Éxodo 9:15 - Tayta Diospa Wilakuynin

¹⁵ Munarqa maynami qamtapis intëru Egipto runakunatapis fiyu qeshyawan ushakärasïmanna karqan.

Éxodo 9:15 Referans Kwoze

Éxodo 3:20

Saymi Egipto runakunata munayyuq kashqäta musyasishaq mansariypaq castïgukunawan. Saynöparaqmi yarqayämunaykipaq Faraón kachariyämushunki.

Proverbios 2:22

Fiyu runakuna y Diosta promitirkurpis mana cumpliqkunami isanqa elaqpita wanuyanqa.

1 Reyes 13:34

Sayno rurashqan pasaypa jusa kaptinmi achäqui karqan Jeroboampita miraqkuna Israelcho ushakäyänanpaq.

Éxodo 14:28

Rakiraykashqanpita yaku kutirmi Faraónpa carrëtankunatapis, cawallunkunatapis soldädunkunatapis chipyaq nitirqan. Saymi Israel runakunata qatipar yaykuqkunaqa lapan ushakäyarqan.

Éxodo 9:16

Sayno kaptinpis maysaycho taq runakuna munayyuq kashqäta musyayänanpaqmi qamta ushakäsishkäsu.

Éxodo 9:6

Nishqannöla waraynin junaq ruraptinmi Egipto runakunapa uywankuna wanuyarqan. Israel runakunapami isanqa ni juklaylapis wanuyarqansu.

Éxodo 9:3

intëru Egiptumanmi pesti qeshyata kachamushaq. Saywanmi wanuyanqa cawallukuna, ashnukuna, camëllukuna, wäkakuna, uyshakuna y cabrakunapis.

Éxodo 9:14

Mana kachariptikiqa kananyaq castigashqäpitapis masraqmi castigashayki. Saynölami castigashaq mandäsishuqnikikunata y intëru Egiptucho taq runakunatapis. Sayraqmi noqala kay pasacho munayyuq Dios kashqäta tantiyanki.

2 Reyes 17:36

Saypa trukanqa noqalata adorayämanki y noqa japaläta sirviyämanki. Lapanpaq munayyuq karmi qamkunata Egiptupita jorqamurqä. Saymi noqalata sirviyämänayki, adorayämänayki y noqalapaq sacrificiukunata rupasiyänayki.

2 Samuel 7:23

Kuyashqayki Israel runakunatanöqa manami pitapis yanapashkankisu. Israel runakunata Egiptucho ashmay kaykäyashqanpita jorqamushqaykinöqa manami mayqan nación runakunatapis sirviyäshunaykipaq jorqamushkankisu. Kuyashqayki runakunata jorqamushpaykimi lapanpaq munayyuq kashqaykita musyasishkanki. Saynöpis munayyuq karmi contran sharkuq nacionkunata y diosninkunatapis ushakäsishkanki.

2 Reyes 19:35

Saypitanami say sakay Asiria soldädukunapa campamentunman aywaykur Tayta Diospa angilnin juk pachak puwaq chunka pisqa waranqa (185,000) soldädukunata wanusirqan. Waraynin tuta kawaq kaq soldädukuna sharkurmi saysika soldädu mayinkuna wanush jitaraykäyaqta rikayarqan.