Génesis 14:5 - Tayta Diospa Wilakuynin

⁵ Saymi juknin watachöna Quedorlaomer yanapaqnin reykunawan y soldädunkunawan aywayarqan Astarot Karnaimman. Saychönami refaíta runakunawan pelyayashpan paykunata asulayarqan. Saynölami Ham markapa aywar zuzita runakunatapis ushakäsiyarqan. Saypita Save-Quiriataimpa aywar emita runakunatapis asulayarqan.

Génesis 14:5 Referans Kwoze

Deuteronomio 3:11

Basán nacionpa mandaqnin rey Ogqa jatunkaray refaíta runami karqan. Payta wanurasish manami mas refaíta runakuna kayarqannasu. Paypa catrinpis fiërrupitami karqan. Catrinpa larguyninpis chusku metrumi karqan. Anchuyninnami ishkay metruno karqan. Amonita runakuna taykäyashqan Rabá markachömi kananyaqpis catrin kaykanraq.

Deuteronomio 1:4

Say wisanqa amorreo runakunapa mandaqnin rey Sehónta Israel runakuna maynami vincish kayarqan. Sehónqa Hesbón markachömi tarqan. Saynöpis Israel runakuna Basán nacioncho taq runakunapa mandaqnin rey Ogta maynami vincish kayarqan. Ogqa Astarot y Edrei markakunachömi tarqan.

Génesis 15:20

heteo runakuna, ferezeo runakuna, refaíta runakuna,

Deuteronomio 3:22

Tayta Diosninsimi qamkunapa favorniki pelyanqa. Sayno kaykaptinqa ama mansariyaysu>.

Jeremías 48:23

Quiriataim, Bet-gamul, Bet-meón,

Jeremías 48:1

Kaychömi qelqaraykan Moab nación runakunapaq Tayta Dios nishqan. Israel runakunata kuyaq y lapanta mandaq Tayta Diosmi nin: <<¡Nebo marka lakikuypaqmi kanqa! Say markata pasaypami ushakäsiyanqa. Quiriataim markatapis vinciptin penqaychömi kanqa. Ali sigurash kaptinpis chipyaqmi juchusir ushayanqa.

Isaías 17:5

Refaim pampacho trïguta achuriptin raströjulana quëdashqannömi rikakunqa.

Salmo 106:22

Sayno qonqäyäshurqayki mana criyiypaq kaqkunata Egiptucho ruraykaptikipis. Saynöpis qonqäyäshurqayki Puka Lamarcho admiraypaq kaqkunata ruraykaptikipis.

Salmo 105:27

Paykunami Tayta Diospa munayninwan Cam particho espantaypaq kaqkunata rurayarqan.

Salmo 105:23

Saypitanami Israel runakuna Egiptuman aywakuyarqan. Saynöpami Cam particho surinkunawan Jacob tarqan.

Salmo 78:51

Saymi Egiptucho lapanpa qechpa olqu surinkunata ushakäsirqan.

1 Crónicas 14:9

Manaraq chaptinmi filisteo runakuna Refaim pampaman chaykur saycho taqkunata atacar qalaykuyarqan.

1 Crónicas 11:15

Juk kutichömi filisteo runakuna campamentunta ruraykur Refaim pampacho kaykäyarqan. Davidnami Adulam machaycho pakaraykarqan. Saymanmi Kimsa Chunka niyashqan soldädukunapita kimsa mas ali chölunnin kaq soldädunkuna aywayarqan paywan tinkuyänanpaq.

1 Crónicas 4:40

Saychömi uywankunapaq saysika ali qewata tariyarqan. Say partiqa tranquïlumi karqan. Sayman chäyashqan wisanmi saycho täyarqan Cam ayllu runakuna.

2 Samuel 23:13

Saynölami Davidpa wakin alinnin kaq soldädunkunapis kayarqan. Say soldädukunatami reqiyarqan Kimsa Chunka jutiwan. Davidpa kimsa ali chölunnin kaq soldädunkunapis Kimsa Chunka kaqchömi kayarqan. Juk kutichömi cosëcha wisan Adulam machaycho David pakaraykarqan. Filisteo runakunanami campamentunta ruraykur Refaim pampacho kaykäyarqan. Adulam machaymanmi Davidpa kimsa mas ali chölunnin kaq soldädunkuna aywayarqan paywan tinkuyänanpaq.

2 Samuel 5:22

Saypitanami filisteo runakuna yapay Davidta atacayänanpaq Refaim pampaman kutiyarqan.

2 Samuel 5:18

Filisteo runakuna chaykurmi campamentunta sharkasiyarqan Refaim pampacho.

Josué 13:31

Saynöpis posisionnin karqan pulan Galaad y Basán nacionpa mandaqnin rey Og tashqan Astarotwan Edrei markakunami. Saykuna kayarqan pulan Manasés trïbu runakuna ayllunpa ayllunpa chaskiyashqan posisionmi. Say runakuna kayarqan Manaséspa surin Maquirpita miraq runakunami.

Josué 13:19

Quiriataim, Sibma, Zaret-sahar (Zaret-saharqa pampacho kaykaq lömachömi kaykan),

Josué 13:12

Saynöpis posisionnin karqan Basán partipa rey Og mandashqankunapis. Og tarqan Astarotcho y Edreichömi. Paylanami refaíta runa kaykarqan. Og mandashqan runakunata wanurkasirmi markankunata Moisés qechurqan.

Josué 12:4

Jukaq wanusishqan reynami karqan Basán partipa mandaqnin rey Og. Paylanami refaíta runaqa kaykarqan. Og tarqan Astarotcho y Edreichömi.

Deuteronomio 3:20

Markaykikunaman ama kutiyämunkiraqsu Israel mayikikunata Jordán mayu simpancho posisionninkunata Tayta Diosninsi manaraq qoptinqa. Posisionnikikunata Tayta Dios qoyäshushqaykino paykunatapis qoptinraq kutiyämunki>.

Génesis 14:4

Say reykunataqa rey Quedorlaomer chunka ishkay watami munaynincho sarararqan. Saypita juk wata päsarkuptinnami pisqan reykuna wilanakur Quedorlaomerpa contran sharkuyarqan.

Números 32:37

Rubén trïbu runakunanami kikinkunapaq alsayarqan Hesbón markata, Eleale markata, Quiriataim markata,

Deuteronomio 3:13

<

Josué 9:10

Saynöpis musyayashkämi Jordán mayu wak simpancho taq amorreo runakunapa ishkay mandaqnin reykunata imano ushakäsishqantapis. (Paykuna kayarqan Hesbón markapa mandaqnin rey Sehón y Basán partipa mandaqnin rey Og. Astarotchömi rey Og tarqan.)