Gálatas 4:5 - Tayta Diospa Wilakuynin

⁵ Sayno karqan leykunapa munaynincho kashqansipita salvamänansipaqmi. Saynöpami paypa wamrankunana kanansipaq legitikamashkansi.

Gálatas 4:5 Referans Kwoze

Hebreos 9:15

Saymi Jesucristo garantiansi kaykan Tayta Dios mushuq pactuta cumplinanpaq. Paymi wanurqan nawpa kaq pactuta mana cumplishqansipita perdonash kanansipaq. Saynöpami lapanpis Tayta Dios qayashqan kaqkunaqa promitishqan herenciata chaskiyanqa.

Efesios 1:5

Kuyamashpansimi kikin munashqanno destinamarqansi Jesucristo kayninpa wamran kanansipaq.

Efesios 1:7

Kuyapäkuq karmi Surinpa yawarninwan rantimashpansi lapan jusansikunata perdonamashkansi.

Apocalípsis 5:9

Paykunami mushuq alabanzata cantar Carnishta alabayarqan kayno nir: <

Hebreos 9:12

Jana pasacho kaykaq Lugar Santïsimuman yaykunanpaqqa manami kay pasacho cürakuna rurayashqanno chïvupa y becërrupa yawarninta aparkur cada watasu yaykurqan, sinöqa kikinpa yawarninta jicharmi juk kutila yaykurqan. Saynöpami rantimashkansi imayyaqpis salvash kanansipaq.

Gálatas 3:13

Isanqa say leykunata cumpliyta mana kamäpakurmi maldicionädu karqansi. Saymi noqansipa trukansi maldicionädu runano wanur Jesucristo salvamashkansi. Tayta Diospa palabranchöpis kaynömi qelqaraykan: <>.

Romanos 8:23

Manami kamashqankunalasu sayno lakikuykäyan, saypa trukanqa Tayta Dios jukla shuntakamänansita munar noqansipis lakikuykansimi. Espíritu Santuta primiciatano chaskikush karmi shuyakuykansi cuerpunsitapis mushuqmanna tikrasinanpaq.

Gálatas 4:7

Saymi ashmaynönasu kaykansi, sinöqa Tayta Diospa wamrankunanami kaykansi. Wamranna kashpansimi promitimashqansi herenciata [Jesucristo kayninpa] chaskishun.

Gálatas 3:26

Wawqi panikuna, Jesucristuman yärakurnami kananqa Tayta Diospa wamrankunana kaykansi.

Romanos 9:4

Israel runakunataqa Tayta Dios akrarqan wamrankuna kayänanpaqmi. Munayyuq kashqantapis paykunatami musyasirqan. Paykunawan pactuta rurarmi leyninkunatapis entregarqan. Imano adorayänanpaqpis yachasirqanmi. Promitishqankunapis paykunapaqmi kaykan.

Juan 1:12

Payman yärakur chaskikuqkunatami isanqa Tayta Dios legitimakun wamrankuna kayänanpaq.

Tito 2:14

Jusalikuypita jorqamänansipaqmi wanurqan. Perdonamashpansimi shuntakamashkansi kuyashqan runakuna kanansipaq y lapan shonqunsiwan imatapis alilata ruranansipaq.

Romanos 8:19

Sayno kaptinmi Tayta Dios wamrankunata nawpanman shuntakunanta lapan kamashqankuna shuyaraykäyan.

Efesios 5:2

Jesucristo kuyakuq kashqanno qamkunapis kuyakuq kayay. Kuyakuq karmi noqansi rayku wanur Tayta Diospaq mushkuq sacrificiuno kash.

Gálatas 4:21

Moisés qelqashqan leykunapa munaynincho kayta munarqa ¿pay qelqashqankuna imata nishqantapis tantiyayankiku?

Lucas 1:68

<

Hebreos 1:3

Jesucristumi musyasimansi Tayta Dios imano kashqantapis. Payta reqirqa kikin Tayta Diostapis reqinsimi. Munayyuq palabranwanmi lapan kamashqankunatapis mandan munashqanno kayänanpaq. Jusansipita purificash kanansipaq wanurkurmi gloriaman kutirqan. Kananqa Tayta Diospa trönun aluq kaq nawpanchömi jamaraykan.

Mateo 20:28

Runapa Surinpis manami sirvish kananpaqsu shamush, sinöqa sirvinanpaq y runakuna rayku wanur askaqta salvananpaqmi>>.

Hechos 20:28

Sayno kaykaptinqa cuidä jusalikuyankiman. Mayor wawqikuna kayänaykipaq Espíritu Santu churaykäyäshuptikiqa misikuq runa uyshankunata ali rikashqanno Tayta Diospa iglesianta shumaq rikayanki. Paymi iglesianta rantinanpaq kikinpa yawarninta jicharqan.

1 Pedro 3:18

Jesucristupis jusaynaq kaykarmi jusasapakuna rayku nakarqan. Tayta Diosman pushamänansipaqmi jusalikushqansipita juk kutila wanurqan. Wanuptinpis Espíritu Santumi kawarisimurqan.

Apocalípsis 14:3

Sayqa karqan mushuq alabanzata cantayashqanmi. Sayta cantayarqan Tayta Diospa trönun nawpancho, chusku kawaykaqkunapa nawpancho y saycho kaq ishkay chunka chusku (24) mayor runakunapa nawpanchömi. Wakin runakuna manami say alabanzata yachakuyta kamäpakuyarqansu. Saypa trukanqa say pachak chusku chunka chusku waranqa (144,000) salvash runakunalami yachayarqan.

Romanos 8:14

Tayta Diospa Espïritun tantiyasishqanno kawaqkunaqa lapanpis Tayta Diospa wamrankunami kaykäyan.

Romanos 8:15

Wamran kanansipaqmi Espíritu Santu shuntakamashkansi. Espíritu Santuta chaskikushna karmi patronninta ashmay mansa mansala manakushqannösu Tayta Diosta manakunsi, saypa trukanqa mana mansariypana manakur <<¡Abba, Papä!>> ninsi.

Romanos 10:4

Jesucristo shamushna kaptin manami Diospa leyninkunata cumplirsu perdonash kaykansi, saypa trukanqa Jesucristuman yärakurmi. Payman yärakuq kaqtaqa lapantami Tayta Dios perdonan.