Filemón 1:19 - Tayta Diospa Wilakuynin

¹⁹ Päganäpaq kaqtaqa kikïmi qelqaykämü. Isanqa ama qonqaysu Jesucristupa ali wilakuyninta wilapashqäpita qampis jaqä kashqaykita.

Filemón 1:19 Referans Kwoze

Gálatas 6:11

Kay cartapa ushanantaqa kikïmi jatusaq letrakunawan qelqaykämü.

Gálatas 5:2

Noqa nï: Señalakuyaptikiraq Tayta Dios salvayäshushqaykita yarpäyaptikiqa Jesucristuman yärakuyashqaykipis manakaqlapaqmi kaykan.

1 Corintios 4:15

Chunka waranqa (10,000) yachasishuqnikikuna kayaptinpis Jesucristuta chaskikuyänaykipaq juklaylami puntata wilapäyäshushkanki. Say wilapäshuqnikiqa noqami kaykä. Saynöpami qamkunapa taytaykino kaykä.

Tito 1:4

Tito, noqa yärakushqäno Jesucristuman yärakurmi kuyay surïno kaykanki. Papäninsi Tayta Dios y salvamaqninsi Jesucristo kuyapäshushpayki ali kawanaykipaq yanapaykuläshunki.

1 Timoteo 1:2

Timoteo, Jesucristuman yärakushpayki kuyay surïno kaptikimi kay cartata cartakaykämü. Papäninsi Tayta Dios y Señor Jesucristupis kuyapäshushpayki ali kawanaykipaq yanapaykuläshunki.

2 Corintios 3:2

Saypa trukanqa kikikikunami shonqükunacho qelqaraykaq recomendación cartä kaykäyanki. Say cartataqa pïmaypis liyiyanmi.

Génesis 43:9

Wamraykita imapis päsaptinqa noqami cuentayuq kashaq. Payta mana kutisimuptïqa wanushqäyaqpis ama perdonamankisu.

Romanos 16:22

(Noqa Terciupis Señorninsipa jutincho salüdüta qamkunapaq apasikamü. Apóstol Pablo dictamashqannölami kay cartata qelqaykämü.)

2 Corintios 9:4

Macedoniapita wawqikunawan shamur cuidädu sayraq shuntaykaqta tariyäman. Shuntayashqaykita wilaykaptïpis manaraq shuntayaptikiqa noqapaq y qamkunapaqpis penqakuypaqmi kanqa.

2 Corintios 10:1

Jesucristo kuyapäyäshuptikimi noqa Pablo qamkunata ruwakü. Wakinnikishi manakaqman churayämashpayki nikäyanki: <>.

Filemón 1:18

Ashmayniki Onésimo imaykitapis suwakush kaptinqa o jaqayki kaptin imaptinqa wilaykamay noqa päganäpaq.