Éxodo 9:23 - Tayta Diospa Wilakuynin

²³ Nishqanno jana pasaman Moisés tukrunta joqarkuptinmi intëru Egiptuman Tayta Dios maqakasimurqan, räyusimurqan y runtu tamyata tamyasimurqan.

Éxodo 9:23 Referans Kwoze

Salmo 18:13

13 (14) Tayta Dios jana pasapita parlamushqanqa maqakuynömi wiyakämurqan. Ciëlupitami poderyuq Diospa vozninpis wiyakämurqan. Runtu tamyawan tillaykaq shansha chawpinpitami parlamurqan.

Josué 10:11

Amorreo runakuna Bet-horónpita uraypa Azecayaq qeshpiykäyaptinmi rumi sikasaq runtu tamyata Tayta Dios tamyasimurqan. Say tamyawanmi Israel runakuna espädawan wanusiyashqanpitapis mas askaq wanuyarqan.

Ezequiel 38:22

Pestiwan y wanusinakuywanmi castigashaq. Payman, soldädunkunaman y paywan shamuq lapan runakunamanmi mangädata, ruminöraq runtu tamyata y azufriyuq ninata tamyasimushaq.

Isaías 30:30

Contrankunata ushakäsinanpaq shamurmi fiyupa mansariypaq parlashqanta Tayta Dios wiyakäsinqa. Bunyaypa bunyar rupaykaq ninawan, maqakuywan, mangädawan y runtu tamyawanmi fiyupa rabyashpan castiganqa.

Apocalípsis 8:7

Punta kaq ángel cornëtata tukamuptinmi ninawan yawar talush runtu tamya pasaman tamyarqan. Saywanmi cäsi pulan pasa rupar ushakarqan. Say runtu tamya chashqan kaqqa jachapis qewapis lapanmi ushakäyarqan.

Salmo 148:8

Maqakuypis, runtu tamyapis, rashtapis y pukutaypis, alabayay. Tayta Dios munashqanta ruraq löcu wayrapis, alabay.

Salmo 77:18

18 (19) Löcu wayra rurinchömi maqakuyniki pashtashqanpis wiyakämurqan. Elqukuynikipa asikyayninwanmi pasapis rikakarqan. Temblorwanmi pasapis fiyupa kuyurqan.

Salmo 29:3

Tayta Diospa vozninqa lamar jananpitami wiyakämun. Jana pasapitapis bunrurukuynöraqmi parlamun. Lamarpitapis mas munayyuqmi kaykan.

Apocalípsis 16:21

Jana pasapitami chusku arröbano jatusaq runtu tamya tamyamurqan. Say runtu tamyawan nakarmi runakuna imaykatapis Tayta Diospa contran rimayarqan.

Éxodo 20:18

Say hörami Israel runakuna wiyayarqan maqakuy bunrurushqanta y cornëtata tukamushqanta. Saynöpis rikayarqan elqukushqanta y jirka qoshnishqanta. Saymi fiyupa mansarir karulapita rikaräyarqan.

Éxodo 19:16

Saypita kimsa junaqta pasa wararkuptinnami elqukuypis maqakuypis fiyupa karqan. Yanawyaykaq pukutaymi jirkatapis sapakurkurqan. Cornëtata tukamushqanpis wiyakämurqanmi. Saymi lapan Israel runakuna mansariyashpan fiyupa suksukyäyarqan.

Apocalípsis 16:18

Sayno nimuptinmi asikyaypa asikyar elqukuy rikakämurqan y maqakuy bunrurumushqanpis wiyakämurqan. Pasapis fiyupami suksukyarqan. Runakunata Tayta Dios kamashqanpita pasa manami imaypis sayno suksukyarqansu.

Génesis 19:24

Chaykuptinnami Sodoma y Gomorra markakunaman azufrintin ninata Tayta Dios tamyasimurqan.

Éxodo 9:18

Saymi waray junaq kayno höra runtu tamyata tamyasimushaq. Say tamyanöqa manami Egipto nación qalaykushqanpita kananyaqpis kashsu.

Éxodo 9:24

Saymi runtupis maqakuypis mana chawaypa karqan. Saynöqa manami imaypis Egiptucho karqansu.

Job 37:13

Kay pasaman tamyasimurmi bendicionninta churamun. Aläpa tamyasimurqa castiganmi.

Salmo 147:17

Tayta Diosmi rumitanöraq runtu tamyatapis tamyasimun. Saymi mana awantaypaq alaykun.