cantarmi Josías wanushqanta yarpäyan. Paykuna cantayashqankuna qelqaraykäyan pampapakuy cantakuna libruchömi.

2 Samuel 5:5

Judá runakunapa mandaqnin rey karmi Hebróncho tarqan qanchis wata soqta killa. Saypitanami Israel y Judá runakunapa mandaqnin rey kar Jerusaléncho tarqan kimsa chunka kimsa (33) wata.

2 Samuel 5:3

Sayno niyaptinmi Tayta Diospa nawpancho Israel mayor runakunawan pactuta David rurarqan. Saychömi umanman aceitita winayarqan mandaqnin rey kananpaq.

2 Samuel 2:11

Hebrón markapita pasami Davidqa Judá runakunata qanchis wata soqta killa mandarqan.

2 Samuel 1:17

Saypitanami Saúl y surin Jonatán wanuyashqanpita lakikushpan David qelqarqan juk cantata.

2 Samuel 1:12

Saynölami selläma waqayashpan say junaq imatapis mikuyarqansu. Sayno waqayarqan Saúlpis y surin Jonatánpis wanuyashqanpita y Israel runakunatapis filisteo runakuna vinciyashqanpitami.

1 Samuel 28:3

Say wisanqa Samuel wanukushnami karqan. Israel runakuna lütuykurmi markan Ramácho pampaykuyarqan. Saynöpis wanushkunapa almanwan parlaqkunatapis brüjukunatapis Israel nacionpita rey Saúl qarqushqami karqan.

1 Samuel 20:31

David kawashqanyaqqa manami imaypis rey kankisu. ¡Jukla maypitapis chäsimuy supaynin apasinäpaq!>>

Josué 20:7

Tayta Dios Sayno niptinmi amparakuyänanpaq kaq markakunata Israel runakuna akrayarqan Cedesta, Siquemta y Quiriat-arbata. Cedesqa Neftalí trïbu runakuna täyashqan jalqakunacho kaykaq Galileachömi kaykan. Siquemqa Efraín jalqakunachömi kaykan. Quiriat-arbaqa Judá trïbu runakuna täyashqan jalqakunachömi kaykan. Quiriat-arbapa jukaq jutinmi kaykan Hebrón.

Josué 10:39

Saychöpis Hebróncho y Libnacho wanusir ushayashqannölami Debir markapa mandaqnin reyta, saycho taq runakunata y caseriunkunacho taq runakunatapis lapanta espädawan wanusir ushayarqan.

Deuteronomio 34:8

Wanushqanta musyaykurmi Israel runakuna juk killa intëru Moab pampacho lütuyarqan.

Números 20:29

Aarón wanushqanta musyaykurmi juk killa Israel runakuna lütuyarqan.

Números 13:22

Neguevpa päsarmi Hebrón markaman chäyarqan. Saychömi taykäyarqan Anacpita miraq Ahimán runakuna, Sesai runakuna y Talmai runakunapis. Hebrón markata sharkasiyashqanpita qanchis watataraqmi Egiptucho Zoán markata sharkasiyarqan.

Génesis 50:10

Jordán mayu simpan Goren-ha-atad pampaman chaykurmi lakikur waqayarqan. Saychömi Josépis taytanta lütur qanchis junaq waqar qoyarqan.

Génesis 27:41

Papänin bendicionta qoshqan junaqpita pasami Esaú fiyupa Jacobta chikirqan. Saymi kayno yarparqan: <>.

Génesis 23:1

Pachak ishkay chunka qanchis (127) watayuq kashqanyaqmi Sara kawarqan.

Génesis 24:67

Saypitanami Rebecata Isaac pusharqan maman manaraq wanur tashqan toldu wayiman. Saychönami Rebecawan majasakashpan täyarqan. Rebecata seqaypami Isaac kuyarqan. Paywan tarnami maman wanushqanpitapis lakikurqannasu.

Génesis 35:27

Saypitanami Jacob aywarqan Mamre partiman taytan Isaacta watukashpan. Mamre karqan Quiriat-Arba cercanchömi. Quiriat-Arbapa jukaq jutin kaykan Hebrónmi. Saychömi Abrahampis unay tarqan.

Génesis 37:14

Saymi papänin nirqan: <>. Sayno nirmi Hebrón pampapita Joséta Israel kacharqan Siquem jirkakunapa.

Josué 15:13

Tayta Dios nishqannölami Jefonipa surin Calebta Josué posisionta aypurqan Judá trïbu runakunapa posisionnincho. Saynöpami Caleb chaskirqan Quiriat-arbata. Say markata sharkasiq Arba jutiyuq runapitami anaceo runakuna mirayarqan. Quiriat-arbapa jukaq jutinmi Hebrón kaykan.

Josué 15:54

Humta, Quiriat-arba (Quiriat-arbapa jukaq jutinmi karqan Hebrón) y Sior. Say markakuna esqunmi caseriunkunawan karqan.

Josué 21:11

Saymi paykunata rakipäyarqan Judá trïbu runakuna täyashqan jalqakunacho kaq Quiriat-arbata y nawpancho kaykaq jalqakunata uywankunata misikuyänanpaq. Quiriat-arbapa jukaq jutinqa Hebrónmi kaykan. Quiriat-arbachömi anaceo runakuna täyarqan.

Nehemías 11:25

Wakin kaq Judá trïbu runakuna täyarqan Quiriat-arba particho y caseriunkunacho, Dibón particho y caseriunkunacho y Jecabseel particho y caseriunkunacho.

Génesis 50:1

Papänin päsarpuptinmi José marqakurkur waqashpan musarqan.

1 Samuel 25:1

Samuel wanuykuptinnami lapan Israel runakuna shuntakaykur waqayashpan tashqan Ramá markancho pampayarqan. Saypitanami David aywakurqan Parán niyashqan sunyaq jirkaman.