Gálatas 1:7 - Tayta Diospa Wilakuynin

⁷ Jesucristupa wilakuyninpita mas juk wilakuyqa manami salvakunansipaq kansu. Sayno kaptinpis wakin runakuna Jesucristupa wilakuyninman yaparkurmi lutanta yachaykäsiyäshunki.

Gálatas 1:7 Referans Kwoze

Hechos 15:24

Noqakuna musyayashkä wakin wawqikuna Jerusalénpita shamur lutanta yachasir lakikasiyäshushqaykitami. [Paykunaqa nikäyan Moiséspa leyninta cumplir señalakuyänaykipaq kashqantami.] Paykunata manami noqakuna kachayämushkäsu.

Gálatas 5:10

Tayta Diostami manakuykä lutan yachasikuqkunata manana chaskipäyänaykipaq. Say runakunataqa pï kaptinpis Tayta Diosmi juzganqa.

2 Corintios 11:13

Paykuna manami Jesucristupa apostolninsu kaykäyan, sinöqa apóstol tukurmi runakunata engañar puriykäyan.

Gálatas 5:12

<> nir yachasiyäshuqnikikunaqa penqayninta kutapita chipyaq kusuriykuyäsun.

2 Corintios 2:17

Wakinkunaqa imatapis chaskiyänan kashlami Diospa wilakuyninta wilakuykäyan. Noqakuna manami paykunanösu kayä, sinöqa Tayta Dios kachayämash kaptin y noqakunawan pay kaykashqanta musyarmi Jesucristupa jutincho lapan shonqükunawan wilakuyä.

Apocalípsis 20:3

Wanwanyaykaq pasapa shiminpa qarpurirmi pitapis manana engañananpaq punkunta wichqarkur sëllarkurqan. Waranqa wata cumpliskiptinnami pöcu tiempula libri kananpaq kacharinqa.

2 Juan 1:10

Sayno kaykaptinqa lutan yachasikuqkuna chäyämuptin ama chaskipäyaysu ni wayikimanpis posädasiyaysu.

1 Juan 4:1

Kuyay wawqi panikuna, kay pasacho askaqmi lula profëtakuna puriykäyan. Sayno kaykaptinqa pipis <> nir chämuptin shumaqraq tantiyapäyay Tayta Diospa wilakuqnin rasunpaypa kashqanta o mana kashqantapis.

Apocalípsis 19:20

Saychömi yuraq cawallun loqash runa anticristuta y lula profëtatapis prësu sarirqan. Manaraq prësu sariptinmi say lula profëta anticristupa nawpancho milagrukunata rurar anticristupa señalninta chaskikuqkunata y ïdulunta adoraqkunatapis criyisirqan. Say lula profëtata y anticristutaqa azufriyuq nina rupaykaq qochamanmi kawaykaqta qaykurqan.

Apocalípsis 13:14

Anticristupa nawpancho milagrukunata rurarmi runakunata engañarqan. Nirkurnami runakunata mandarqan ïduluta rurayänanpaq. Say ïdulu karqan uman shatush kashqanpita aliyash anticristo niraqmi.

Apocalípsis 12:9

Say jatunkaray dragonqa diablu nishqan Satanásmi. Paymi maysaychöpis runakunata engañaq unay culebra kaykan. Payta y qatiraqnin angilkunata vinciskiyaptinnami Tayta Dios kay pasaman qarqamurqan.

Apocalípsis 2:20

<

Apocalípsis 2:6

<

Apocalípsis 2:2

<

Judas 1:4

Say lutan yachasikuqkunaqa Diospa wilakuqnin tukularmi qamkunaman chäyämush. Paykunaqa Tayta Diosta mana mansapakur runakunata criyisirmi niyan: <>. Sayno nirqa lapanpaq munayyuq Tayta Diosninsita y Señor Jesucristutapis ñëgaykäyanmi. Sayno yachasiq runakunaqa infiernuman qaykush kayänanpaq destinashqami kaykäyan.

2 Juan 1:7

Kay pasacho askaqmi lutan yachasikuqkuna puriykäyan. Paykuna niyan: <>. Runakunata sayno criyisirmi anticristo kaykäyan.

1 Juan 2:26

Kay cartata cartakaykämü lutan yachasikuqkunata mana chaskipäyänaykipaqmi.

2 Timoteo 2:18

Paykuna nikäyan mayna kawarimushnöna kaykar wanurqa manana kawarimunansipaq kashqantami. Sayno yachasir pantakäsiyaptinmi wakin wawqi panikuna Jesucristuman yärakuyannasu.

Gálatas 6:17

[Señor] Jesucristupa ali wilakuyninta wilakushqäpita maqayämashqan seräkuna kanmi. Sayno kaykaptinqa yachasishqäta pipis manakaqman amana churasunsu.

Gálatas 4:17

Lutan yachasikuqkuna manami Dios munashqanno ali kawayänaykita munarsu yachaykäsiyäshunki, saypa trukanqa noqakunata manakaqman churayämashpan paykuna yachasiyashqanta chaskikuyänaykita munalarmi.

Gálatas 2:4

Wilakushqä ali kashqanta niyaptinpis juk ishkay runakuna criyenti tukur Moisés qelqashqan leykunata cumpliyänanpaqmi wawqi panikunata yachasiyarqan. Sayno yachasiyaptinpis Jesucristuta chaskikushna kaykar manami say leykunata cumplinansipaqnasu kaykansi. Paykuna niyashqanta chaskikurqa manami libriraqsu kaykansi, sinöqa say leykunapa munaynincho kar ashmaynölami kaykansi.

2 Corintios 4:2

Noqakuna manami imatapis lutankunata ni penqakuypaq kaqkunata rurayäsu. Manami pitapis engañaykäyäsu ni Tayta Diospa wilakuyninman ituykasilar kikïkunapa yarpaynïkunata yapayäsu. Saypa trukanqa wilakuyninta pïmaypis musyayänanpaqmi Tayta Dios munashqanno kawayä.

Hechos 20:30

Saynölami qamkunapitapis lutan yachasikuqkuna yurir discïpulukunata criyisiyta munayanqa.

Hechos 13:10

nirqan: <<¡Diablu munashqanta rurarmi qamqa Tayta Diospa contran kaykanki! ¿Imayyaqtaq runakunata lulapar Tayta Diospa wilakuqnin tukunki?

Mateo 24:24

Say wisanmi Cristo tukuqkuna y lula profëtakunapis yuriyämunqa. Runakunata criyisiyänan kashqami admiraypaq milagrukunatapis rurayanqa. Sayno rurarmi Tayta Dios akrashqan runakunatapis engañayta munayanqa.

Jeremías 23:26

¡Imayyaqraq say profëtakuna lulakuyashpan kikinkunapa yarpaylanta wilakuykäyanqa!

Jeremías 23:36

<

Gálatas 1:6

Musyayashqaykinöpis Jesucristupa kuyakuyninwanmi Tayta Dios qayayäshurqayki. Sayta musyaykar ¿imanirtaq lutan yachasikuyta chaskikur manaraqpis aykäta Tayta Diospita witikuyashkanki? ¡Saytaqa manami imano tantiyakuytapis atipäsu!