Génesis 1:11 - Tayta Diospa Wilakuynin

¹¹ Nirkurnami nirqan: <>. Nishqannölami lapanpis karqan.

Génesis 1:11 Referans Kwoze

Hebreos 6:7

Tamyawan ushmash chakraman murupakuyaptinqa alimi wayun. Say chakraqa Tayta Diospa bendicionnintami chaskin.

Salmo 147:8

Paymi ciëlutapis pukutaywan saparkun. Paymi tamyatapis tamyasimun. Paymi qewakunatapis jirkakunacho winasimun.

Génesis 1:29

Saypitanami nirqan: <

Génesis 2:9

Say huertachömi Tayta Dios winasirqan imaykaläya kuyaylapaq jachakunata. Say jachakunapa wayuyninmi maypis mikukuy munay karqan. Huerta chawpinchömi juk jacha karqan wayuyninta mikur imayyaqpis runa kawananpaq. Saynöpis juk jacha karqan wayuyninta mikur ali kaqta y mana ali kaqtapis runa musyananpaq.

Marcos 4:28

say trïgu puntata qewanölami jeqamun. Winarkamurnami espigayta qalaykur poqun.

Mateo 6:30

Janan shonqula yärakuq runakuna, waray warantin rupasish kananpaq kaykaptinpis qewakunata kuyaylapaqta winaykäsirqa ¿manasuraq qamkunatapis nistäyashqaykita Tayta Dios kamaripäyäshunki?

Job 28:5

Pasa janancho mikuy wayuptinpis pasa rurinchöqa nina shanshaykaqnömi kaykan.

Salmo 1:3

Say runaqa kaykan mayu kuchuncho plantash jachanömi, tiempun chämuptin ali wayuq jachanömi, y raprankunapis mana qarwashtaypa loqluypa loqluykaqnömi. Lapan rurashqankunapis alimi yarqapan.

Génesis 2:5

Tayta Dios manaraqmi tamyasimurqanraqsu. Saymi ima qewapis ni jachapis jeqamurqanraqsu. Saynöpis chakrata arunanpaq runapis manami karqanraqsu.

Santiago 3:12

¿Hïgus jachapis aceitünasta wayunmansuraq? ¿Üvapis hïgusta wayunmansuraq? ¡Manami! Saynöpis manami juk pukyulapitaqa pochquq yaku y mishkiq yaku yarqamunsu. Sayno kaykaptinqa lutankunata parlanansipa trukan alilata parlashun.

Mateo 3:10

Mana wayuq jachakunata chakipita muturir ninaman qaykuqnömi jusalikuqkunata castigananpaq Tayta Dios kamarikushna kaykan.

Jeremías 17:8

Say runakunaqa yaku kuchuncho plantaraykaq jachanömi kaykäyan. Say jachapa jaqwankuna yakuman michiptin usyachöpis raprankuna verdilami kaykäyan. Usya kaptinpis qarwashtaykänanpa trukanqa imaypis wayuykanmi.

Génesis 2:16

Nirkurnami runata nirqan: <

1 Corintios 15:38

Muruskiyaptinqa Tayta Diosmi winasimun. Cada casta murupitami Tayta Dios munashqannöla yüranta winasimun.

Génesis 1:12

Saymi winamurqan tukuy niraq qewakuna y imaykaläyata wayuq jachakunapis. Sayno kamarkurmi Tayta Dios rikarqan ali kashqanta.

Isaías 61:11

Maysay nacionchöpis alilatana rurar payta alabayänanpaqmi Tayta Dios kamakäsinqa. Qewata jeqasimushqanno y huertacho plantata sheqlisimushqannömi salvacionta chäsimunqa.